تعالوا نعمل خير كتير وناخد ثواب كبير

السلام عليكم ورحمة الله وبركاته
ازيكم يا اجمل اعضاء في اجمل منتدى
انا حبيت اعرفكم على باب جديد من ابواب الخير لأني عرفت ان الدال على الخير كفاعلة
اية رأيكم تشاركوا في حملة دار السبيل للأيتام اللي عملاها دلوقتي لتجميع اكبر عدد من الملابس المستعملة وتوزيعها مجانا على طلبة وطالبات في خط الصعيد
يا جماعة في ناس كتير اوي طلبة زينا واطفال مش لاقين اللي يستر جسمهم من البرد ودول موجودين في الصعيد
الجمعية دلوقتي متولية اكثر من قرية حولين المنيا تحت خط الفقر وكمان بدأت في محافظات اخرى لية ما نساهمش بهدومنا اللي صغرت علينا او مش بقينا عايزينها وكمان كل اللي هتعملوه انكم هتتصلوا بالجمعية وهم هيجوا لحد عندكم ويخدوها ويتولوا مسئولية توزيعها
تليفونات الجمعية 27537502او 27537503
وعنوانها بشارع النصر في المعادي الجديدة
وعلى فكرة الجمعية ترعى 24 طفل يتيم اعمارهم ما بين شهور وحتى 12 سنة
وكمان كفالة اليتيم بتبدأ بعشرة جنية في الشهر وكمان بيبعتوا المندوب لحد باب البيت
مستنيين اية يا جماعة الثواب جه لحد عندنا وبيخبط على بابنا ومش هنخسر حاجة بالعكس هنكسب كتير اوي لو ساعدنا ونشرنا كمان الموضوع ده بين اصحابنا واقاربنا وعلى المنتديات التانية
واللي يحب يزور موقع الجمعية يدخل على www.elsabeel.com
واتمنى ننظم رحلة لاعضاء المنتدى ونزور الجمعية دي لأنها فعلا جامدة جدا وانا لما زرتها كنت منبهر جدا بالمكان ياريت نلاقي جمعيات زي دي بتهتم بالاطفال بالشكل ده
وجزاكم الله خيرا
لأي استفسار ابعتوالي على الاميل وانا هرد عليكم smb_elsbel@yahoo.com