قرر اجد جنرالات الحرب اعدام عشره جنود اسرى لديه …و لكنه احب اعطاءهم فرصه اخيره للنجاه باستخدام ذكائهم واخبرهم انه في صبيحه اليوم التالي سيلبس كل واحد منهم قميص عليه من الخلف اما علامه x او علامه o …وسيجعلهم جميعا يصطفون في طابور واحد ووجههم باتجاه الشرق…وسيتم وضع العلامات بعد ان يصطفوا بهذه الوضعيه بحيث لا يستطيع الشخص معرفه العلامه التي على قميصه بينما يرى العلامه التي على قمصان كل من هم امامه … يجيب كل جندي عن نوع العلامه على ظهره واما يعيش او يقتل بعدها…جلس الجنود طوال الليل يفكرون بطريقه للنجاه…وفجأه قفز الجندي الذكي ميمو هندسه وقال وجدتها…وكان حل ميمو ينقذ تسعه من الجنود بنسبه 100% ويبقي احتمالا لواحد منهم للنجاه بنسبه 50%…يا ترى ما هو الحل؟؟؟
بداية الحمد لله، فاليوم اكتمل النِصَابُ، واجتمعت الشلة كلها.
ماشي يا عم
الجندي الذكي ميمو هندسه
دعني أفكر شويه وأرد عليك.
بأقولك آيه؟ ما وهم واقفين بسرعة كده كل واحد فيهم يهمس في أذن إللي قدامه ويقوله العلامة إللي على ظهره آيه، ويبقى سعيد الحظ الأخير هو وبخته 
بس قولهم يخفضوا صوتهم علشان الجنرال ما يسمعهمش
…اهلا وسهلا بعودتك اخينا ميمو…
و الهرش شغاااال …!
بالنسبة الي اكتمل وقت الهرش… و عندي الحمدلله جواب و ان شاء الله يكون صحيح :))) لكن ما في وقت الان اكتب الجواب…و حابة اعطي فرصة لاخواني
طبعاً بما إن الأخير هايكون بنسبة 50% يعني هذا يدل على أن كل واحد سيعتمد على رؤية من هو خلفه مباشرة في إعلامه بالعلامة. ويبقى البحث عن كيفية الإخبار، وليكن مثلاً الاتفاق على علامة ×، إذا كان على ظهر الجندي هذه العلامة فإن الجندي الذي يليه يحدث اي حدثاً، مثل العطس أو الكح وإذا كانت الأخرى فلا يحدثون أي شئ وبالتالي يعرف الجندي ما على ظهره من علامة.
لغاية لما يجي دور “ميمو هندسة” آخر واحد يبقى بقى ربنا يكون في عونه، يمكن تكون فرصة العمر لينا ساعتها
على فكرة أنا كنت شرعت في كتابة الحل قبل موعد هذه الفرصة ولكن صلاة العصر جعلتني أقوم دون إكمال الكتابة.
لو الحل بتاعي طلع صحيح يبقى مالهوش دعوة بالفرصة 
شكرا على الترحيب يا طيب…و انا حاسس انه الهرش بتاعك هيجيب فايده…ننتظر ونرى
ميه مسا عالصحبه الكويسه…اهرش جامد يا درش
الاجابه ما فيهاش عطس ولا همس ولا كح…انت بدأت كويس يا ابو انس …استمر بالهرش المنطقي…وسيبك من الحداقه
و انا كماااااااااااااان صلاة العصر اخرتني عن الكتابة الحمدلله
على كل حال … شكله الحل بتاعي مش صحيح! او ان السؤال نفسه فيه ثغرة معينة…
اتاكدلنا من السؤال مرة تانية يا ميمو
اللي عنده استفسار او توضيح يسأل…السؤال صحيح…وهو اخد مني تفكير متواصل 40 دقيقه…واللي هيحل الفزوره…فله شمعه منوره…هيربح فزوره اصعب
…و بعدين!
شعر راسي طار من كتر الهرش، حلها بقى يا “ميجا هندسة”
انا مبقاش فيه راس من الاصل!
هرشنا يا “ميجا” لدرجة صار عندي فضول عنيف اتعرف على الحل… خصوصا انه مخدش منك غير 40 دقيقة! فين الحل؟؟؟؟
يا اخوان عذرا على الغياب اصلي معايا دور برد جامد جدا
دور برد=رشح
جامد=قوي
الترجمه دي عشان طيب
انا عاوز اقول اني الفزوره اديتها لتنين معايا في اشغل والاتنين حلوها والاتنين مهندسين واحد منهم حلها حسب قوله وهو جاي بعربيته على الشغل والتاني حلها وهو بياكل منسف…اديكو فرصه تجربو المنسف …بس لازم في يوم اجازه طبعا عشان بيعمل دماغ جامد
الجندي الاخير رقم 10 ببص قدامه بيشوف 9 جنود بيعد كم واحد x وكم واحد o اذا كان عدد ال x فردي بيقول x مثلا واذا زوجي بيقول o او العكس بحسب ما بيتفقو بينهم وبين بعضيهم في الليله اللي قبلها وهو ونصيبه بقى يا صابت يا خابت وده هو الجندي صاحب فرصه ال 50% … اللي قدامه رقم 9 بيفهم من اجابه الجندي رقم 10 انه عدد ال x فردي وده طبعا حسب خطه ميمو في الليله اللي قبلها وبعدا بيعد الل x وال o لل 8 اللي فضلو وبيحسب عدد ال x مثلا اذا كان العدد فردي لل8 اشخاص واجابه رقم 10 كانت x (اي عدد ال x فردي لل 9 اشخاص) اذا بيستنتج انه هو مغيرش عدد x كان فردي وفضل فردي اذا اكيد هو oعلشان كده بيجاوب o…اللي قدامه رقم 8 بيعمل نفس الحاجه بيعد السبعه اللي قصاده وبيحسب عدد x فيهم وبيخصم منه اجابه اللي قبله رقم 9 وهو عارف معننى اجابه رقم 10 ومن المعطيات دي يقدر يعرف هو ايه ويجاوب واللي قدامه كذلك الامر وهكذا حتى ينجوا جميعا باذن الله…
ههههاي، في حاجة في السؤال غلط يا يا “جيجا هندسة”
يعني بالله عليك ينفع إللي في آخر الصف وإللي سيمته بنفسك رقم عشرة يكون هو رقم واحد في الإجابة ؟؟
انا يا ميمو مبارح اكلت منسف…و منسف جاااامد اوي اجمد من منسف “ام جوزة” و برضو ما خطرش ببالي اي حل! انا بدي ارجع اشوف الحل اذا بدخل دماغي او لا!
و الله الحل مزبوط …بس كل جندي لازم يركز باللي قبله و اللي بعده…و في الوقت اللي هو بيحسب فيه عدد اكس اللي وراه و عدد اوه اللي قدامه و ينقص و يقسم و يفهم …و بالاخيرررر يقرر!! يمكن يكون الجنرال قطع راسه و هو مش حاسس!! :))))))))))))))))))))))
و الله زي ما تقول انا وصلت نص الطريق…حددت و تاكدت انه اخر واحد لازم يجاوب اول و هو كبش الفداء…بس بعدين "رخمت " معاااااااااايا! يلا عاوزين فزوووورة جديدة…