[FONT=Microsoft Sans Serif]يوم رمضان: انا نهاري صيام وذكر وقرآن
يوم النهاردة: انا نهاري شغل ومذاكرة ويادوب بلحق مشاويري
يوم رمضان: انا ليلي… تراويح وعبادة… تهجد ودعاء
يوم النهاردة: ليلي خروج ووتليفزيون… نوم وراحة
يوم رمضان: يارب اختم فى العشر الاوائل
يوم النهاردة: هو انا قريت سورة الكهف ولا نسيتها؟[/font]
[FONT=Microsoft Sans Serif]يووووه ايه التراب ده كله
يوم رمضان: قلب صاحبي معايا… بيفكر ويتدبر ويحاسب نفسه
يوم النهاردة: طب منا قلب صاحبي معايا… هانخرج فين… وفلوس السفريه هاجيبها ازاي… خلاص هاعمل جميعة
يوم رمضان: اه على دموع صاحبي… وهو بيستغفر وبيفتكر ازاي بعد اوي وازاي ضيع كتير
يوم النهاردة: لا ياعم انا اصحابي رجالة… عياط ايه بس ونكد… يمكن البنات بتعيط اما بيتأخر الموبايل فى الرنة
يوم رمضان: ياربي… كل دي سنن ضيعتها فى نهاري وليلي…اللهم اعني على شكرك وذكرك وحسن عبادتك
يوم النهاردة: ممممم[/font]
[FONT=Microsoft Sans Serif]اصلي السنة بتاعت المغرب ولا اخليها للعشا قبل النوم
؟؟
يوم رمضان: يارب النهاردة الاكل يبقى خفيف… عايز اركز فى التراويح
يوم النهاردة: الواحد جعان وعايز يتصل بالبيت يشوف طابخين ايه النهاردة… زهقنا من الطبيخ كل يوم طبيخ طبيخ
يوم رمضان: اللهم ارزقني برزق المساكين
يوم النهاردة: اخرى جنيه للراجل اللى واقف فى الاشارة ولو اتلموا عليها… ولا مليم
يوم رمضان… ياااااه خلاص دخلنا فى العشر الاواخر… اللهم تقبل… بدأ يوحشني من دلوقتي
يوم النهاردة:تصدقوا ياجدعان… رمضان ده له طعم تاني
يوم رمضان: يارب… ثبتني على الطاعة يارب… يارب دي علامة القبول بعد الشهر[/font][FONT=Microsoft Sans Serif]
[CENTER]
يوم النهاردة: خلاص فاضل كام يوم…
اللهم بلغـــنا رمضان
بداية بسيطة ولسه الحوار منتهاش
نفكر كده ونعيد حسابتنا لحد مانقعد تاني مع بعض
وباذن الله يكون…
احلى رمضان فى حياتي
[COLOR=#0000ff]نظرة سريعة جدا على احوالنا واحوال الناس وبعض العبادات… اليوم… و…فى رمضان
[/color]صلاة اليوم: الله أكبر… الركعة الأولى… التانية… التالـــــ هو انا قولت التشهد؟
صلاة رمضان:[COLOR=#0000ff] يارب ارزقني الخشوع فى صلاتي يارب ومع اول ركعة القلب بيتنفض
[/color]دعاء اليوم: هادعي فى اخر ركعة… ايوة ماهو انا لازم ادعي فى الصلاة…سبحان ربي الأعلي… يارب… يارب … يارب اغفر لي ولوالدي…وووو الله أكبر
دعاء رمضان:[COLOR=#0000ff] اول ماتقول يارب… تسكت وتلاقي نفسك عايز تقول اااااااااااااه يارب… وتبدا تحكي له قصة حياتك وكأنك أول مرة تتوب اليه وتتوسل اليه عشان يستجيب لك…
وتستنى بين السجدة والسجدة … مشتاق ومتلهف للكلام معاه…
[/color]ختم صلاة اليوم: استغفرالله سبحانالله سبحانالله سبحانالله… الله اكبرالله اكبرالله اكبر… الحمدللهالحمدللهالحمدلله
ختم صلاة رمضان:[COLOR=#0000ff] استغفر الله وتفتكر قد ايه قصرت فى صلاتك… وقد ايه لاتليق بملك الملوك… سبحانه وتعالى وتبدا تبكي من تكرار المحاولة فى الخشوع واتقان الصلاة…
تقول سبحان الله وتلاقي نفسك متعجب من حالك… انك عصيته كل ده وهو بكرمه اذن لك تقف على بابه وبلغك رمضان عشان تقرب وتستشعر حلاوة وطعم القرب منه…
[/color]سنن اليوم: يادوب المغرب والعشاء… ده لو في مشكلة كمان وطلب عاجل فلازم احترم نفسي واصلي ركعتين سنة
سنن رمضان:[COLOR=#0000ff] ياااااااااااااااااه ده انا كنت بعيد اوي… وقصرت كتير اوي… كل دي سنن الواحد قصر فيها
[/color]سواك اليوم: ولا اعرف اخر مرة استخدمت فيها السواك تلات ايام متواصلة كان امتى
سواك رمضان[COLOR=#0000ff]: طول الليل في جيبك… والصبح تبقى قلقان استخدمه و لا لأ… تبقى كده صح ولا غلط لحسن يكون من نواقض الصيام…
[/color]قرآن اليوم: واه على قسوة القلب وهو بيقرأ النهاردة ولا امبارح اصلا مش فاكر… صفحة ولا اتنين كويسين اوي…
قرآن رمضان: اول ماتبدأ وفي أول صفحة يعدي عليك شريط سنة فاتت بحالها وقد ايه انت قصرت وقد ايه بتتمنى دلوقتي يطول عمرك وتختم كل تلات ايام زي مابتسمع عن السلف وعن الصالحين بل في بعض الاحيان ناس بتختم كل يوم!!
ولا بص بقه على
[COLOR=red]صدقة اليوم!!
[/color]كل يوم نتصفح الحالات المتعثرة والايتام والفقرا… والرد الطبيعي… ربنا يرزقهم
صدقة رمضان:[COLOR=#0000ff] بتحس قد ايه انت متعرفش معنى الجوع… اول ماتشوف مائدة رحمان او وجبات بتتوزع على الناس وكلها اكل طبيعي فى بيتي وبيتك… بس انت مش حاسس بقيمته
قد ايه ربنا رزقك وكرمك وانت بخلت عليه… بخلت تنفق من ماله في سبيله؟… وتفضل كل يوم تستنى اول فرصة تتطلع فيها صدقة في الخفاء وتدعيه انه يتقبلها منك…
((ياترى دلوقتي بتراجع نفسك؟
ولا بتبص فى الصفحة وبتقول ايه الكلام الغريب ده؟[/color]
ولا ناوي تعمل حاجه))
[/center]
[/font]