السلام عليكم و رحمة الله و بركاته
العمارة التي أسكن بها عبارة عن دور أرضي و ثمانية أدوار علوية
كل دور به اربعة شقق
لدينا موتور كالبيدجا واحد و نصف حصان و كذلك موتور ساير واحد و نصف حصان
يعملون بالتناوب
يعني واحد يشتغل بالنهار و واحد بالليل
المشكلة أنه الموتور الساير لما بيشتغل بيطلع مياه قوية جدآ
لكن لفترة بسيطة و بعدين ضغط المياه بيقل لحد ما ينقطع خالص
ثم يشتغل و هكذا
لو حد ممكن يوضحلي طريقة ضبط الأوتوماتيك
لأن به مسمارين عل كل مسمار صاموله
منهم مسمار طويل و الآخر قصير
فهل المشكلة في ضبط الأوتوماتيك و لا لأ
و لو ممكن حد ييجي يضبطهم يبقى شكرآ له و طبعآ تكلفته علينا
احنا في حي المطرية بجوار محطة مترو الأنفاق
فلو ممكن حد يضبطه لنا أو على الأقل يعرفنا نضبطه أزاي
و أنا كنت سمعت أنه في أوتوماتيك للأدوار العليا
فهل ده صحيح و سعره حوالي كام
و شكرآ
اخى هناك عدد (2) صامولة وتحتها سبرنج ( سوسة )
قم بلف الصامولة الكبيرة فى اتجاه عقارب الساعة ( إتجاه الفك )لزيادة الضغط وبالتالى صعود المياة للأدوار العليا والعكس فى حالة كان الضغط مرتفع لدرجة قد تؤدى لإنهيار شبكة المواسير … هذا على قدر علمى من خلال تجربتى مع ماتور المياة بالمنزل .
لابد من ضبط ألأوتومايك …ببساطه فك الصاموله الصغيره وأربط الكبيره قليلا قليلا حتىيفصل الموتورعند3.5بارويوصل عند 2.5وللمساعده ت*0162544873
إعجاب واحد (1)
**عموما الصاموله التى على الجانب وفى الغالب هى 6مم تتحكم فى النهايه الكبرى للضغط مع الإشتراك مع الصامولة التى بالمنتصف ولكن الصامولة التى فى المنتصف وهى بالغالب 10مم الوظيفة الأساسية لها التحكم فى النهاية الصغرى لضغط المياه يعنى الذى يضبط الأتوماتيك لابد يكون عنده فكرة عن الموضوع ويوازن بين الضغط العالى والمنخفض حتى يعمل الموتور مضبوط وثم لابد مع العلم أن ضغط الواحد بار يعنى إرتفاع للمياه حوالى 10 متر **.
إعجاب واحد (1)