طيب ولا يهمك الراجل الأهبل ده بيهمبك وبيكدب كمان وهو ولا درس ولا حاجة، إنت بقى يا هندسة آيه دليلك على كلامك ده ولا دي كمان مش محتاجة دليل وهاتقول إنك قرأت واستقرأت وارتاحت نفسك لهذا الكلام
وبالنسبة لكلامى عن ابو اسماعيل وردى عليه فى الاومور الدينية ليس محتاج انى اكون عندى مؤهلات يكفى ان اعرف ما اقوله وأكون على علم به وعندما اقول ان فرض الحجاب بالقوة ليس من الاسلام فى شيىء وانما هو ضلال مبين لا اقوله مجرد كلام فقط وانما على علم وقد بحثت وتيقت منه ان فرض الحجاب بالقوة ليس من الاسلام فى شيىء ومن يقول ذلك انه يجب فرض الحجاب بالقوة لن اعتبره الا فى ضلال وجهاله عسى الله ان يهديه
وبالنسبة لتطبيق الشريعه لا احد يختلف عليه ولكن تطبيق شريعه الله وليس شريعه ابو اسماعيل الضاله والحجاب فعلا من الشريعه ولكن اين فى الشريعه ان تطبيقه على الناس يكون بالقوة والجبر يريد ان يحولنا مثل ابران او السعودية هل نحن نتقدم ان نرجع للوراء هذه شريعه التخلف والرجعية التى يريد ابو اسماعيل تطبيها وليس شريعه الله فلو ارد ان يطبقها فل يطبقها على نفسه ولكن لن يطبقها علينا حتى وان كان رئيس وانا على يقين ان الله سبحانه وتعالى لن يخذلنا فى الرئيس ولذلك استبعد تماما كل البعد ان يصبح هذا ابو اسماعيل المتعصب الضال هو الرئيس
أما مشاركتك هذه فبكل بساطة فتدل على إن خطورة هذا الكلام ومدى المفارقات والمخالفات الشرعية المتضمنة فيه تحتاج لمزيد بيان ويبدو أن كلمة “تطبيق” و"فرض" معناهما غير متفق عليه بيننا فأنت تقر بالتطبيق وترفض الفرض ولا أدري ماهية التطبيق عندك، ومع هذا فالرجل أصلاً ما قال بفرض الحجاب ولكن قال بمنع التبرج، ولا ينبغي لنا أن ننجرف وراء السؤال وطريقة طرحه ولكن علينا أن نستمع للإجابة بعيدة عن السؤال نفسه.
بصراحة تـــــــــــــــــــامة (وسميني بأي اسم تسميني بيه) أنا مش عارف إنت ازاي تقول هذا الكلام وأنت رجل تعرف العلم والتخصص والبحث العلمي ومن المفترض إنك تقرده وتحترمه لأنك تركت أهلك وبلدك وتجرعت مرارة الغربة من أجل تحصيل العلم ومع ذلك وبمنتهى البساطة وبمنتهى التهميش تقول عن نفسك في أمر الدين (لأن قضية الحجاب وفرضه والسياسة الشرعية باب من أبواب الفقه)
لاومور الدينية ليس محتاج انى اكون عندى مؤهلات
مين في العالم كله قال كلامك ده، يعني بقى الجماعة المهابيل إللي شغالين في جامعة الأزهر دول يبقوا متخلفين والأئمة الأربعة بيضحكوا علينا وعملين مذاهب وخلاص والأمر في منتهى البساطة بدون مؤهلات كل واحد ممكن يقول في كل مسألة
وقد بحثت وتيقت منه ان فرض الحجاب بالقوة ليس من الاسلام فى شيىء
بصراحة لم رغم طول خلافاتنا التي قاربت العام حتى الآن فانا لم أسمع منك كلمة تصيبني بمغص في بطني مثل الفقرة المقتبسة وأشعرتني أنني أتعب نفسي على الفاضي.
ومع ذلك علشان بس “نخرج من الأزمة”، ما هو رأيك الشرعي في “الحجاب” كقضية و"التبرج" كقضية منفصلة ما هو رأيك الفقهي الذي توصلت إليه في هاتين القضيتين وبمنتهى البساطة فأحكام الشريعة المبسطة هي فرض - واجب - مندوب - مباح - مكروه - حرام
يعني أحب لو أسمع منك إجابة مبسطة، حاجة يعني زي كده
الحجاب - مندوب
التبرج - مباح
بدون أن نغوص في أصول استنباط الأحكام بما إنك لك دراسات وبحوثات فقهية فأكيد أنت تمحص في الفقه بطريقة أكثر تبحراً من الجماعة المقلدين من أمثالي، علشان بس أنا عاوز أفهم يعني آيه تطبيق الشريعة ويا عم مش عاوزين شريعة أبو أسماعيل، أنا موافق على شريعة أحمد الديب.
طيب ولا يهمك الراجل الأهبل ده بيهمبك وبيكدب كمان وهو ولا درس ولا حاجة، إنت بقى يا هندسة آيه دليلك على كلامك ده ولا دي كمان مش محتاجة دليل وهاتقول إنك قرأت واستقرأت وارتاحت نفسك لهذا الكلام
أدخل على ويكيبيديا وشوف الدخل القومى المصرى والاسرائيلي كام
شوف يا ابو انس انا قلت لك انه لا داعى لان أكون لدى مؤهل حتى أتكلم فى شيىء من أومور الدين لان اومور الدين ليست حكرا على اصحاب المؤهلات ولكن بالطبع لا اتكلم بجهالة وقد بحثت فى الامر وتيقنت منه وما قلته لك كان بناء على هذا وليس مجرد كلام بجهالة ولك ان تقتنع به او لا تقتنع فلن يغير فى الامر شيىء عندى
وللاسف اراك مرة اخرى تدافع عن بدون علم وتتعصب له اتمنى لك الهداية من الله وتقول انه لم يقول انه لم يفرض الحجاب والفيديو واضح وصريح وحتى شبه الامر بدخول الطالب الكلية الحربية فعليه الالتزام بالزى وهناك بفرق بين موضوع الحجاب وموضوع التبرج فالاخير وان كان ممنوع فى الشريعه فهو ايضا ممنوع اخلاقيا واجتماعيا وليس على المسلمين فقط وانما على جميع الناس
وللاسف ايضا ولا اعلم لماذا لم تصلك وجهة نظرى حتى الان فالحجاب فرض ما عدا الوجه والكفين ويجب على كل الناس الالتزام به والتبرج حرام ولكن الفرق بين الحجاب والتبرج ان الاول لا يجب فرضه على الناس وعقوبة من لا يفعله ومن يفعل ذلك يكون ضال ويطبق شريعته الضاله المتعصبه وليست شريعه الله السمحاء اما التبرج فيجوز للحاكم منعه مما يناسب تقاليد المجتمع وعاداته
هذه شريعه الله وليست شريعه ابو انس او احمد الديب او ابو اسماعيل ويجب علينا الالتزام بها اما ان يأتى واحد ضال ويقول انه يطبق شريعه الله وهو يطبق شريعته العفنه الطبع لن نسمح له وسيخسف الله به الارض
أبو الفتوح: فرض الحجاب بالقوة غير منطقي ويحول الناس إلى منافقين
المراقب ـ أ ش أ
قال
الدكتور عبد المنعم أبو الفتوح - المرشح المحتمل لرئاسة الجمهورية - إن
فرض الحجاب بالقوة غير منطقى، لأن فرض القيم الدينية بالقوة سيعني أن
يتحول الناس إلى منافقين، وأضاف: “من غير المعقول أن يلقي نظام سياسي
القبض على النساء غير المحجبات، وهذا النظام متبع في بعض الدول لكنه لم
يجد نفعًا”.
جاء
ذلك تعليقًا من أبو الفتوح على تصريحات المرشح الرئاسي المحتمل والداعية
الإسلامي حازم صلاح أبو إسماعيل التي قال فيها “إنه سيعمل على فرض الحجاب
على النساء”.
أبو
الفتوح التقى مساء أمس - الأربعاء - أعضاء نادي هليوبوليس بمصر الجديدة -
فى لقاء جماهيرى - أكد فيه أنه وباقي المرشحين المحتملين لرئاسة
الجمهورية سيعلنون عما يتم التوصل إليه في اجتماعاتهم التي عقدت على مدار
الأسبوع الماضي، والمقرر لها أن تتكرر، وأشار الى أن هناك التزامًا من
جميع المرشحين المحتملين بفرض غطاء من السرية على الاجتماعات التي تدور
بينهم حول موضوعات مختلفة، إضافة إلى الدور الذي يمكن أن يقوموا به، على
اختلاف توجهاتهم، في المرحلة الحالية… وقال: سنعلن نتيجة الاجتماعات فور
التوصل لها، إن هذه اللقاءات تعد الأولى، وقررنا وضع مصلحة الوطن فوق
مصلحتنا الشخصية وحتى الانتخابية.
ولفت
أبو الفتوح إلى ضرورة أن تنتهي مرحلة الغموض الحالية، من خلال جدول زمني
لانتقال السلطة… موضحًا أن التحرك السياسي تحت ضغط المليونيات لايمكن أن
يستمر… واستدرك قائلاً “إن المواطنين على صواب بخروجهم مرات أخرى نتيجة
ما يشعرون به من قلق، إلا أن ذلك لا ينفي الثقة فيما أعلنه المجلس العسكري
من أنه لاينوي الاستمرار في السلطة”، واعتبر “قانون الطوارئ” طاردًا
للحرية والاستثمارات وانتهت مدة تطبيقه فعليًا منذ يومين وفقًا للإعلان
الدستوري، ولا يمكن مده إلا باستفتاء شعبي… وقال"إن القانون العادي يكفي
لمواجهة البلطجة والسيطرة على الأمن، على أن تتم محاكمة من يقومون بأعمال
البلطجة سريعًا أمام محاكم خاصة".
وأكد
أبو الفتوح أنه من الأفضل لجماعة الإخوان المسلمين أن تكتفي بخدمة الدعوة
وأن تبتعد عن النشاط الحزبي والسياسي، وعلى الرغم من عضويته بمكتب
الإرشاد في جماعة “الإخوان المسلمين” لأكثر من 23 عامًا، فإنه ضد أن تقوم
أي حركة دعوية أو دينية إسلامية بعمل سياسي أو حزبي… وقال: إن الجماعة
بناء وطني شريف، إلا أنه لا يخلو من بعض القصور والأخطاء البشرية.
وحول
دور مصر في مشكلة الشرق الأوسط ومعاهدة السلام مع إسرائيل، قال أبو
الفتوح إن هدفه كمرشح محتمل أن يعمل على أن تكون مصر دولة قوية… وأضاف:
“حاليًا مصر لن تؤدي دورًا أكثر من الكلام الذي ليس له مردود، ولكن إذا
استردت مصر قوتها فسوف تكون محل احترام وتأثير على كل الأطراف”.
وعما
يتردد عن تعديل اتفاقية “كامب ديفيد” المبرمة مع إسرائيل، قال أبو الفتوح
إن العلاقة مع إسرائيل تحتاج إلى إعادة نظر وفق مصلحة مصر، مع إطلاع
المواطنين على كل ما يتصل بهذا الموضوع، دون اللجوء إلى مبالغات مثل القول
إن إعادة النظر في الاتفاقية يعني الحرب مع إسرائيل.
وفيما
يتعلق بتجدد الإضرابات والمظاهرات الفئوية، قال أبو الفتوح إن ذلك يعني
أن الناس يعانون من غياب الشفافية حول الوضع السياسي والمرحلة الانتقالية،
لأنهم لا يعلمون متى بالضبط سيستقر النظام وتتحقق مطالبهم.
وردًا
على سؤال حول موقفه كمرشح محتمل من الفن، قال أبو الفتوح إن الإبداع لا
يصح أن تقوم السلطة بمصادرته، إلا إذا تم ذلك بمقتضى حكم قضائي.
لاني لا اراه اهل للملك
وهو - ان احسنت الظن به - رجل صالح - يقال فيه - كما قال الرسول صلي الله عليه و سلم - لابي ذر
( يا ابا ذز - انها - امانه - و انها يوم القيامه خزي و ندامه - وانت رجل ضعيف ) او كما قال
في حين انه - فور اسلام - عمرو بن العاص و لاه الاماره
و كثيرا ما اخذ - الصحابه - علي الفاروق - توليته الاماره - اْناس - مطعون في شرفهم - وتركه الاتقياء - لكنه - اكد بانهم الادري بهذا الشان من غيرهم
و لان للملك - لها اصول و خبرات
يقول سيدنا عمر - ان لكل شئ - امارات و تباشير - اي دلائل و علامات
واذا امعنا النظر نجد انه
ليس فقط الشيخ حازم - لا يصلح للملك و لكن اري و الله اعلم انه ان ملك - لا قدرلا الله - فستنهار مصر - للاتي : -
1 - الشيخ - لم يتولي اي منصب قيادي تنفيذي - حتي نختبر قدرته - فليس بالكلام وحده - تمنح الثقه - و ان و عوده بتطبيق الشريعه - مرتبطه بموائمات سياسيه - اقرها هو - بنفسه - عندما - احتك - بالناس - و تطورت افكاره - في كيفيه تطبيقها
و كذلك لا يمكن ان نعتبر ان مناصرته للشريعه حكرا عليه - ناهيك - عن عدم يقيننا علي قدرته في الثبات علي مواقفه و عدم تقديم المزيد من التنازلات
واظن - و الله اعلم - ان مجرد ترشح الشيخ للرئاسه - مخالفه شرعيه
لان بهذا - ( يوسد الامر لغير اهله )
2 - اسلوب الشيخ في الهجوم علي خصومه - اسلوب انتقائي - اي يهاجم من يراه ضعيفا - كالجيش و يمالئ - الملحدين
و هذا يدل علي ضعفه - و الشك في تنفيذ - ميزته النسبيه الوحيده
3 - ليست لديه اي رؤيه قياديه واضحه عن اسلوب قياده مؤسسات الدوله و التعامل مع الجيش و الشرطه و خلافه - وكانه ضمن انصياع الجميع له بمجرد انه يخطب في مسجد - اذا سيقودنا هذا لفتنه عظيمه - و حرب اهليه
يقول اوكونور
ان القياده الحقه - تعتمد علي المعرفه - و الخبره الواسعه
و مهما كانت عظمه صفات القائد - فلن يتمكن من الاستفاده منها و استخدامها - ما لم يكن - ملما بالتفاصيل الفنيه - - - و كذلك التعرف علي مرؤسيه و كذلك معرفه - وظائفهم - و صفاتهم - و اشخاصهم
4 - تبني اسلوب المعارضه - الشكليه - و تقليده لاسلوب الشيخ كشك - رحمه الله - في اجتذاب الجماهير - وهذ ليس كافيا ان ناْتمنه علي الوطن
مع تاكيدي علي اخلاص و صدق الشيخ كشك - الذي كان يهاجم اخطاء الجماعات الاسلاميه بنفس قوه مهاجمه النظام
اما الشيخ حازم فلم ينكر منكرا - علي اي احد من الملحدين من 6 ابريل وغيرهم - و لم اسمعه ابدا انكر منكرا علي احد الا الجيش
5 - اما توليه - منصب قيادي - في جماعه الاخوان لا يعني شيئا - لاني لا اعرفه و لا اعرف اهميته و حدوده
6 - ان العمل كمحامي لا يصلح للحكم - لان المحامي يعتمد علي اقناع القاضي - و القاضي ليس بذي مصلحه -
و لكن الخصوم - السياسيين - و الاقليميين - و الدوليين - لا تعنيهم الكلمات المنمقه او الرؤي الفلسفيه - او التصورات العبقريه - بل القوه - الماديه
ان مؤهلاته - يمكن ان تؤهله للبرلمان - و هذا بطبيعته - رقابي و كلامي و ليس مسؤل
7 - كونه يري ضعف الجيش - فهذا حقيقه - موجوده فيه - و عيب خطير ايضا - يجعله يبدوا انه شخص سطحي قاصر الفهم - ضعيف الرؤيه و البصيره
8 - واما الكلام عن دراسات اجراها - او - افكار يتبناها - فان : -
الدراسات النظريه شئ و التطبيق العملئ شئ اخر
التطبيق العملي في دول اجنبيه شئ و مصر شئ اخر
يجتاح التطبيق الي حد كبير - قدره الزعيم علي الاداره و القياده - وسابقه نجاح - تاريخيه - و ليس فقط الكلام
يجب ان نؤكد - علي انه - باستعراض تاريخ مصر الالفي - لم تنفصل - قياده الدوله - عن قياده الجيش - الا كانت - بدايه - او - قمه - الانهيار
اري ان دغدغه المشاعر الدينيه - التي يتوسل بها الشيخ ( و كافه مرشحي التيار الاسلامي ) - الناخبين - ما هي الا - غش و جهل بالشريعه - و استغلال - مؤثم - لجهل الناس بها
و لقد راينا - و عانينا - المهزله - البرلمانيه الحاليه
فما - هو حالنا - لو تولى امرنا - ( رجل لا يدري ) ؟ !!!
وللاسف ايضا ولا اعلم لماذا لم تصلك وجهة نظرى حتى الان فالحجاب فرض ما عدا الوجه والكفين ويجب على كل الناس الالتزام به والتبرج حرام ولكن الفرق بين الحجاب والتبرج ان الاول لا يجب فرضه على الناس وعقوبة من لا يفعله ومن يفعل ذلك يكون ضال ويطبق شريعته الضاله المتعصبه وليست شريعه الله السمحاء اما التبرج فيجوز للحاكم منعه مما يناسب تقاليد المجتمع وعاداته
لأ!! دي بجد مش فاهمها واصبر علي شويه، يعني انت المشكلة عندك في النقاب وفرض النقاب أم الحجاب (إللي هو التجيبه والجيبة الطويلة والبلوزة بتاعة زمان)؟ لأني شايفك بتقول الحجاب “الفرض” فيما عدا الوجه والكفين، لأني شايفك وبكل بساطة أقررت حق الحاكم في منع التبرج وكلمة التبرج اللي الحاكم هايمنعها أكيد مش هاتكون الكحل ونقش الحنة أو إن الجيبة مفتوجة شوية وبتبين شبر من الرجل، لكن التبرج المتفق عليه معروف لنا كلنا وهو أمر أصبح مزعج جداً جداً لكل محترم ومتأكد أنك تتفق معي فيه.
عم الحاج أبو اسماعيل ما قالش إنه هايفرض الحجاب يا هندسة وما فيش تعصب ولا حاجة الراجل قال وبكل وضوح إنه لن يسمح لفتاة إنها تجرح حياء الشباب يعني إنه هايمنع التبرج، وبالنسبة للحجاب قال وبكل صراحة أنا مش هاقول ليها تلبس آيه تلبس إللي هي عاوزاه إن شالاه ملاية سرير يعني ما فيش فرض حجاب معين، الموضوع ببساطة هو منع التبرج.
وبعدين فيه حاجة حارقة قلبي، يعني قبل كده اتكلمنا كتير على السياحة والبنوك والسينما وقلة الأدب ساعة انتخابات حزب النور وكأن البلد بلد قليلي الأدب وربان دعارة، أما الآن لما تبين إنهم ما بيعضوش وإنهم ناس طيبين لدرجة السلبية أحياناً، خفت الهجمة ولما جه الدور على أخونا ابو اسماعيل أصبحت القصة اللي باقية هي الحجاب وكأننا بعد ما اطمنا على الدعارة والسياحة بقينا عاوزين نطمن على البنات المتبرجات تبرجاً سافراً يجرح الحياء العام للمجتمع والذين أمرنا بأمر رسول الله أن نعلنهن إذا رأيناهن لأنهن ملعونات.
وبعدين علشان لا تستعجب إني مش عارف أفهم ولا أنا برده أظن إن مش عارف أفهمك خلينا نقول وبكل بساطة الفيديو ده قول لي آيه هي الكلمة إللي مش عاجباك وما تتعبش نفسك وتكتبها قولي بس وقتها وأنا إللي هاكتبها ونناقشها، بس بجد خلينا نركز في الفيديو ده مع العلم إنك انت إللي جيبته مش أنا إللي جيبته. بس خلينا نناقش لغاية الدقيقة 11 الأول قبل قصة الكلية الحربية وهذا ليس فراراً مني منها لكن بس خلينا الأول نخلص أول 11 دقيقة وبعدها سنأتي لهذه الخمس دقائق وبدون مزايدات سأفند كلامه كلمة كلمة بما فيها الكلية الحربية وأمن الدولة كمان، بس أستأذنك بس دلوقت في أول 11 دقيقة.
معلش لساي دلوقت شايف الفيديو ده واستعجبت جداً إن فيديو زي ده يخرج من مصريين مش من جنود بشار الأسد
لمثل هؤلاء عاوزين نسلم مصر
والله ما هي مزايدة بس بجد نصف واحد ما كان يوصف قبل ترشحه للرئاسة إلا بالمحترم وكان من أول المشاركين في الثورة وهو من تزعم الدفاع عن الثوار في شارع محمد محمود في حين أنه أنه كان طلب كل من يعادونه الآن
وهو من وقف بشدة أمام المجلس العسكري بسبب البنت إللي اتعرت والناس نقلت كلمته التي دوت في الميدان "بيننا وبينهم دماء وأعراض"
دلوفت أصبح الجاهل المتنطع، لكن ×××× دول لازم نحافظ حريتهم
بجد والله ما هي مزايدات ومش مهمة أساساً في موضوعنا بس أنا اتخنقت لما شوفته في ظل نقدنا لكلام حازم أبو اسماعيل حرف حرف وعمالين نشتم فيه لكن هؤلاء ×××× سلموا منا. //youtu.be/http://www.youtube.com/watch?v=ShNVsHAqrV0&feature=related
واضح يا ابو انس انك عمال تدافع عنه وخلاص وكل مرة اعيد كلامى وللعلم فهو قال انه هيفرض الحجاب والفيديو واضح جدا علشان منتكلمش فى الموضوع ده كتير ومش محتاج تفنيد ولا غيره وافهم الكلام كما تحب واشرحه كما تريد لكن هو واضح للصغير قبل الكبير ومش محتاج كلام كتير
وعموما مش قصة الفيديو او الحجاب اللى هنعمل عليها قصة وسواء كده او كده هو ان شاء الله هيسقط
أحد كشوفات التوكيلات
ثلاثة توكيلات أبو الفتوح
37 توكيلاً أبو اسماعيل.
أغلب استطلاعات الرأي يتصدر قائمتها حازم صلاح أبو اسماعيل، بس لأنك في ألمانيا فمش حاسس الدنيا فيها آيه وبتمني نفسك وخلاص، لكن لو اتمشيت في الشارع شويه هاتعرف إنه ما فيش حد الناس بتتكلم عنه إلا أبو اسماعيل.
واعتقد انك فهمت وجه نظرى
أكيد ما فمهتش حاجة طبعاً وإلا يبقى بأضيع وقتي وخلاص، وأنا لما خليت الأمور لا تحتمل سوى “آه” أو “لأ” خرجت انت من الحوار بدعوى حفظ الوقت على الرغم أننا أضعنا من وقتنا وقتا إضافياً فقط علشان نقول مش عاوزين نضيع وقتنا.
لا الكلام ده مش صحيح ولسه محدش يعرف عدد التوكيلات اد ايه الا لو بصورة غير رسمية ولو حد بيتابع
وده مش مقياس برضه لانى قرأت امبارح على سبيل المثال ان صباحى فى كفر الشيخ واخد اكبر عدد توكيلات وبعيده ابو الفتوح وبعدين شفيق وموسى وابو اسماعيل فى الاخر
انا موضوع المتابعه على العكس لما بكون فى المانيا بكون متابع اكتر ويقرأ الاخبار على جميع الجرائد لكن فى مصر بكون معزول عن الدنيا خالص وحتى مبعرفش ايه اللى بيحصل الا لما حد يقولى عليه وبعدين وانا فى مصر اصلا مشيت فى الشوراع وكل حاجة وكل اللى اعرفهم بيكرهوا ابو اسماعيل ومحدش هيتخبوا وان شاء الله هيسقط
دا خبر برضه مرتبط بموضوع التوكيلات ابو اسماعيل عموما ملوش شعبية ولا حد يعرفه كل اللى ماشيين وراه السلفيين وشوية الشيوخ بتوعهم ولوحدهم مش هيقدروا يعملوا حاجة ولا ينجحوا مرشح ومتنساش عبد المنعم الشحات اللى يعتبر من اقطاب السلفية وفشل فشلا ذريعا فى عقر داره طب ايه رايك بقى ان عمرو موسى او احمد شفيق ليهم شعبية أكتر منهم عند الناس وخصوصا البسطاء فى القرى والمراكز بصراحة يا ابو انس الناس عايزة الاعتدال والوسطية مش التطرف والتعصب احنا مش ناقصين فتنة تحصل تانى لو حد زى ابو اسماعيل بقى الرئيس
رويترز | أبو إسماعيل أول مرشح يحصل على توقيع 30 نائبا، وأبو الفتوح وصباحي الأكثر حصولا علي التوكيلات الشعبية في معظم المحافظات
أصبح الشيخ حازم صلاح أبو إسماعيل أول مرشح رئاسي ينجح في تخطي عقبة التوقيعات المطلوبة للترشح رسميًا لانتخابات رئاسة الجمهورية، بعد أن جمع أكثر من 30 توقيعًا من نواب مجلس الشعب، معظمهم من حزب النور.
ويشترط قانون انتخابات الرئاسة حصول المرشح الرئاسي على 30 ألف توكيل من المواطنين في 15 محافظة على الأقل، أو 30 توقيعًا من أعضاء مجلسي الشعب والشورى.
فيما حصل عمرو موسى علي توقيع 14 نائبًا من حزب الوفد، بحسب مصادر في حملته،وعبد المنعم أبو الفتوح، وحمدين صباحي على العدد الأكبر من التوكيلات الشعبية في معظم محافظات الجمهورية.
هل ترى أن هذه الكلمة تليق بمثل هؤلاء أستاذ دكتور عمر بن عبد العزيز (أستاذ المذاهب والأديان كلية الدعوة جامعة الأزهر - من الهيئة الشرعية للحقوق والإصلاح ) الشيخ وجدى غنيم جماعة الإخوان المسلمون الشيخ أبو إسحاق الحوينى (الدعوة السلفية) الشيخ حسن أبو الأشبال (الدعوة السلفية) الشيخ عبد الرحمن عبد الخالق (الدعوة السلفية) الشيخ محمد إسماعيل المقدم ( الدعوة السلفية) الشيخ الدكتور مازن السرساوي جامعة الأزهر (الدعوة السلفية) الدكتور سيد حسين عفاني ( الدعوة السلفية ) الدكتور شهاب الدين أبو زهو (أستاذ في جامعة الأزهر) [SIZE=5][FONT=arial]الكاتب محمد عباس
إن كنت تجهل قدرهم فتلك مصيبة وإنت تعلم فالمصيبة أعظم
وأنا والله ما متكلم معاك مرة تانية في الموضوع ده لأنك واضح إنك إنت إللي بتعترض وخلاص، وبأقولهالك وبمنتهى الصراحة سترى مين أول مرشح سيحصل على عدد توكيلات أكبر من الباقين، ووالله وأقولها وبكل صراحة والله لو لم يكن أبو اسماعيل بلحية لاختاره كل الناس رئيساً توافقياً ولكن بس علشان هو ملتحٍ الناس بتعترض عليه، وأقرب مثال مديرنا الكبير أحمد الديب سألتك كلمنا عن أبو الفتوح وبرنامج فكان ردك المفاجئ لي وبمنزلة الصدمة
[/font][/size]
فى الحقيقة انا لم اتابع ابو الفتوح بالدرجة الكبيرة
آخر كلمة هاقولها
سبحانك اللهم وبحمدك أشهد أن لا إله إلا أنت أستغفرك وأتوب إليك.
فى الحقيقة لا اعلم هولاء الشيوح ربما اعرف بعضهم اسما لكن لم اطالع اى اعمال لهم وعموما ليس تأييد هولاء الشيوخ هو الذى سيجعل ابو اسماعيل هو الفائز وهولاء الشيوخ ايضا ايدوا حزب النور ولم يحصل ايضا على قدر كبير مثل الاخوان ممكن هذا الامر يكون له تأثير على الناس اللى بتتأثر بكلام الشيوخ لكن انا لا اختار مرشحى بناء على كلام شيخ
وللعلم فابو اسماعيل لن يحصل على اكبر توكيلات ولا شيىء طبعا الموضوع فى علم الغياب ولكن من قياس الواقع زى ما قولتلك فى ردى السابق انه لن يحصل على شيىء وسيقسط فى الانتخابات وستكون خسارته مخزية والموضوع ليس انه بدقن ولا من غير دقن طب ايه رأيك انا كنت معجب بيه وخصوصا اراءه عن الحالة السياسية وعدم منافقته للمجلس العسكرى رغم ان فى ناس كتير بدقون برضه كانوا منافقين لكن بعد ما اطلعت على اراءه الضالة عن موضوع فرض الحجاب وغروره بنفسه واستبداده برأيه غيرت رأيى فيه وكذلك الكثير من الناس التى تحب الاعتدال والوسطية
وبعدين مش عارف انت لم بتتعجب على ردى لما سألتنى عن ابو الفتوح انا قولتلك انى لسه محدتتش بس تقريبا فى احتمال انى اختار ابو الفتوح ولسه طبعا محتاج اعرف عنه أكتر وايضا عن المرشحين الاخرين زى باسم خفاجى او اى مرشح سيظهر على الساحة لاحقا
الموضوع ليس رفض لما هو اسلامي نحن مسلمين والحمد لله كيف نرفض كل ما هو اسلامي وبالنسبة للاوضاع الان فهي سيئة لعدم وجود اختيار ديمقراطي حر لم يمثل الشعب سواء السيسي او غيره فانا دائما مع فكرة ان الشعب يجب ان يختار ويجب ان يتحمل مسئولية اختياره.
على العموم هذا الموضوع قديم وبعد اذنك سأقوم بارشفته او اغلاقه بعد اضافة تعليقك
