مشروع تصنيع الفنيك المطهر من الألف إلى الياء كأنك تراه ؟؟؟؟؟؟؟؟؟؟؟

12_ هتشتريلك قماع صاج ( قمع يعنى ) من الكبير ده يملى معاك الجمدانات بسرعة وبيستحمل اشتريلك 3 ولا حاجة والقمع الصاج الكبير عامل الواحد 5 جنيه وجبلك برده قمعين صاج ولا 3 من الصغيرين للجراكن والقمع الصغير عامل 2 جنية
وطبعا القماع الصاج اللى اقصدها زى اللى بيتعبا بيها الجاز فى الجراكن شوف بتستحمل ازاى وعملية مع بتوع الجاز احنا بقى عايزينها تعيش معانا برده بس فى الفنيك ولو حبيت تجيب قماع بلاستيك ماشى شغال عادى بس القماع الصاج أرخصلك .
والقماع الصاج اللى أقصدها زى اللى هوريهالك فى الصورة اللى فى الجركن

13_ هتشتريلك25 جمدانة ولا حاجة وطبعا فيه منها مستعمل وفيه جديد المستعمل ب 19 جنية والجديد ب 23 جنية وفيه سكك أرخص من كده وسواء جبت مستعمل ولا جديد مش فارقة كده كده هتتوسخ من الفنيك وانتا كده كده مش بتبعها للعميل ده انتا بتاخد مكانها واحدة تانية فاضية او بتسبها عنده وتاخدها المرة الجاية بس الأحسن انك تاخد مكانها علشان مش كل شوية تشتريلك جمدانات وتتعطل لحد اما تجيلك تانى اتعود تاخد مكانها واحدة فاضية بتاعة كلور بتاعة سلفونيك اى جمدانة كده كده انتها هتغسلها تانى قبل اما تعبى فيها .

يتبع إن شاء الله

thanks for wanderfull imformation go on

شكرا على المجهود لكن حاول أن يكون ما تقدمه يتلائم مع المحافظة على السلامة و المحيط

يا سلا م حقيقى قصة حياتك تقطع القلب ايه المطلوب منا التبرع لك يعنى ولا ايه

14_ هتجبلك برميل بلاستيك اللى بيسع 60 لتر بس لو انتا شغال لوحدك هيبقى مش سلسل فى تحركه معاك لما تملاه بمحلول الصودا فخليك أحسن فى شراء برميلين بلاستيك الى بيسع 30 لتر أو أزيد شوية علشان هنعوذهم ندوب فيهم الصودا والواحد عامل 20 جنيه دول هيبقوا سهلين فى شيلهم وتحركهم وعامة ده يرجعك لراحتك فى شغلك واذا كنت هتضرب الفنيك لوحدك ولا هيبقى معاك حد بس انا بسهلك الأمر علشان لو جيت فى يوم وضربت الفنيك لوحدك
والصورة للبرميلين هى :


15 _ هتشتريلك غلاية صاج بتسع 20 لتر وأزيد شوية بمعنى انك مثلا عاوز تزود فى النسب او تقلل او تغير فيها اللى هى نسب المواد الخام للفنيك فبدل ما تشتغل وتجرب فى البرميل الكبير اللى بيسع 200 كيلو لأ هتفيدك الغلاية فى انك تعمل تجارب بسيطة تضريبة 20 لتر مثلا وكانها برميل مصغر طبعا انا ان شاء الله هديلك نسب تمشى عليها بعد كذا تجربة توصلت اليها وهديلك برده شوية نسب للتجارب نفسها
ودية صورة للغلاية الصاج وهى بتتباع ب20 جنيه :


16_ بتجبلك كام شفشق بلاستيك علشان هتصب بيه محلول الصودا المخفف وبنشوف بيه شفافية الفنيك له كذا إستخدام معانا
والشفاشق اللى انا أقصدها شفاشق عادية خالص زى اللى بتستخدم فى اى بيت زى اللى فى الصور
أما لو حبيت إنتا تجيب شفاشق عليها تدريج بالملليتر ماشى خير وبركة ده أحسن ليك فى ضبط مقاديرك بالملليتر ده أفضل وأحسن لإنى سمعت إن فيه شفاشق بلاستيك بيبقى عليها تدريج لحد 1000 ملليتر أهم حاجة متجبهاش ازاز علشان بتبقى غالية ومش عملية واحنا استخدامات الشفاشق عندنا محدود فقط بنصب بيها محلول الصودا الكاوية المخفف أو بنشوف بيها شفافية الفنيك حاجات زى كده
وصور الشفاشق هى :

17 _ طبعا الفنيك أثناء تصنيعه بيحتاج دائما للتقليب يبقى إذا :
يإما هنقلب

يدوى بخشبة طويلة أو إننا هنقلب بماتور
هنتكلم أولا على أفضل حاجة للتقليب وهو التقليب عن طريق ماتور أولا مزاياه كثيرة جدا منها انك ممكن تضرب الفنيك لوحدك ومتحتاجشى لحد يساعدك ومنها أيضا الماتور شغال على طول مبيبطلش طول ما انتا بتصنع ودية ميزة كويسة لتمازج واندماج المكونات مع بعضها وسرعة تفاعلها + ان انتا ممكن تسيبه يقلب ساعة ساعتين خاصة أثناء الحقن بالصودا فى أواخر التضريبة زى ما هنبقى نتكلم عنها ودية ميزة كويسة تخلى الفنيك سماره يزيد ولمعانه وشفافيته كمان تزيد
طيب نرفع صور الماتور الأول وبعدين نتكلم على مواصفاته ومكوناته :


رقم COLOR=darkred[/color] ماتور
رقم COLOR=darkred عمود موصل الدروبكس بالماتور [/color]

رقم COLOR=darkred الدروبكس [/color]
رقم COLOR=darkred حامل شايل الماتور والدروبكس متمسمرين فيه [/color]
رقم COLOR=darkred يد علشان تشيل بيها الماتور وتنقله من برميل لآخر [/color]
رقم COLOR=darkred العمود ( الأكس اللى نازل من الدروبكس )وإن شاء الله هرفع لكم صوره منفرد علشان تشوفوا الريش المتصلة بيه ( مراوح التقليب ) [/color]



ده عبارة عن ماتور واحد حصان عادى خالص ب 250 جنيه صينى تقريبا بس طبعا بيجى سرعته عالية 1200 تقريبا لفة فى الدقيقة انا مش متذكر قوى كان عدد لفاته كام فى الدقيقة بس احنا عايزينه طبعا يكون بطيىء علشان يدينا حد أقصى 100 لفة فى الدقيقة بحيث لما تحمل عليه وتحط خاماتك كلها يقل يوصل ل 90 ، 80 لفة فى الدقيقة لإنه كل أما يكون سريع يعمل دوامة فى البرميل يقوم يكب محتويات البرميل من خامات التصنيع للفنيك لبرة على الأرض
لكن كل أما تكون سرعته بطيئة كل انتا ما تقدر تديله الكميات بتاعته

طيب يبقى اذا علشان نقلل السرعة بتاعته ونوصله ل 80 لفة فى الدقيقة يبقى هنوصله بدروبكس الدروبكس تقريبا اشتريته ب 500 جنية مستعمل
طيب لو ملقتشى دروبكس يوصلك عدد اللفات فى الدقيقة ل 80 ولقيت أقل من كده يوصلك ل 60 أو 50 أو أقل المهم إنه يكون سرعته معقولة فى التقليب لإن انتا كده كده بتشتغل فى برميل فالسرعة مش مشكلة أهم حاجة يقلب كويس وميقفش منك لما تحمل عليه الخامات فى البرميل أهم حاجة يتنيه يقلب كويس يبقى معقول يعنى فى تقليبه لا سريع ولا بطىء وسط يعنى المهم انه شغال بيقلب ميقفش منك او يتقل
طيب الدروبكس ده هنوصله بعمود ( أكس ) نازل من الدروبكس وطبعا العمود ده مش ملحوم فى الدروبكس علشان تعرف تفكه منه ويبقى سهل تتنقل من برميل لبرميل والعمود بنعمله بحيث نسيب مسافة بين نهاية العمود وبين قاع البرميل علشان ميلبش فى قاع البرميل
والعمود ده بيبقى ملحوم فيه ريش للتقليب زى المروحة بعملها على 3 مستويات فى العمود واحدة هتبقى تحت ملحومة فى آخر العمود وواحدة فى نصف العمود وواحدة فوقيها بشوية وكل ريشة طبعا بتبقى بدراعين دراع على اليمين ودراع على الشمال
والريشة بتكون بميل لفوق شوية علشان لما تيجى تقلب تبص تلاقيها إيه تسحب من فوق لتحت على طول لإن لما الريشة بتكون فيها نسبة ميل بتقلل المقاومة لإنها كل اما تكون عدلة تاخد مقاومة جامدة لكن لما تكون فيها نسبة ميل تقوم تعمل دوامة بسيطة تجيب من فوق لتحت على طول ومتكبش الفنيك لبرة يعنى الميل بتاعها يكون تقريبا بتاع 65 درجة متكونشى مايلة قوى علشان متعملش دوامات عالية تقوم تكب لبرة
وطبعا علشان تعمل الشغل ده على مقاس البرميل لازم هتاخد معاك برميل فاضى للصنايعى اللى هيعملك الشغل ده علشان يقيس عليه وتحاول لما تشترى البراميل تجبها كلها شكل واحد وطول واحد وقطرواحد كلها مقاس واحد يعنى علشان تعرف تنقل الماتور من برميل لآخر
عامة الشغل ده كله كلفنى هنقول ماتور ب 250 جنيه ، ودروبكس مستعمل من عند الصنايعى ب 500 جنيه بس بصراحة مع انه مستعمل بس زى الصاروخ الراجل فعلا خدمنى فيه جامد وهنقول العمود والحامل والتركيب الشغل اللى هيعملهولك الصنايعى هياخد فيه 250 جنيه كمان يبقى قول هيقفل ال 1000 جنيه بس حاجة بصراحة هتريحك فى شغلك جامد مش خسارة فيها ال 1000 جنيه
صور أخرى للماتور :


صور العمود ( الأكس ) الملحوم فيه ريش التقليب ( مراوح التقليب ) هى :


وزى ما انتا ملاحظ هنا فى الصورة إن الريش ( مراوح التقليب ) فيها نسبة ميل تقريبا بتاع 65 درجة
وبرده زى ما انتا ملاحظ فى الصورة إن الدراع اليمين من الريشة نسبة الميل فيه من فوق وقدامه الدراع الشمال من الريشة نسبة الميل فيه من تحت الإثنين عكس بعض علشان لما تيجى تقلب تبص تلاقيها ايه تسحب من فوق لتحت على طول

ده بالنسبة لأفضل حاجة للتقليب عن طريق الماتور وأسرع وأحسن
أو إنك هتقلب يدوى بخشبة ( عصاية شوم ) زى اللى فى الصورة دية :
بس فى الحالة دية ممكن تحتاج حد معاك يساعدك فى التقليب شوية علشان الفنيك بيحتاج شوية تقليب حلوين

18_ طبعا لما نيجى نعبى الفنيك السوبر فى ازايز السوبر قدامك ماكنتين تشتغل عليهم علشان تقفل غطاء ازازة السوبر زى تقفيل العاشر الغطاء المعدنى الذهبى مقاس 28 يا إما نقفل بماكينة يدوى او نقفله بماكينة أتوماتيك
هنتكلم على الأتوماتيك الأول :
هى ماكينة لها ماتورين وتعمل اوتوماتيكيا لتقفيل الغطاء على رقبة الإزازة حيث انها بتقلوظ الغطاء على رقبة الإزازة القلاووظ وتقفل دبلة الغطاء على حافة الإزازة حنى تكون محكمة مثل غطاء ازازة اى علبة دواء
وطبعا انا مش هتكلم عليها كتير لإنك لو عملتها هى بتتعمل عمولة كده كده لازم المهندس اللى هيعملهالك هيدربك عليها فهتكون فى غنى عن شرحى لإنها عايزة شرح عملى وليس نظرى
فيه إثنين أعرفهم فى القاهرة بيعملوا الماكينة دية
واحد فى القاهرة _ العتبة _ الجامع الأحمر _ 18 درب عبد الخالق ده المعرض والمصنع نجيب الريحانى _ 14 عطفة البركة
اسمها ورشة الإتحاد الصناعى للصناعات الدقيقة _ محمد يحيى الخراط _ محمد حسن _ محسن _ الحاج حسن
التليفونات : 0225882916 _ 025903710 _ 0123499214
وهو بيعملها ب 3700 جنية بس ممكن تنزل معاه فى السعر ممكن تخلص معاه ب 3400 جنية
_____________________________

والثانى فى القاهرة _ المرج _ عند قصر نعمة وده بيشتغل مع كل بتوع العطور والإزاز اللى فى الجامع الأحمر هو اللى بيعملهم شغل المكن بتاعهم سواء التعبئة أو تفقيل الغطيان وبيعمل مكن لتعبئة أكياس الصابون زى بريل
اسمه : حمدى
وتليفونه : 0101928097 _ 024393841
وعلى فكرة هو بيعمل الماكينة الأتوماتيك اللى بقولكم عليها أقل من الورشة الأولانية بيعملها بسعر التكلفة كنت سألت عنده قال ب 3000 جنية وممكن يعملك كمان ماكينة منها نصف أتوماتيك وبسعر 2300 جنية
أما بالنسبة للماكينة الأتوماتيك فأنا عملتها عند الورشة الأولانية لإنى كنت مستعجل ومعرفشى مكان التانى بس لما روحت بعد كده للتانى عرفت انه أحسن وأنه مشهور فى الجامع الأحمر عن الورشة الأولانية وإن شغله كله ممتاز وبيعمله بسعر التكلفة المهم حمدت ربنا على كل حال
والصور دية صور الماكينة اللى اتعملت فى الورشة الأولانية :

وفيه الماكينة اليدوى :
عبارة عن ماكنتين واحدة تقلوظ الغطاء والثانية تقفل دبلة الغطاء على الإزازة بس عيبها انها بطيئة شوية وعايزة ايديك تكون سريعة عليها علشان تنجز وفى نفس الوقت ايدك تكون حساسة عليها علشان متدبحش الغطاء من الجناب ( يعنى عايزة تعود شوية )
بس جميلة انا اشتغلت عليها فى الأول اول ما فتحت وقعدت سنتين اشتغل عليها ومدبحتش معاية غطيان لإن ايدى خدت عليها وكنت شغال سريع جدا عليها هى مسألة تعود

[SIZE=5]بس بعد اما جبت الأتوماتيك حسيت بإنجاز رهيب فى الوقت وراحة لإيدى
وهى بتتعمل برده عمولة عند الورش السابق ذكرها فى الكلام على الماكينة الأتوماتيك
وهما ماكنتين بيتعملوا مع بعض واحدة بتقلوظ الغطاء والتانية بتكبس الغطاء ( بتقفل دبلة الغطاء )
وكانوا متكلفين الأتنين 450 جنية

[/size]


صورة الماكينة اللى بتقلوظ رقم ( 1 ) وصورة الماكينة اللى بتكبس رقم ( 2 )
صورة رقم (1)

صورة رقم (2)

19_ هنتكلم دلوقتى على الغطيان والإزاز
أولا : الغطيان

1_ غطاء ازازة السوبر وهو الغطاء المعدنى الذهبى مقاس 28 اللى هنغطى بيه الإزازة السوبر وهنستخدم فى تغطيته لإزازة السوبر الماكينة الأتوماتيك أو اليدوى اللى ذكرناها قبل ذلك وطريقة التغطية سواء باليدوى او السوبر المهندسين اللى فى الورش الصناعية اللى ذكرتها لك قبل كده هيعرفوك بالتفصيل كيفية استخدام الماكينة اليدوى او الأتوماتيك وكل شىء عنها بالتفصيل لإن ذلك يحتاج إلى العملى وليس النظرى فاتصل بيهم واتفق معاهم واذهب اليهم وشوف بنفسك الطريقة العملية لتغطية الإزازة السوبر بالغطاء المعدن الذهبى مقاس 28
وهذا الغطاء بيركب على ازازة السوبر الكبيرة سعة النصف لتر وبيركب على الإزازة السوبر الصغيرة سعة الربع لتر وهو بيتباع بالكرتونة كرتونته فيها 4500 غطاء ب 390 جنية أو كرتونة فيها 5000 غطاء ب 425 جنية
وأماكن وجوده فى كذا محل هأذكر منها على سبيل الإجمال وليس حصر كل اللى بيبعوا الغطاء ده لأنك هتلاقى كتير فى المكان اللى هأقولك عليه محلات كتير
المهم اللى معاية عنوانه منهم دلوقتى وتليفونه هو :
محلات أولاد نصر سالم لتصنيع البلاستيك وجميع أنواع العبوات البلاستيكية _ الحاج : عيد ورشاد نصر سالم _ العنوان : القاهرة _ العتبة _ كلوت بك _ 22 ش الجامع الأحمر _ 0101310224 _ 0123341828 _ 025930029 _ 025886844
--------------------------------------
الحاج نورغريب محمد ، وإبراهيم

17 شارع الجامع الأحمر _ خلف صيدناوى _ الخازندار
ت: 0225923966 _ 0101506110 _ 0101604113

--------------------------------------
الحاج كمال مطاوع
21 شارع الجامع الأحمر متفرع من كلوت بك
ت: 0225880334 _ 0101604241

--------------------------------------

وعامة كل شارع الجامع الأحمر الأغلبية فيه بتوع غطيان وانا ذكرت المحلات السابقة لإنى مش معاية كروت لكل المحلات هناك لإنى مش محتاج كروت انا بنزل الف على كل المحلات اللى هناك لإنى كده كده بنزل اتابع الأسعار بنفسى اهم حاجة تاخد معاك ازازة سوبر كبير وازازة سوبر صغير علشان تشوف الغطاء بيركب عليها ولا لأ وتتأكد إنه مش واسع على الإزازة وإنه مقاسها بالضبط واهم حاجة تتأكد انه مقاس 28 لإن هو ده المقاس اللى بيجى على قد الإزازة بالضبط
---------------------------------------------------------------------------------------------
وفيه مصنع للغطاء ده بس طبعا والله أعلم ممكن ميطلعش غير كميات كبيرة على العموم جرب انا لم اتصل به وده اسمه وتليفونه :
نور _ الوكيل الوحيد _ شركة جلاس كاب _ العاشر من رمضان _ 015387072 _ 015387073

-----------------------------------------------------------------------------------------------
وصور الغطاء هى :

2_غطاء ازازة الشعبى
وهو الغطاء البلاستيك الأصفر اللى عليه من فوق علامة 11 اللى هنغطى بيه ازازة الشعبى وده بيدخل فى الإزازة ضغط عادى بالإيد أو بتشتريله مطرقة كاويتش ب 5 جنيه زى ما هوريهالك فى الصورة
وهذا الغطاء بيركب على ازازة الشعبى الكبيرة سعة النصف لتر وبيركب على الإزازة الشعبى الصغيرة سعة التلت لتر وهو بيتباع بالألف سايب الألف ب 40 جنيه
وأماكن وجوده فى المحلات السابق ذكرها اللى بتبيع الغطيان المعدن

--------------------------------------

اهم حاجة تاخد معاك ازازة شعبى كبير وازازة شعبى صغير علشان تشوف الغطاء بيركب عليها ولا لأ وتتأكد إنه مش واسع على الإزازة وإنه مقاسها بالضبط واهم حاجة تتأكد انه مش بيفلق من الجناب لما تضغطه فى الإزازة لإن فيه نوعية منه بتفلق بسرعة او مخرمة جامد من الجنب تقوم تسرب الفنيك من الإزازة وبيهدلك الكرتونة يعنى بإختصار كده ابقى جرب تحط فى الإزازة وانتا بتشترى ماية وبعدين غطى بالغطاء واقلب الإزازة وشوف بتكب ولا لأ وهو معروف باسم الغطاء البلاستيك الأصفر ال 11
وصور الغطاء هى :

20_ هنتكلم دلوقتى على الإزاز
أولا : إزازة السوبر :
وهى الإزازة اللى هنعبى فيها الفنيك السوبر المركز وتسمى عند بتوع الإزاز COLOR=darkgreen وفيه منها برقبة قلووظ ورقبة عادية كبس الرقبة القلووظ علشان نركب عليها الغطاء المعدنى الذهبى مقاس 28 اللى هنغطى بيه الإزازة السوبر وهنستخدم فى تغطيته لإزازة السوبر الماكينة الأتوماتيك أو اليدوى اللى ذكرناها قبل ذلك [/color]
ودية فى الشكل أفضل
أما الرقبة العادية الكبس دية لو عايز تركب عليها الغطاء الأصفر البلاستيك أبو علامة 11 اللى بنغطى بيه ازازة الشعبى وده بيدخل فى الإزازة ضغط عادى بالإيد أو بالمطرقة الكاوتش

وفيه من ازازة السوبر المانتا نوعين مانتا كبير ومانتا صغير
المانتا الكبير ( اللى هى ازازة السوبر الكبيرة اللى بتسع نصف لتر )
المانتا الصغير ( اللى هى ازازة السوبر الصغيرة اللى بتسع ربع لتر )

وفيه من ازايز السوبر ( المانتا المقلوظ أو العادية الكبس ) سواء المانتا الكبير او المانتا الصغير فيه منها مستعمل بيبقى الإزازة بعد اما اتعبت واستعملت بيخدوها بتوع الإزاز المستعمل ويغسلوها تانى ويعبوها فى شكاير تانى
ويبعوها بسعر رخيص

وفيه منها جديد عند مصانع الجديد

بس لو عايز نصيحتى انا بعمل الأتى بروح أربط مع بتاع المستعمل قبل اما اشترى منه بيومين واقوله عبيلى شكاير مانتا كبير ومانتا صغير مقلوظ على قد ما تقدر وتخلى باللك انه يعبى الشكاير كلها مقلوظ علشان ميحطلكش منده على ده يعنى من المقلوظ على العادى تأكد عليه لو هتشتغل على المقلوظ يبقى كل الشكاير تأكد عليه انها مقلوظ ولو هتشتغل فى العادية يبقى كل الشكاير تأكد عليه انها مانتا عادية كبس وبرده تأكد عليه انها تكون كلها شكل واحد لأن فيه من الأزايز فى السوق المانتا بتبقى محفور عليها كلمة فنيك الخليج ومختلفة فى الشكل شوية عن باقى الإزاز المانتا الى فى السوق فتأكد عليه انه ميحطلكش منها فى وسط الشكاير علشان ميتعملكش مشاكل فى السوق لأنها واضحة قوى لإن دية بتاعة واحد صاحب مصنع فنيك فى القاهرة وعامل اسم الفنيك بتاعه اسطنبة على الإزاز علشان محدش يعرف يعبى فى ازازته وبرده تتأكد ان الإزاز كله سليم من عند البوزة بتاعته البوزة بتاعة الرقبة يعنى ميبقاش مشطوف من البوزة يعنى ميبقاش مكسور او مفلق من البوزة علشان ميسربش الفنيك من الغطاء لما تغطيه بالغطاء
طيب انا بعمل ايه انا بجيب كميات كبيرة مستعمل بس كلها ماية واحدة ومغسولة كويس بتبقى فى النهاية زيها زى الجديدة وبسعر ارخص بكتير وبعدين بعد كده اروح اجيب جديد لإن برده المستعمل مبيبقاش متوفر على طول او بياخدوا وقت عبال اما يوفرولك يعنى ممكن اسبوع او اتنين انما الجديد موجود كل يوم وبالكميات اللى انتا عايزها فانتا ممكن تتعامل مع دول ومع دول وده الأحسن طبعا

وبالنسبة لأماكن بتوع المستعمل وتلفونتهم :
فيه ناس فى القاهرة وفيه ناس فى منطقة فى بلدة بركة السبع اللى هى قبل قويسنا تبع محافظة المنوفية اسمها منطقة الروضة

بالنسبة للى فى القاهرة :
1_ صلاح رمضان وعادل _ شارع الجامع الأحمر _ العتبة بجوار القهوة اللى جانب بوابة الجامع الأحمر فى الحارة اللى جانبها
ودول أحسن ناس يجبولك مانتا كبير وصغير مقلوظ او عادى بسعر كويس وبيقبلوا اى مرتجع من الإزاز وغسيلهم نظيف
التليفون : 0105415499
وهما معروفين فى شارع الجامع الأحمر
وسعر المانتا الكبير عندهم 35 قرش الإزازة والشكارة بيبقى فيها 70 ازازة
وسعر المانتا الصغير عندهم 20 قرش الإزازة والشكارة بيبقى فيها 120 ازازة
__________________________________________________ _______

2_ الحاج سعيد مصباح بتاع الإزاز _ راجل برده معاملته كويسة _ وغسيله نظيف وعنده بواقى جديد لإنه كان فاتح مصنع للجديد
العنوان : 19 درب القطة متفرع من كلود بيه اول شارع يمين من ميدان باب الشعرية وممكن تدخله برده من الجامع الأحمر
التليفونات : 0123227604 _ 025926576 _ 0125237328

__________________________________________________ ______
3 _ محلات درويش لتجارة الزجاج الفارغ _ 26 شارع الجامع الأحمر _ العتبة
025901961 _ 0127570012
4 _ محمد شوقى شارع الجامع الأحمر بجوار مسجد الجامع الأحمر وامام القهوة اللى بجوار المسجد
0123123419

وعامة كل شارع الجامع الأحمر كله بتوع زجاج مستعمل

وبالنسبة للى فى الروضة :
فيه ثلاثة برة فى مدخل البلد من على الطريق السريع

_ فيه واحد اسمه الحاج سمير وولده إبراهيم سمير صادق
ت: 0482998168 _ 0103449124

_ وفيه أخوه جانبه اسمه أبوالنجا سمير
بس تليفونه مش معاية فيه تليفون والده الحاج سمير :
0127305980

_ وفيه ابن عمهم برده جانبهم وده أكبر واحد فيهم بتاع زجاج
اسمه : عبد الحكيم الصريف : 0108075687

وفيه جوة البلد نفسها فى الروضة اخوات عبد الحكيم الصريف
فيه واحد اسمه مسعد الصريف ، وواحد اسمه خالد الصريف

الروضة عامة فيها كذا واحد بتاع ازاز

-------------------------------------

وبالنسبة لأماكن مصانع الجديد وتلفونتهم
اللى اعرفه واحد بس فى القاهرة لإنى ملفتش ومسألتش بعديه لإنى لما عرفت انه هو اللى بيصنع لشركة العالمية للمنظفات ( فنيك العاشر ) ودية من أكبر شركات المنظفات والفنيك فى جمهورية مصر العربية لما عرفت انه هو اللى بيصنعلهم الإزاز بتاعهم اتعملت معاه على طول لإنه تصنيعه نظيف

المصنع : مصنع هشام حافظ _ العنوان : دخلة أبو زعبل من ناحية السلام _ أبو زعبل اسأل على مستشفى الجزام للأمراض العقلية هو عندها اسم المصنع مصنع هشام حافظ للزجاج
هشام حافظ _ 0121607215
وسعر المانتا الكبير عنده 50 قرش الإزازة والشكارة بيبقى فيها 50 ازازة
وسعر المانتا الصغير عنده 40 قرش الإزازة والشكارة بيبقى فيها 100 ازازة

------------------------------------

اما شكل الإزازة فهى كما فى الصورة

صورة المانتا الصغير الربع لتر المستعمل

صورة المانتا الصغير ال ربع لتر الجديد

ثانيا : إزازة الشعبى :
وهى الإزازة اللى هنعبى فيها الفنيك الشعبى المخفف وتسمى عند بتوع الإزاز
( الكبيرة اللى بتاخد نصف لتر سقارة والصغيرة اللى بتاخد تلت لتر بريل ) وكلها رقبة عادية كبس ( هى ازازيز البيرة المستعملة ) بياخدوها بتوع الإزاز اللى بيبيعوا ازاز مستعمل يغسلوها ويبعوها لبتوع الفنيك وازازة الشعبى دية اللى هى ازازة بيرة اصلا لو عايز تركب عليها الغطاء الأصفر البلاستيك أبو علامة 11 ماشى وده بيدخل فى الإزازة ضغط عادى بالإيد أو بتدق عليه بالمطرقة الكاوتش

ولو عايز تركب عليها غطاء كبسولة ( قزوزة ) اللى بيتغطى بيه ازايز البيرة والبيبسى ماشى بس هتعملها ماكينة كبس للغطاء القزوزة ده والماكينة دية بتتعمل عند واحد فى شارع الجامع الأحمر بجوار حامد للعطور وبجوار مسجد الجامع الأحمر هو بجوار قهوة وقبل مسجد الجامع الأحمر بشوية أسأل عليه فى الجامع الأحمر قولهم الحاج فوزى اللى بيعمل ماكينة كبس الغطاء القزوزة اللى بجوار القهوة اسمه : الحاج فوزى _ وتليفونه : 025890565 _ 0127161451
والماكينة ديه هو بيعملها ب 200 جنية
وعنده كرتونة الغطاء الكبسولة ( القزوزة )
ب 60 جنية فيها 3500 غطاء وهو بيبقى غطاء قزوزة بتاع الحاجة الساقعة رشينه بلون ( أخضر _ أحمر
… زى ما انتا عاوز حسب اللون اللى انتا عاوزه وكل ازايز الشعبى سواء ( السقارة الكبير اللى هى ازازة الشعبى الكبير اللى بيتعبى فيعا نصف لتر من الفنيك أو البريل الصغير اللى هى ازازة الشعبى الصغير اللى بيتعبى فيها تلت لتر من الفنيك كلها بتبقى ازايز بيرة مغسولة بيخدوها بتوع الإزاز المستعمل ويغسلوها تانى ويعبوها فى شكاير تانى
ويبعوها بسعر رخيص
وبالنسبة لأماكن بتوع المستعمل وتلفونتهم :
[B]هى هى نفس الأماكن اللى بيتباع فيها أزايز السوبر اللى قلنا عليها قبل كده سواء فى القاهرة أو فى الروضة
وسعر السقارة الكبير عندهم 23 قرش الإزازة والشكارة بيبقى فيها 80 ازازة
وسعر البريل الصغير عندهم 12 قرش الإزازة والشكارة بيبقى فيها 110 ازازة

21_ بالنسبة للإستيكر اللى هنلصقه على إزازة السوبر وإزازة الشعبى
طبعا ده هيرجع ليك انتا وما تفضله من خامات للإستيكر وتكلفته ومقاسه على الإزازة كل هذا بيختلف من شخص إلى أخر حسب ما تفضل وما ستكلف ولكنى سأعطى لك نموذج عن إستيكرات لشركات لناس أصدقائى ساهمت معهم فى تصميم وشكل الإستيكر
بالنسبة لإستيكر السوبر :
أنا عملته مقاسه 5 سم فى 9 سم واديتله طبقة يو فى عليه علشان يلمع والتصميم والتعديل مجانا كل مرة تطبع فيها أى كمية انتا عايزها على الشركة نفسها لإنها شركة تصميم وطباعة
وعموما انا بعمل الألف عندهم حتى لو هعدل أو هغير فى التصميم كل مرة لإن التصميم مجانا زى ما قلتلك بطبع الألف عندهم ب 29 جنية واستيكر السوبر الكبير انا بعمله زى استيكر السوبر الصغير نفس المقاس ونفس الشكل ولكن التعديل بيبقى فى كتابة حجم العبوة والسعر
وصور إستيكر السوبر هى :

وبالنسبة لإستيكر الشعبى :
أنا عملته مقاسه 7 سم فى 10 سم واديتله طبقة يو فى عليه علشان يلمع وعموما انا بعمل الألف عندهم حتى لو هغير أو هعدل فى التصميم كل مرة لإن التصميم مجانا زى ما قلتلك بطبع الألف ب 40 جنية
وصور إستيكر الشعبى هى :

وبالنسبة للبيانات اللى على الإستيكرات اللى بتنكتب على استيكر إزازة الفنيك السوبر واللى بينكتب على إزازة الفنيك الشعبى
بالنسبة لبيانات إستيكر إزازة الفنيك السوبر :
ده استيكر لإزازة السوبر الكبير وبالنسبة لمقاسه زى ما انتا عاوز تعمله على الإزازة ده مقاسه 5 سم فى 9سم وهو هو اللى هتعمله على ازازة السوبر الصغير بس هتغير بدل ما تكتب السعر 500 قرش للمستهلك هتكتب 300 قرش للمستهلك وبدل ما تكتب 500 مللى عند التعبئة بتكتب 250 مللى عند التعبئة
وطبعا ده تصميم لشركة يعنى انتا هتغير فى الشكل والألوان ونوع الخط وكده وشكل الجمجمة هتصمم من جديد بس أهم شىء تقرب من شكل فنيك العاشر المشهور اللى فى السوق ده بيسهلك بيعه بيدى للعميل ثقة ان المنتج ده نظيف زى العاشر وبيميزك عن الفنيك الشعبى فى أشكاله المعروفة فى السوق
هوريلك برده تصميم تانى سوبر لشركة من الشركات عامل السوبر الصغير 5سم فى 9سم والسوبر الكبير 7سم فى 9سم
بالنسبة لبيانات استيكر ازازة الفنيك الشعبى :
[SIZE=5][COLOR=#006400]ده استيكر لإزازة الشعبى الكبير وبالنسبة لمقاسه زى ما انتا عاوز تعمله على الإزازة ده مقاسه7سم فى 10سم وهو هو اللى هتعمله على ازازة الشعبى الصغير بس هتغير بدل ما تكتب السعر 2.5 جنية للمستهلك هتكتب 2 جنية للمستهلك وبدل ما تكتب العبوة 500 مللى تقريباهتكتب العبوة 300 مللى تقريبا

وفى تصميم الشعبى اعمل اى شكل انتا تحبه ميز نفسك عن الشركات فى السوق خاصة لما تكون جديد

وبالنسبة لعناوين وتليفونات شركات التصميم والطباعة اللى بتعامل معاها فى طنطا :
1 _ فيه شركة هاى برنت _ طنطا 38 شارع عبد الحليم _ 0403405531 _ 0403335140 _ 0403354880 والشركة دية بتشتغل تصميمات وفصل ألوان وطباعة
2 _ شركة سكرين جرافيك _ ميدان الساعة _ برج الدلتا _الدور الرابع _ 0403336969 _ 0105245099
والشركة دية بتشتغل تصميمات وفصل ألوان وطباعة برده
المسئول هناك اسمه حسام
وطبعا فيه شركات كتيير بس دول إن شاء الله هتستريح معاهم كسعر وخامة وتصميمات ممتازة وانا برشحلك الشركة الأولى مشهورة ومصانع فنيك كتير بتصمم عندهم انا شوفت بنفسى حوالى أكتر من 10 تصميمات للفنيك هناك لشركات من كذا محافظة

[/color][/size]

دلوقتى هنتكلم على جراكن ال 4 لتر اللى بنسوقها لمحلات المبيدات والبذور وبرده بنسوقها لعيادات ومحلات الأدوية البطرية علشان بيدوها لبتوع المزارع أو بنسوقها هى والجراكن ال 20 لتر للمزارع نفسها وهنتكلم عن كده إن شاء الله بالتفصيل بعد كده

أولا : بالنسبة لشكل الجركن وسعره :
هو جركن بيسع 4لترتقريبا
وبالنسبة لخامة الجركن :
فيه منه درجة أولى فى الخامة ودرجة تانية ( عامة كل الشركات شغالة على الدرجة التانية ) علشان معظم جراكن الدرجة التانية وخاصة اللون الأسمر والأزرق منها قريب جدا فى نقاءه من الدرجة الأولى وكمان سعره رخيص
هنتكلم على أسعار الدرجة التانية حسب ألوانتها
الجركن اللى لونه أسمر 1.20 جنيه
الجركن اللى لونه أزرق 1.40 جنيه
الجركن اللى لونه لبنى 1.15 جنيه
الجركن اللى لونه أصفر 1.5 جنيه
الجركن اللى لونه أبيض 1.5 جنيه
ولو هيطبعلك عليه هو طباعة عادية هتعملك التصميم برة عند اى شركة او هو اللى هيعملهولك وتنزله عى كلك فى الأخر ويطبعلك بيه زى ما هوريلك فى الصور الجراكن اللى عليها طباعة عادية مش استيكر وعامة هو بيدخلك الطباعة مجانا فى الجركن بس لون واحد الطباعة اما لو عايز 2 لون فى الطباعة هيزودلك على الجركن 4 ساغ ثمن الطباعة
ولو عايز رآيى الإستيكر اشيك
ودية صورة لجركن عليها طباعة عادية 2 لون :

أما لو هتلصق عليه استيكر:
فده طبعا هيرجع ليك انتا وما تفضله من خامات للإستيكر وتكلفته ومقاسه على الجركن كل هذا بيختلف من شخص إلى أخر حسب ما تفضل وما ستكلف ولكنى سأعطى لك نموذج عن إستيكرات لشركات لناس أصدقائى ساهمت معهم فى تصميم وشكل الإستيكر
أنا عملته مقاسه 9.5 سم فى 12.5 سم واديتله طبقة يو فى عليه علشان يلمع والتصميم والتعديل مجانا كل مرة تطبع فيها أى كمية انتا عايزها على الشركة نفسها لإنها شركة تصميم وطباعة زى ما تكلمنا عنها قبل كده
وعموما انا بعمل الألف عندهم حتى لو هعدل أو هغير فى التصميم كل مرة لإن التصميم مجانا زى ما قلتلك بطبع الألف عندهم ب 83 جنية
وصورة الإستيكر هى :
ودية صور لجركن 4 لتر عليه استيكر :

وبالنسبة لبيانات الإستيكر اللى هنلصقه على الجركن اللى بيسع 4 لتر :

ده استيكر لجركن الفنيك اللى بيسع 4 لتر اللى هتعبيه فنيك سوبر أو شعبى براحتك وطبعا مقاسه مش هيفيدك فى شىء لإن الجركن بيختلف فى شكله من مصنع لآخر حسب شكل الإسطمبة اللى عندهم واللى شغالين عليها لإن فيه من الجراكن كذا شكل
فانتا لما تشترى الجراكن ابقى خد معاك جركن وصمم استيكر على مقاسه
طبعا أنا بذكر ليك اللى بعرفه أو بتعامل معاه لإنه قريب منى فى محافظتى أما انتا ممكن تلاقى مصانع قريبة منك فى بلدك أنا بس بديلك فكرة عن الأسعار والعناوين علشان تقدر تستفسر من أصحابها ويبقى عندك خبرة فى الأسعار والخامات بحيث لو ذهبت لحد فى بلدك تعرف تتعامل معاه كويس من غير ما يستغلك
بالنسبة لمصانع عبوات البلاستيك فى محافظة الغربية أنا لن أذكرها كلها لإنهم كثيرون ومش هتعجبك أسعارهم وهيفرضوا عليك كميات كبيرة ممكن 10000 عبوة من النوع الواحد ولكن سأذكر من سترتاح معهم فى المعاملة والأسعار إن شاء الله تعالى وممكن تاخد منهم من أول 200 جركن لو عايز ومش هيفرق كتير فى السعر عما لو خدت كميات كبيرة :

1 _ مصنع : علاء سلامة وانتا طالع على سريع طنطا متجه إلى القاهرة قبل أما تدخل على مدخل المحلة الكبرى اللى على اليمين كل ده وانتا على السريع قبل اما تدخل على مدخل المحلة الكبرى بحوالى 200 متر هتلاقى ميزان بسكول أول مدخل بعد ميزان البسكول يعتبر لاصق فيه عبارة عن طريق ترابة هتدخل فيه تمشى بتاع 70 متر هتلاقى المصنع على ايدك الشمال _ وتليفونه : 0127972545 _ 0403327597
2 _ وفيه 4 مصانع فى بلد بعد طنطا من على السريع برده وانتا متجه للقاهرة اسمها ميت غزال
1 _ فى واحد فى أول البلد على ايدك اليمين اسمه مصنع الشروق _ عبد الغنى عبد الغنى عجيزه وأخوه جلال وتليفوناتهم : 0124604585 _ 0126178858
2 _ وفيه مصنعين قريبين من بعض واحد معاية تليفونه والتانى معاية اسمه بالنسبة للى معاية تليفونه اسمه هشام ترك فى آخر ميت غزال جانب المقابر وتليفونه : 0122210883 _ 0122210884
3 _ والتانى بتاع واحد اسمه أحمد كان شريكهم وفاتح دلوقتى لوحده عامة اسأل عليه فى البلد البلد كلهم عارفين بعض لإنها بلد صغيرة مش كبيرة
4 _ فيه واحد جوة البلد تقريبا فى دخلة من ميت غزال اسمه محمود درويش وتليفونه : 0101714795
وطبعا المجال ده مش مجال انى اذكرلك مميزات الجراكن وايه الفرق بين الخامة البيور والدرجة الصينى والصبغة وطريقة النفخ والحقن اللى بتبقى فى مصانع البلاستيك لإن ده عايز وقت طويل عامة الناس دول ناس محترمة وأسعارهم كويسة وحاجتهم نظيفة وبيقبلوا اى مرتجع فاتعامل مع اى حد فيهم وانتا مطمئن ووالله معاملتهم كويسة عن مصانع تانية كبيرة وأسعارهم أرخص .

بالنسبة للكراتين اللى هيتتعبى فيها العبوات __________________
طبعا انتا هتروح لأى مصنع كراتين عندك وهتاخد معاك 6 ازايز من السوبر او 24 ازازة من السوبر وكذلك من الشعبى يعنى 24 ازازة من السوبر الكبير و24 ازازة من السوبر الصغير و 24 ازازة من الشعبى الكبير و24 ازازة من الشعبى الصغير حسب ما هيقلك تجبله 6 ازايز من كل نوع او 24 من كل نوع علشان ياخد عليها مقاسات الكرتونة من طولها وارتفاعها وعرضها وطبعا خليه يراعى مقاس الغطاء اللى هيتركب فوق كل ازازة من كل نوع والأحسن انك تاخدله 24 ازازة من كل نوع علشان ياخد المقاسات مظبوطة ومبيبقاش فيه لقة فى الكرتونة ( وسع يعنى ) وطبعا خامات الكرتونة بتختلف حسب رغبتك انتا وتكلفتك للكرتونة
وكذلك الوضع بالنسبة للجراكن بتاخد معاك 6 جراكن لإن كرتونة الجراكن انتا بتعملها 6 جراكن فبتاخد معاك 6 جراكن علشان ياخد مقاس الكرتونة عليها

انا عامة هقلك انا بعمل ايه :

أولا : بالنسبة لكراتين السوبر اللى هيتعبى فيها ازايز الفنيك السوبر :
انا بعملها ورق اسمه ( ورق كرافت ) برة وجوة يعنى من برة الكرتونة ومن داخلها بعمله ورق كرافت لإن ده انظف ورق فى الكراتين يستحمل معاك والكرتونة بتبقى ناشفة مش طرية مخدومة يعنى وبعملها دوبل 5 رقات فوق بعض بس طبعا دية هتبقى مكلفة بس صدقنى ليها شكل جميل فى الأخر يميزك عن شركات كتير
وبالنسبة لسعر الكرتونة بيوصل معاية ل…
بالنسبة لكرتونة عبوات ازازة المانتا الكبيرة السوبر ال نصف لتر بتكلف 3.45 جنية
بالنسبة لكرتونة عبوات ازازة المانتا الصغيرة السوبر ال ربع لتر بتكلف 2.15 جنية
ثانيا: بالنسبة لكراتين الشعبى اللى هيتعبى فيها ازايز الفنيك الشعبى :
انا بعملها ورق اسمه ( ورق كرافت ) برة بس لكن من جوة بعملها ورق عادى رخيص اسمه ( فلوتينج ) علشان يبقى الشكل الخارجى نظيف واللى جوة عادى علشان برده الكرتونة متفتحشى فى السعر ويبقى سعرها مناسب وبعملها سنجل عادية علشان التوفير يعنى 3 رقات فوق بعض
وبالنسبة لسعر الكرتونة بيوصل معاية ل…
بالنسبة لكرتونة عبوات ازازة السقارة الكبيرالشعبى الكبير يعنى ال نصف لتر بتكلف 1.50جنية
بالنسبة لكرتونة عبوات ازازة البريل الصغيرالشعبى الصغير يعنى ال التلت لتر بتكلف 1.15 جنية

ثالثا : بالنسبة لكراتين الجراكن ال 4 لتر
أنا بعملها (كرافت) برة وجوة بس بعملها كرافت مقوى من المستورد علشان تتحمل الجراكن بس بعملها سنجل يعنى 3 رقات علشان السعر ميفتحشى معاية
وبالنسبة لسعر الكرتونة بيوصل معاية ل 1.90 جنية
أما بالنسبة للرسمة اللى بتبقى على الكرتونة من برة فدية مصنع الكراتين اللى هتتعامل معاه هو اللى هيقلك اذا كان بيشتغل بسرلات أو شبلونة أو بيشتغل بزنكات وأفلام
طيب انا هأعطيكم صورة لكراتين سوبر وشعبى :كراتين السوبر الكبير المشار إليها بالسهم اللى لونه أخضر وكرتونة سوبر صغير مشار إليها بسهم أحمر وكراتين شعبى صغير مشار إليها بسهم لونه أصفر
والصورة هى :

وبالنسبة للبيانات اللى بتبقى على كرتونة الفنيك السوبر الكبير وكرتونة الفنيك السوبر الصغير :

دية صورة للبيانات اللى بتبقى على كرتونة السوبر الكبير :

ودية صورة للبيانات اللى بتبقى على كرتونة السوبر الصغير :

وبالنسبة للبيانات اللى بتبقى على كرتونة الشعبى الكبير وكرتونة الشعبى الصغير :
دية صورة للبيانات اللى بتبقى على كرتونة الشعبى
بيانات كرتونة الشعبى الصغير اللى على اليمين وبيانات كرتونة الشعبى الكبير اللى على الشمال:

وبالنسبة لمصانع الكراتين فى محافظة الغربية :

أنا لن أذكرها كلها لإنهم كثيرون ومش هتعجبك أسعارهم وهيفرضوا عليك كميات كبيرة مش أقل من 1000 كرتونة من المقاس الواحد ولكن سأذكر من سترتاح معهم فى المعاملة والأسعار إن شاء الله تعالى وممكن تاخد منهم من أول 150 كرتونة لو عايز ومش هيفرق كتير فى السعر عما لو خدت كميات كبيرة :
1 _ فيه مصنع فى طنطا فى طريق الكورنيش بجوار موقف المرشحة اسمه مصنع الجهاد للكرتون المضلع _ عادل عبد الحميد _ 0403325131 _ 0123893254
2 _ وفيه مصنع أمامه فى الصفة التانية يعتبر أمام موقف المرشحة فى الصفة التانية اسمه _ الحاج عزت _ 0102332073
3 وفيه مصنع الدلتا _ طنطا شارع جمال عبد الناصر من المعاهدة بجوار شركة ايديال _ 0403342122 _ 0182018223 _ 0403338227 0123197090
4 _ وفيه مصنعين وانتا طالع من سريع طنطا متجه إلى طريق زفتى : اسمه مصنع الإسلامية للكرتون العنوان السنطة أمام محطة بنزين إسو _ 0405471002 _ 0123211585 _ 0104622377
5 _ الوسيم للكرتون فى السنطة _ 0405475655
وإن شاء الله الناس دول كلهم معاملته محترمة هتستريح معاهم وأسعارهم متقاربة ولو عاوزنى أرشحلك مصنعين تشتغل معاهم ( مصنع الدلتا _ مصنع الجهاد)