_=* حكاياتــــــــــي *=_

بسم الله ارحمن الرحيم

*_*_*_*_*_

[size=3]لكل إنسان حكاية …

وكل يوم يمضي بحد ذاته … حكاية …

حكاية فرح … حكاية حزن … حكاية حب … حكاية ألم … حكاية وحكاية وحكاية …

تطويها الأيام …

فتحتضنها دفاتر الذاكرة …

أو يبعثر أوراقها النسيان …

ولكن الحياة تسير …

وتستمر الحكايات …

إليكم …

_=* حكاياتـــــــي *=_

*_*_*_*_*__

_=* حكاية … غصـــــه *=_

[/size]وينك؟
تِجي تشوفهم يزفوني لغيـــرك

يرضيك؟
أنا باجر أرتمي بحضن غيرك؟

كنت أقول … إنت وآنا أكيد انكتبنا لبعض
بس هم ما صبروا … فرقونـــا عن بعض

أحلامي البريئة سلبوني إياها بليا سبب
وانت تناظـــــــر وتقــول انتهــــى …
هـــــذا نصيبـــج مقسوم وانكتــــــــب

لياليّ من بعــــــــد العشق والسمــــر
استحالت قصة دمعة … وسهاد وكدر

وفي قلبـــــي سكنت غصـــــــــه …
وذاب صدري من حَر ما فيني قهــر

لأجلي …
تصورتك تحارب الكون كله

لكنك تخليت عني …
مدري وش العلّــــه؟

تركتني أصارع ذاك وهذا … وحيدة

أشوفك تبتعد …
ومن وراك تنهار قصة الحب الفريدة

ليه يا زماني كل هالقسوة وصنوف العذاب؟
ذنبي ارتضيت نكـون أنـا وهـو أحبــــــاب؟

لا تخاف …
ماني جايــــــــه الحين ألومـــــك

خلاص …
طعم الحياة صار عادي من دونك

اللي بيني وبينــــــــك انتهـــــى وراح
جذبة … أجذبها وأصدقها لأجل أرتاح

بس عسى ربي يعوضنـــي خير عنــــــك
ويسامح من كان السبب في حرماني منك

*_*_*_*_*__

_=* حكاية … هجران *=_

راحت الأيام الحلوة الجميلـــــــــة
يوم كِنا بالهوى خل وخليلــــــــــه

كم رعانا الليل في حضن الرمــال
وكم تسامرنا مع النسمة العليلـــــة

إنت ذاك الحب ضيعته بإيديــــــك
كم هجرته وكان قلبي يشتريــــــك

ياما قلت نعيش للحب والحنيـــــن
ما نتغيّر لو طغت فينا السنيــــــن

كنا ما نفكر بهجران لو صـــــدود
كنا يا محبوب في الحب مخلصين

ويوم في الأيام يا خلـــــــي أراك
ناكر المعروف يوم اني معـــــاك

كم ترجيتك وحاولتك تعــــــــــود
وللأسف قلبك على ظلمي دعــاك

مو غريب اللي انت سويته معـاي
وما يهمني إنك تخون بهـــــــواي

*_*_*_*_*__

_=* حكاية … لقاء *=_

يا ليل طول علينـــــــــــــا
وخذ بإيدك إيدينــــــــــــــا

أحبااااب أمس افترقنـــــــا
والليلة … صدفة التقينـــــا

خذنا يا ليل بحضنك وخلنـا
لصار حبنا … غلبنـــــــــا

يا ليل احنا وربي انظلمنـا
وياما وياما بكينـــــــــــــا

يا ليل بالأمس كنا حبايــب
واليوم صرنا احنا غرايـب

والحين والله رجعنا قرايب
ننسى الشكاوى بإيدينــــــا

بالأمس كنا نتمنـــــــــــى
يشوف الكل منــــــــــــــا

من قال احنا انتهينـــــــا؟
والحب يشهد علينـــــــــا

*_*_*_*_*__

_=* حكاية … جفا *=_

من زمن كنا نـقول
الهوى بدربه خذانا

وكنا نتحدى اللي يــقول
إن هو يقدر يعكر صفانا

وكم تعب ياما عذول
لما يعذل في هوانـــا

كم مضت فينا السنين
والجفا والشر غايــب

ولو جفينا بكلمتيــن
كل منا صار ذايب

على هالحاله مضينا
بالهوى خل وخليـله

القمر ياما شكانـــا
وياما سامرنا ليال

وياما في نوره رعانــــا
وحنا في حضن الرمال

وياما يبكي من جفانا
كلما الهجران طـال

حبنا ذاك الخضـــر
للأسف أصبح ذليل

انت في ايدك جرحته
وابتدا منْكِ الخصــام

ليش يا ظالم نكرتــــــه؟
في الصدود وفي الملام

لا تجافيني … أحبك
واتمنى القرب منــك

آه من غدرات قلبـك
وآه من شكك وظنك

ليتني دايم في قربـك
كالطفل نايم بحضنك

ليش تنساني بهواك؟
وانا اتمنى تعــــــود

ليتني احضى برضاك
بالوصل مني تجـــود

ترى لوعني جفـــــاك
عود يا وردي الخدود

*_*_*_*_*__

_=* حكاية … ذكرى *=_

تذكرتك وأنا وحــدي
وأنا إيدي على خدي

نسيت انت البحر والراس
لكني أنا بعــــــــــــــدي

تعنيت البحر مــرات
سألته باللي بيننا فات

شكيت له الحال والحسرات
من شوقي ومن وجــــــدي

نديم الحب وعيونـــــك
تخون الحب ما أخونك

لأني عشت من دونــــــك
ما بين نوحي وبين سهدي

تعال البحر نادانا
تعال نعيد ذكرانا

كفاية البعد أشقانـــــا
تذكر عهدك ووعدي

*_*_*_*_*__

_=* حكاية … حيرة *=_

يا بحر وين الهـــــــوى؟
وين أحبابي ســــــــوى؟

أسألك …

جاوب ترانــــــــــــــــي
الحشى مني انكــــــــوى

شوفني برملك وحيـــــــد
تايه بشِعري شريــــــــــد

والحبيب أصبح بعيـــــــد
بالهجر عني نــــــــــوى

أسألك …

وين الحبايـــــــــــــــب؟
وين خلي والقرايـــــــب؟

كل منهم عني غايــــــب
ووردِنا الزاهي … ذوى

*_*_*_*_*__

_=* حكاية … عتب *=_

خلاص …

بعد ما أعتب عليك
لا ولا أسأل عليــك

اعتب على قلبي وروحي
اللي ذابوا بين إيديــــــك

العذاب اللي في قلبــي
والهموم اللي في دربي

بعتهم وأرخصت حبي
وأنا غالي اشتريـــــك

الحقيقة … اللي يحبك
يظلمه بالحب قلبــــك

للأسف … حبيت قربك
وانت ظالم من يبيـــك؟

الفعل اللي فعلتــــه
ما تصورته وجهلته

لين أنا بعيوني شفتـه
بعد ما كنت الشريك

خلاص …

بعد ما أعتب عليك

*_*_*_*_*__

_=* حكاية … غرام *=_

كم قلنا يا هوى إحنا انتهيــــــنا
بس ننسى كل ما إحنا التقيـــــنا

لا نظرنا لبعضنا لازم نــــذوب
مهما قلنا يا هوى عنك نتـــوب

لا ذكرنا كم شكت منك قـــلوب
ومثلهم ياما تعذبنا وشكيــــــــنا

إحنا كذابين لا تصدّق كــــــلام
يا هوى خلك معانا في الغــرام

لو صحينا … حتى لو جينا ننام
في المنام أحلامنا تشاور علينـا

لو هجرنا عن هوانا يا هــــوى
كل منا تشوف إنْ قلبه انكــوى

*_*_*_*_*__

_=* حكاية … هوى *=_

على الساحل أنا وإنت
ليالي الحب عشناهـــا

في قربك قلبي ريّحتــــه
بلحظة حلوة … محلاها

على بحر الهوى نسرح
بود وشوق يا غالــــــي

وكل ساعة معاك أفرح
وأجدد أغلا آمالـــــــي

حياتي …

إنت من غيرك …
يفرحني ويهنينــي؟

بهمسك مع تعبيرك
أعيش فرحــان …

خلّينــــــــــــي …

يا أغلا من غلا روحـي
يا نور عيوني ووجداني

في حبك طابت (إ) جروحي
وأشوف الوقت … هنّانـــــي

*_*_*_*_*__

_=* حكاية … وفا *=_

يحق لك تلعب (إ) بقلبي
وتمشيني على أمــــــرك

لأنك شاعر (إ) بحبـــي
ولا أقدر على هجــــرك

وحتى لو أقدر أجافــــي
ما أطوّل بالصــــــــدود

طول عمري لك وافـــي
وعمري ما أنسى العهود

وبن أنسى؟ وإنت حبــك
يا حبيبي شي ثانــــــــي

مرة وحده ليت قلبــــــك
يفتهم شنهو حنانـــــــــي

كنت ترحم يا حبيــــــب
ما تعذبني بجفــــــــــاك

لا ولا عني تغيـــــــــب
ترحم اللي ما نســــــاك

لا تعذبني حراااااااااااام
أنتظر ساعة وصاــــلك

ما كفا كثر الخصـــــام؟
ما كفا تبدي دلالـــــــك؟

*_*_*_*_*__

_=* حكاية … صبر *=_

متى أرتاح في قربك؟
متى وياك أتهنــــــى؟

ثلاث سنين في حبك
وقلبي فيها يتمنــــى

يتمنى … يحس قلبك
ولا يجسا ويتجنــــى

صبرت أكثر من اللازم
ونارك كم أداريهــــــــا

وإنت بالهوى عالـــــــــم
وروحي … ما تحس فيها

علامك بالجفا ظالــــــم؟
مودتنا تجافيهــــــــــــــا

ارجع … شوف أحوالي
ما يكفي جفا وهجــران؟

إذا قلبك غدا سالــي
تراني بالجفا حيران

و(إ) ذكر حبنا الغالـــــــي
وعهد الحب … والذي كان

*_*_*_*_*__

_=* حكاية … جرح *=_

كل ما أنساك وجروحي تنام
إنت ترجع وتصحيها بكـلام

ماني عارف شنهو قصدك شالمرام؟
بعد ما خنت الهوى وذاك الحنيــــن

يعني هذا حب أو إسمــه خداع؟
ياللي قلبك بالهوى يشرى ويباع

لا تذكّرني بزمن يا خل ضـــاع
ضاع من كثر التجافي يا رزين

بعد ما ينفع عتابك والدمــــــــــوع
عهدنا الماضي انطفت فيه الشموع

اخفي نارك والألم بين الضلوع
لا تحاول تخدع القلب الحزيــن

لا تظن أرجع ولا أسمع أو أطيــــع
أدري لو بسمع عتب منك … أضيع

مثل ما كنت أشتري وإنتَ تبيــع
حب مخلص لك على مر السنين

*_*_*_*_*__

_=* حكاية … شوق *=_

ودّي أزور البحر …
من بعدي وشلونه؟

ويا طلوع القمر …
لا كحّل عيونه

يا بحر …

لي في هواك قصة …
وصور وكثير أشعار

كم عشت أنا وياك
وكانت لنا أسرار

في رملتك … محلاك
يا سلوة السمّار

مشتاق أنا مشتاااااق
يا بحر … لرمالك

وتحرقني الأشواق
للصخر … لظلالك

كانت لنا أيام …
مرت كحلم وطيف

في الشعر والأنغام …
بين السّمر والكيف

مرّت وهي أحلام …
تشبه ليالي الصيف

*_*_*_*_*__

_=* حكاية … آه *=_

جيت أشوفك بس وأرجع
جيت وعيني لك دم تدمع

جيت وشوقي كم دفعنــي
لجل منك كلمة … أسمع

من بعد غيبة طويلــة
اشتقت للعين الكحيلة

للرموش السود والبسمة الجميلة
اللي في الخدين تسطــــــــــــع

إنت يا أغلا الحبايــــب
لك شهر واسبوع غايب

من صدودك قلبي ذايب
وانت ما ترحم وتشفـــع

آه … لو تشعر في حالي
كنت ترحمني يا غالــــي

*_*_*_*_*__

_=* حكاية … راحة *=_

ليتني أرتاح لحظة في حياتــــــي
وأنسى ماضي فيه أجمل ذكرياتي

ذكريات الحب وأيام الطفولــــــــــة
يا ترى هالكيف ضاعت في سهولة؟

الحبيب اللي نكر حبي العظيم
على بالي يا مَلا دايم مديــــم

لا حشى والله ما يرخص غلاه
على عيني وعلى راسي هـواه

مهما ينسى الزين أيامي معاه
من أجل عينه أنا والله أهيـــم

كم أحاول أنسى أيام الغــــــرام
وكم أحاول ليلة … أرتاح بمنام

للأسف … اللي أحب قربه سلا
والهجر عنده بعد طاب وحـــلا

مدري منه ذا الجفا أو من هَله؟
في صدوده حتى ما يبعث سلام

يا ربع … تكفون روحوا للجميل
خبروه إني من فراقه عليـــــــل

يا عسى يذكر حناني اللي مضى
وعهد حبي يوم عهده والرضــى

مهما ذاك الود يا ربعي انقضى
عن غرامه لا يظن قلبي يميــل

*_*_*_*_*__

_=* حكاية … نهاية *=_

[size=3]شكرا لكل من توقف هنا للحظة …

لكل من عاش معي إحدى حكاياتي …

وأمضى دقائق تجوّل فيها بين مشاعره … وكلماتي …

دمتم بود

أختكم …قطرة ندى

[/size]

شكرا لك قطرة الندى على احلى حكاية قرأتها

تسلم يدك

شكرا جزيلا
نرجو النقل الى المنتدى العام
بارك الله فيكم