انا طالب بهندسة القاهرة و خلصت السنة الاعدادية الحمد لله و جبت امتياز و كنت حابب قسم ميكانيكا جدا و كتبته رغبة اولي مع العلم ايضا انب بحب الكنترول و البرمجة جدا و عملت مشروعين لحد دلوقتي بالبك و عجبني هذا المجال ايضا فحسيت ان قسم ميكاترونيكس هو ده فعلا القسم اللي فيه الحاجات اللي بحبها و يتناسب ايضا مع طموحي عشان كده بدات اقرا عن القسم كتير و اعرف مميزاته و عيوبه علما اني لو كملت في القاهرة هدخل ان شاء الله انتاج لانه قريب من قسم ميكاترونيكس جدا بس انا دلوقتي محتار و عايز اعرف لو هحول ميكاترونيكس ادخل حلوان و لا عين شمس علما باني عاجبني من حلوان انها سنه ميايكا عام و 3 ميكاترونيكس عكس عين شمس اللي هي سنتين و سنتين و ف نفس الوقت خايف يكون مستوي حلوان مش عالي انا محتار و ف نفس الوقت ناس بتقولي تسيب القاهرة و تروح حلوان او عين شمس !! بيقولولي لو خدت كورسات خلاص هبقي قريب من مجال ميكاترونيكس انا عايز حد يفيدني و يطلعني من الحيرة لان الدراسة ع وشك ان تبدا افيدوني انا عرفت اجيب مواد ميكاترونيكس حلوان لكن معرفتش اجيب ميكاترونيكس عين شمس اريد المساعدة وشكرا
رياضيات (2)
هندسة الانتاج
هندسة كهربية
تقارير فنية
اليات ميكانيكية
هندسة مواد (1)
ديناميكا حرارية
رسم ميكانيكى بالحاسب
اقتصاد هندسى
الاثر البيئى للمشروعات
اولي ميكاترونيكس
هندسة الكترونية
نمذجة وتعريف الانظمة
تطبيقات الطرق العددية
ادارة وتسويق
تدريب2
التصنيع بالحاسب
دوائر منطقية والمعالج الدقيق
بنية الحاسب
ميكانيكا المواد الصلبة
الاستشعار والقياسات
التحكم التناظرى
ثانية ميكاترونيكس
دوائر الربط البينية للحاسب
ميكانيكا الموائع
الكترونيات القوى
مقرر اختيارى (1)
تدريب3
معدات كهروميكانيكية
تصميم ميكانيكى بالحاسب
التحكم فى العمليات الصناعية
التحكم الرقمى
تطبيقات الكترونيات القوى
مقرر اختيارى (2)
ثالثة ميكاترونيكس
هندسة ميكاترونية (1)
تقنيات التحكم الالى
الات الجر
مقرر اختيارى (3)
نظم التحكم الذكية
مشروع
هندسة ميكاترونية (2)
ديناميكا الروبوتات
تطبيقات البرمجة فى الميكاترونيات
مقرر اختيارى (4)
-----------------------------------------------------------------------[/size]
يا حبيب قلبي، لا تلف ولا دور، كمل في كليتك في جامعة القاهرة، وعلى فكرة هو قسم ميكاترونكس مش موجود على الورق في هندسة القاهرة ولكن في الحقيقة كثير من مواد ميكاتورنكس هاتدرسها وهاتدرس تحكم تلقائي وفيه مشاريع تخرج ميكاتورنكس من أكثر من 12 سنة في ميكانيكا القاهرة.
أخي الكريم، أنا من المفترض أن أكون معيداً في هذا القسم لأني كنت ثالث الدفعة ولكني اعتذرت، وهاتلاقي هناك معيدين واحد اسمه أنطوان والآخر اسمه أحمد الصاوي وكان معاهم أحمد الغندور بس ساب الكلية وبالمناسبة هم التلاته كانوا مع بعض في مشروع تخرج في تخصص التحكم التلقائي. لو لاقيت أحمد الصاوي قوله إني زميله محمد صلاح الدين أسلم عليه، دا لو ما كانش ساب الجامعة (خلينا نستفيد منك لأني من زمان ما شوفتهمش :))
أخي الفاضل، في دكتور اسمه ياسر زيادة في ميكانيكا القاهرة مخه بمخ 100 دكتور ميكاتورنكس وسيعطيك في بعض الدورات التي ينظمها ما ينقص المواد المقررة داخل القسم، ومعه إن شاء الله ستحترف برنامج الماتلاب اللي هو بوابة الميكاتورنكس. في دفعتنا شباب عملوا مع الدكتور ياسر مشروع تخرج عربة ذكية بتشوف وتسمع وتستجيب لبعض الأوامر، آيه اللي فاضل بعد كده علشان يبقوا ميكاتورنكس .
ومن الآخرررررررررررررررررر، امتياز في أعدادي ومن أبناء جامعة القاهرة -يعني مش محول- بإذن الله ستكون معيداً في جامعة القاهرة وبعد كده يا ريس تنفتح لك الدنيا في الأبحاث والدراسة والتخصص إنشلله تتخصص في الماكوك الفضائي ولا حد هايقولك لأ، بس افتكر أبو أنس بعد 4 سنوات من اليوم لما تبقى معيد إن شاء الله.
أرجوك ما تسألش حد تاني، مش علشان أنا بأتعصب لرأيي، بس بجد من رأى ليس كمن سمع، والفتي الأيام دي كتير. وقصة البرمجة والتحكم دي بسيطة جداً جداً والدراسة الذاتية فيهما بجوار مقررات ميكانيكا بجد هاتفيدك جداً مادمت تهويها، يعني أنا كان لي زميل وهو لسه طالب في ميكانيكا كان بياخد مشاريع خاصة له لعمل لوحات رقمية للماحلات والمعارض وكان بيبرمج PLC وهو لسه سنة تانية ميكانيكا.
توكل على الله بجد دون تردد، وجامعة القاهرة ليست بالمكان الذي يترك لأجل “أسماء” فقط يقال أنها موجودة في جامعات أخرى، مع كامل تقديري واحترامي لجامعة عين شمس.
أنا رقمي 01140820758 ولكن بعد 10 أيام سأغادر مصر وهايكون رقمي 00966546861528 في السعودية
الفيس بوك محمد صلاح الدين بس ما أعتقدش إنه هايكون منه فايدة كبيرة
، بس ممكن السكايب أحسن abuanaselmasry
أحب اضيف بس تعقيبا على الكلام انه لا فرق بين شهادات الجامعات المصرية فى البحث عن العمل او فى السفر للخارج
وسواء حلوان او عين شمس فالميكاترونكس فيهم لا يوجد بها اختلاف كبير سوى فى ترتيب المواد او صعوبة الامتحانات والتقييم ومعرف ان جامعة عين شمس مستواها اعلى وتعرف بصعوبة الامتحانات والتقييم مما يعطى لشهاداتها نوعا من القوة العلمية فى بعض الحالات ولكن كما ذكرت سابقا لا فرق فى الشهادة
يا بشمهندسين كان عندي استفسار لو سمحتوا… انا كمان كان نفسي ادخل ميكاترونكس… بس الحقيقه مكنتش اعرف انه نظام كريدت و بيتدفعله مبلغ كل سنه و تقريبا المبلغ كبير برضو. و دي مشكله بالنسبه ليا. انا مش عايزه احمل اهلي تكاليف جامده كده علشان ادخل القسم ده… ف كنت عايزه اعرف اذا كان هو كده ف كل الجامعات ولا لأ… و ليه هو القسم ده مختلف عن الباقيين ف موضوع الفلوس ده… لو حد يقدر يفيدني ف الموضوع. و شكرا مقدما
طبعا بيختلف على حسب كل جامعة وفي الجامعات تستغب موضوع الاقسام الجديدة بصورة مادية مثلا الاقسام التى تعتبر جذابة أكثر من حيث ان لها مستقبل افضل او فرص عمل احسن يكون لها مصاريف اكبر وليس فقط في الهندسة او الميكاترونكس مثلا ايضا التجارة والتجارة انجلش او الصيدلة والصيدلة الاكلينيكية الي اخره
