رجاء من ادارة المنتدى

انا بقترح ان المنتدى بعتبارة اكبر منتدى هندسى مصرى ان يكون فى تعاون مع الطلبة اللى لسة بيدرسو
عشان كدة انا بقترح عمل قسم فى المنتدى خاص بمناقشات الطلاب يعنى بخصوص المحاضرات والشيتات والمسائل ويستشيرو بعضهم
وطبعا كل جامعة يكون ليها قسم خاص بيها عشان الخصوصية شوية فى التعليم وعشان الطلبة ميتهوش بين المقررات المختلفة
خصوصا ان مفيش اى منتدى عامل الفكرة دى
ولو تمت الفكرة دى انا متأكد انا ان شاء اللة المنتدى هيكون علية اقبال هائل لان احنا دلوقتى فى فترة الدراسة واعتقد الطلاب معندهمش وقت كفاية لاطلاع على مواضيع المنتدى اللى خارج اطار دراستهم
وبقترح كمان انا تقسيمة القسم تكون كالاتى:
منتدى كليات الهندسة>(هندسة القاهرة-عين شمس-اسكندرية-…الخ)>(قسم مدنى-تعدين-عمارة طيران-…الخ)>قسم محاضرات المقررات>قسم محاضرات الساكاشن>قسم الاسئلة والاستفسارات والشروحات

وممكن نتعاون سوا بخصوص المحاضرات يعنى كل قسم ف قسم كلية ينسق مع بعضو بحيش انهم يجيبو محاضرات من طلاب منظميين وبيكتبو كويس عشان نفيد بعض باكبر قدر ممكن وبعد كدة المحاضرات دى تتعمل بسكانر وتتحط على النتدى وياريت كل طالب يلتزم بالقسم وبالكلية بتاعتو
وكمان نقسم المحاضرات على حسب المواد
انا عارف ان الموضوع هيحتاج مجود كبير وتعاون بينا وبين ادارة المنتدى اللى ارجو انها تتبنى الفكرة وتعلن عن ترشيح مشرفين واللة ولى التوفيق

السلام عليكم ورحمة الله وبركاته فعلا اخى العزيز هذه الفكرة رائعة جدا ولكن المشكلة فى الطلبة نفسهم والمشرفين وهذا بيعتمد على معرفتهم بالمنتدى واعتمادهم عليه مثلا ممكن نبدا بكليتك فمثلا لو تقدر تتكلم 10 اشخاص وتتفق معاهم على الموضوع ده وتكون ان المشرف على القسم وكذلك اى شخص يريد عمل قسم لكليته وتاكد اخى العزيز ان ادارة المنتدى سوف تقوم باى شى تطلبه وبالتوفيق للجميع ان شاء الله

يشمهندس احمد
انا والمهندس المشرف مهند فعلا اتكلمنا فى الموضوع ده بس كنا بنفكر نعمله على هيئة موضوع مثبت
واتكلمت فعلا مع الطلبه
وكلمت مجموعه من المعيدين يجامعة الاسكندريه للدخول مره كل اسبوع لحل مشاكل الطلبه والاجابه على اسئلتهم واستفساراتهم
لكن اكتشفت فى النهايه ان الطلبه عامله لنفسها منتدى خاص بقسم ميكانيكا جامعة الاسكندرية بعنوان
www.fokakmeny.com
واكيد كل جامعة عامله لنفسها موقع
لكن من حيث المبدأ انا معنديش ماتع اننا نبدأ التنفيذ وبقسم ميكانيكا لو حبيت

بارك الله فى اخونا صاحبة المشاركة و شكرا للريس احمد الديب اعتماد الموافقة و بالفعل الفكرة تناقشنا فيها انا واخى وحبيبى محمود و تم الاتفاق على تفعيلها قريبا لكن كان لى ملاحظة يا حوده انه المنتدى اللى انت ذكرته يشكر مؤسسه لكنه ضعيف جدا فى المشاركات و التحاور مما يدل ان الطلبة مش بيتخذوه مرجع للنقاش و الحصول على المعلومات الهندسية فارى ان تكمل ما كانت مقبل عليه

اقتراح جيد جداااا
خاصه بهدا الوقت والمنتدى راح يزيد نشاطه اكثر من الطلبه
واتوقع ان راح يلاقى استجابه سريعه وحضور كبير
وهذا مانريده خاصه بعد الى صار للمنتدى الفتره الماضيه وقلل رصيده من المتابعين والحماس

فعلا سمسم ولكن فى الاول لابد من وجود الطلاب حتى يتم فتح قسم لكليتهم

انا حاسه اخى احمد انه اغلب المشتركين بالمنتدى طلاب
صحيح هم مو من نفس الجنسيات لكن كلهم طلاب هندسه
ممكن نعمل تصنيف لكميه الطلاب وكمان استطلاع لرغباتهم لهيك فكره

فكره جميله
وعلى فكره لو بديت بجامعه واحده
هاتلاقى جامعات كتير بتشارك
لان بيحدث نوع من الغيره والنديه بين الطلبه ال ممكن نسميه حماس ف الوقت ده
وده ممكن يكون خطوه اولى

المشكلة يا جماعة
فين الطلاب وايه القسم اللى نعمله ؟؟ لانى بصراحة مش عايز اعمل اقسام وتكون فاضيه

عنك حق بس انا عندى اقتراح
انا من رائي مهندس احمد انه يكون مبدئيا فى قسم الساحه الجامعيه لانه تقريبا اقرب قسم للفكره وكمان لانه مش شغال قوي وبده تفعيل اكتر
هادا رأي والمشوره اكيد بترجعلكوا
وبعدين اكتر شئ يجذب الطلبه اشياء هم فى حاجه لها
واذا الفكره لاقت رواج وانجذاب للعديد وقبول واضح ممكن تخصيص اقسام للجامعات والمحاضرات والامتحانات كما قال المهندس مهند
واذا ما نجحت الفكره ماخسرنا شئ وتكون تجربه وخضناها
بس انا عن جد حاسه انه الموضوع محتاج دراسه ومجهود حتى يتم ذلك بنجاح
وممكن الاستعانه بمعيدين اصلا بالكليات
وبالنهايه اكيد اخى احمد انت ممكن تقيم الموضوع اكثر
لكم شكرى

خلاص مهندسة سمسم بصفتك مشرفة منتدى الساحة الجامعية ممكن تتناقشى مع المهندس محمود حول كيفية تنفيذ هذه الفكرة وتقوموا بدراستها جيدا وان شاء الله ننفذها

السلام عليكم
معذرة على تأخرى فى الرد وذلك لظروف خارجه عن الاراده
مهندسه سمسم ومهندس مهند
منتظر اقتراحاتكم فى هذا الموضوع وابعاد الموضوع من وجهة نظركم
وايه اللى انتوا عايزين تعملوه بالتحديد بصرف النظر عن انشاء اى قسم جديد فى الوقت الحالى الا بعد التجربه
وهنبدأ ان شاء الله فى التنفيذ فور تلقى اقتراحاتكوا اذا كانت مقنعه