[RIGHT]بسم الله الرحمن الرحيم
مهندسين كثير تخصصات اتصالات واليكترونيات بيتخرجوا بيلاقوا ان مجال الاتصالات ضيق وفرص عمله قليله جدا في دول الخليج وقليل جدا لما شركه توظيف تطلب مهندس اتصالات
علشان كده كثير بيحول لمجال الكهرباء. لكن بيمشي في اتجاه غلط يعني بيروح يا خد كورس Power Distribution او EMP وده كورس جميل ولذيذ لكن بتاع مهندسين مكتب تصميم مش مهندس تنفيذي
ومعظم الشغل الي بييجي في المكاتب تنفيذي مش مكاتب تصميم
او بيذاكر كتاب الجيلاني وده كتاب ممتاز لكن لابد من معلومات عمليه عن المواقع
…
وبالتالي لما يطلع موقع يكتشف ان هو ميييح وان معلومات الكورس ليس لها اي علاقه بالشغل
وكمان لو راح انترفيو واتسأل سؤال فني مش هيعرف يجاوب
علشان كده انا عملت الخطوات دي كمعلومات عامه يقدر المهندس الي منزلش مواقع قبل كده او الي شغله كان بعيد عن مجال الكهرباء يعرف الدنيا بتمشي ازاي
وده كبدايه يقدر يدخل في الشغل او يجاوب في انترفيو
والله المستعان ويارب يكون مفيد
[/right]
2- الرسمه دي اسمها شوب دروونج Shop drawing
[RIGHT]3- المهندس التنفيذي الكهرباء بيستلم الشوب دروونج ويبدأ شغله[/right]
4- المهندس تنفيذي يراجع الشوب درونج يضبطه ويعمل التعديلات عليه من الواقع وحسب طبيعه الموقع يعني المهندس التصميمي الي في مكتب التصميم ممكن يكون رسم الرسمه لكن ميعرفش ان محول الكهرباء العمومي الي هاخد منه في شمال الكمبوند وبالتالي اقرب لمسارات الكابلات امشي من الشمال ومهندس التصميم عامل التوصيل من الجنوب فبعدل الرسم علي الوضع الجديد
5- ممكن يكون عامل سمك الحيطه في كل شقه والي هيركب عليها لوحه التوزيع سمك صغير وبالتالي اللوحه مش هينفع تركب فيها بعدل سمك الحيطه ان هو يكون اكبر حسب نوع اللوحه ومقاساتها الي هوردها
6- بعد ما اخلص التعديلات المبدأيه بالجاف علي اللوحه اعملها اوتوكاد ( او لو في المشروع رسام اوتوكاد يبقي زي الفل هيريحك لكن علي الاقل لازم يكون عندك مبادئ الاوتوكاد وتكون بتعرف تعدل لوحه يعني كوبي باست وشويه تنسيقات)
7- أروح للمكتب الاستشاري الي مشرف علي المشروع واعتمد التعديلات دي من المهندس الاستشاري يعني كل تعديل علي لوحه لازم اعتمده من المهندس الاستشاري
8- اهم حاجه في شغل المهندس التنفيذي النظام وارشفه وحفظ كل خطوه بيعملها يعني لما الاستشاري يمضي اكتب ده واحتفظ بنسخه
9- بعد كده مهندس التنفيذ بيحصر الماتيريال من علي الدرونج ( او لو في حاصر كميات)
10- وبعدين يكلم السابلاير (البياعين الي هشتري منهم) اجيب منهم عينات من كل نوع
11- اعتمد العينات عند الاستشاري يعني افرجه عليها وهو يقول مطابقه للمواصفات الي في العقد ولا لأ وبيحتفظ بالعينات دي زي الكابلات البرايز علشان ساعه الاستلام يقارن بينها وبين المتركب فعلي
12- بعد اعتماد الاستشاري اطلب الماتيريال تجيلي واشون علي قد الي هحتاجه حاليا في المخزن الي في الموقع وكل يوم اطلب رصيد المخزن من الفورمال واتابع علشان مفيش حاجه تتسرق ولا تتسلك وانا نايم او العمال يكسره حاجه وميقولوش
13- الفورمال ( رئيس العمال ) وحلقه الوصل بيني وبينهم يجيلك يقولك عاوز لوحه المبني كذا تكون اللوح كلها جاهزه عندي اطبعها (الشوب دروونج النهائي بعد ما عدلته واعتمدته من الاستشاري) يعني لو كمبود 8 عماير عندي لوحه كهرباء لكل شقه ولوحه لكل مبني اناره ولوحه للكمبوند كله يعني ممكن يكون الاجمالي حوالي 100 لوحه
14- اطلع اتابع بينفذ الشغل ازاي ومطابق للدرونج ولا لا
15- كل مرحله تنتهي اطلب الاستشاري ييجي يستلم وامضيه واحفظ ده في ملف عندي
16- لو عنده اي تعديل اعدل تاني وارجع اسلمه لكن خد بالك انك في اخر الشهر مش هتقدر تعمل مستخلص ( الطلب بتاع الفلوس) الا من واقع الي سلمته فعلا للاستشاري وطبعا الكفيل او شركتك دي اهم حاجه عندهم ان هو في اخر الشهر تدخله فلوس
17- لو في مشاكل بين العمال وبعضهم او بين الفورمال والعمال احلها ومخليش المشاكل تكبر ويبقي في حزم بدون قله ادب ومراعاه لنفسياتهم ولظروف العمل يعني تخليك بني ادم معاهم فلا تكن صلبا فتكسر ولا لينا فتعصر
18- لو الشغل متأخر اسهر العمال واعتمد التأخير ده علشان يا خدوا اوفر تيم
19- شغلي مرتبط بالمدني مش هعرف امد مواسيري المين فيدر من بره الا لما الميده تكون اتصبت (الميده يعني القواعد الخرسانيه) وبالتالي انا متواجد في الشلتر بتاعي يا برسم يا بعدل المهم اكون مرتب لكل خطوه
20- اجيب عمال علي القد بس في كل مرحله علشان ميجوش يقعدوا من غير شغل
21- استني المدني يصب الميده بعدين امد الخرطوم بتاعي بالتنسيق معاه استني الحيطه تتبني والسقف ابدا ارمي خراطيمي والعلب بتاعتي
22- ممكن اجيب مقاول باطن يديني بس عمال وممكن مقاول باطن يقوم بالشغل كله ويسلمني وانا اسلم الاستشاري
23- مقاول الباطن لو عنده مهندسين وفورماليه وعمال يبقي تمام ويبقي شغلك باشا لكن غير كده خبره كويسه ومجهود كبير
24- ممكن مقاول الباطن ييجي توريد وتركيب لكن جاي تركيب بس انا الي بحصر كميات وبورد ليه والرسومات
25- مشاريع الحكومه افضل بكثير لانها اسطمبات جاهزه يعني رسومات ثابته والشوب درونج ثابت مبتعدلش فيه
26- لو مفيش رسام اوتوكاد هتقعد في رسمه اللايتنج Ligthing لدور واحد يومين
27- لو رسومات لمشروع حكومي زي مدرسه مثلا وبي دي اف ترسمها تاني بنفسك
28- لما اضبط المستخلص كل شهر بضبطه بالي انا سلمته فعليا للاستشاري طول الشهر وبحط الكلام ده علي شيت اكسل السابق والحالي والاجمالي والشيت ده بيبقي فيه قدام كل عنصر اجمالي المبلغ وبالتالي الشهر ده عملت 10 % الشيت بيحسبلي المبلغ الي هاخده
29- الشيت مقسوم نصين الشمال المقايسه الي انا قدمتها واتوافق عليها
30- في الشيت بيبقي موجود نوع الايتم مثلا c4x50mm + xlpe/pvc in 100m dia pvc pipe كابل نحاس 4 كور كل كابل 50 ملي ونوع العزل الخارجي اكس ال بي اي يعني طبقتين عزل الاكس والبي في سي ومحطوط في ماسوره 100 ملي بايب
31- Lm in sheet mean long meter يعني الطول
32- كل ايتم بيقي فيه اتفاق معين مع الاستشاري مثلا البايب التاسيس يبقي 20 % السحب 70 % اطلاق التيار 10% يبقي كل ما اخلص مرحله من المراحل دي واسلم الاستشاري ابدا احصل مستخلص فلوس
33- لو في تسليم بتصل بالاستشاري وبروحله لما اكون عاوز اعتمد مخطط معين وبنروح ونتناقش لحد ما نوصل لحل ودي لا ودي زياده
34- لو الاستشاري عاوز يغير اي حاجه في الرسم اقوله اعملي VO = variation order لكن احيانا بيطلب تغيير اماكن مع نفس العدد يعني غير اماكن لمبات والاجمالي نفس العدد يبقي عادي بس بغير علي الرسم واعتمد الرسم منه
35- عملنا مواسير مدينيها من بره المبني لجوه مردمش علي البايب ( احط الرمل والخرسانه) الا لما الاستشاري ييجي يستلم ولما ييجي اعمل انسبكشن يعني نموذج بكتب فيه المسلم ومين الي استلم ويوم وساعه ويمضي واعينه عندي ومن واقع الكلام ده احسب كل شهر لكل ايتم ايه الي اتعمل فعلي علشان اضبط المستخلص بتاعي
36- في صيغه معينه شركتك بتعملها او الاستشاري بيديك اصطمبه معينه (نموذج) نموذج اعتماد الدرونج نموذج اعتماد مقاول الباطن - نموذج اعتماد المواد - نموذج التسليم- نموذج المستخلص
37- كل شهر مستخلص
38- لام سم lam sum مقوله علي بعضها المالك لغي بند مليش دعوه باخد حسابها ضاف حاجه برده اخد حسابها في برده نظام تاني
[RIGHT]39- جريد بيم = الميد = البيمه الارضي = السملات[/right]
40- بيم = الكمر
41- يعني الجريد بيم
42- القواعد = فونداشن بعد كده بعمل رقابي للقواعد دي = نيك كولوم بعد كده بربط بين القواعد دي بسملات = جريد بيم بعد كده في السقف الكمره اسمها بيم
43- ممكن اعمل كمر في السقف وبعدين ارص بلاطات بدل الصبه = هلوكور وساعتها هضطر احط علبي ومواسيري بره وده ممكن يكون في سقف جراج
44- اي ام تي = العلب البره
45- ملف اعتمادات المواد ملف استلامات الاستشاري ملف اعتمادات المخططات ملف مراسلات مع البلديه لو مشروع حكومي ملف مراسلات مع مقاول الباطن مع الاستشاري مع شركتي
46- المالك بيعتمد التصميم الاولي من البلديه ويحجز عدادات كهرباء ويعتمد الغرفه وبالتالي لو مشروع خاص مش هيبقي في بيني وبين البلديه مراسلات
47- في الانترفيو لو سألك ايه مشاكلك في الموقع هقوله مع المدني بيكسرلي بوكساتي ومواسيري ولما بيكسرلي حاجه بخصم عليه
48- المقاول العام بيجيب كذا مقاول باطن مقاول عظم = مدني مقاول باطن كهرباء مقول ميكانيكا وكل واحد ليه مستخلص لما بتاع المدني يكسرلي حاجه بخصم من مستخلص مقاول المدني المقاول العام بيعمل VO ساعتها ويخصم قيمه الحاجه دي من مقول الباطن المدني
49- كوتيشن Quotation يعني عرض اسعار
50- لو عاوز اجيب مقاول باطن لازم اعتمده من الاستشاري بروح اشوف مشاريعه الي عملها والاستشاري نفسه بيشوف البروفايل كومباني بتاعه (الملف الي المقاول ) وممكن يلف يشوف شغله ويشوف عنده عماله قد ايه والعماله علي كفالته ولا لا
51- حسب بنود العقد ممكن الاستشاري يوافق او لا علي نوع مقاول الباطن
52- ممكن المشروع يكون من غير استشاري
53- شفط = منور
54- مقول عام ده الي منه للاستشاري والمالك هو الي بياخد الفلوس من المالك ويوزع علي الي تحته
55- مقاول باطن كهرباء بيقدملي مذكره ان مقاول المدني كسر ماسوره ب 100 ريال انا كمقاول عام اعمل مذكره خصم علي مقاول العظم وساعه المستخلص اخصم من اجمالي الفلوس الي بياخدها
56- موضوع ال filing فايلنج ترتيب اوراقك ده مهم جدا تنظيم الشغل اهم من الشغل نفسه
57- المالك او الاستشاري طلب مني اي حاجه مش موجوده في العقد اقوله اعملي VO ولو الحاجه دي اقل من 15% من العقد احسب علي اسعار العقد اكبر من كده يبقي باسعار السوق دلوقتي
58- Pill of quantity = poq مقايسه الاسعار الي عملت بيها العقد والي لو طلب مني اي vo خلال المشروع بس اقل من 15% يبقي من ال poq وبرده علي حسب العقد ممكن يكون في بنود بتقول غير كده
59- ساعت السقف الكهربائي بيحط علب علي السقف ويوصل بينها بمواسير والعلب دي بتبقي في اماكن محدده حسب الرسم يعني في الغرف والطرقه و…و, المهم لازم تكون دقيقه لكن لو في سقف ساقط مش مهم تترحل يمين شمال شويه عادي لان انا هسحب سلك وهنزله علي الاسبوتات او النور داخل تجويف السقف
60- اي سقف بتبقي العلب دي غاطسه فيه يا اما بتتغطي بفورم جبس او بلمبه
61- اللينيه 3 سلوك فرده فازه وفرده نيوترال وفرده ايرث
62- النيوترال والايرث باخد من اي حته في الشقه لان هو واصل ببعضه
63- الموتور بيدخله 3 فاز ومبيدخلوش نيوترال وبالتالي الفرده الرابعه في الكابل بعملهاله ايرث
64- الشوب درونج بيتعمل في اول المشروع لوح اناره ولوح بور ولوح فير وتليفونات ولوح عموميه للمشروع مسار الفيدر ولوح اناره عموميه كل دور 3 او 4 لوح وموقع عام حوالي 15 لوحه
65- فتحات التكييف فوق الابواب بيعملوها من ماده
66- ممكن المعماري يغير اضطر اغير في الشوب دروونج بتاعي مثلا عاوز يعمل غرفه للشغاله بحمام اقوم انا مغير في الشوب دروونج بتاعي ومديه للرسام يضبطه ويطبعها وبعدين اعتمده من الاستشاري
67- في نهايه المشروع بعمل لوحه اسمها AS-build يعني الحقيقه الي حصلت
68- هوم رن home run الي هو نهايه اللينيه
69- ممكن اثناء الشغل الاقي ان الهوم رن اقربلي اخدها من اوتلت (بواط في السقف) معين اقرب من التاني فبعمل كده وفي نهايه المشروع بدي الرسم للاستشاري يعني مش لازم اعتمد منه الكلام ده
70- مكتب استشارات تصاميم هندسيه ده بعيد تماما عني ده المالك بيرسم عنده في الاول
71- ساعات المصمم بيعمل اخطاء بيعمل كابل 30 مم وطوله 150 متر بعمله ببرنامج علي الكمبيوتر وبدخل قطر الكابل وطوله والفولت والسيفتي 0.2 او 0.3 حسب النظام وكده ممكن الحل بزود قطر الكابل
72- الكابل بييجي 4 مع بعض ممكن اسحب فرده
73- كابل واحد شيلديد بيبقي فيه 4 فرد 3 فاز وواحده نيوترال وبسحب فرده كمان للايرث وبمشيهم في ماسوره واحده وبطلع بيهم للشقه
74- شركه سيكيتو = الكهرباء
75- الارضي بعمله 2 =بيجيلي ارضي من شركه الكهرباء وبرده وانا بصب الميده بوصل في الحديد بتاعها كابل نحاس عريان وبرميه بره لحد نهايه المشروع بعمله رود نحاس 3 متر وبرده بوصله بارضي الشركه وممكن اعمل كابل نحاسي احزم بيه الميده علشان يمتص اي تسريب لان حديد المبني كله واصل ببعضه
76- كل شقه بيجيلها كابل لوحدها من بره من غرفه كهرباء سيكيتو في ماسوره 2 بوصه وهي دي المواسير الي بدخلها بعد صب القاعده
77- وفي مواسير تانيه صغيره ل اللو كرنت الفير الارم والكاميرات والتليفونات
78- مواسير يعني بايب بجمع حاجات اللو كرنت كلها في غرفه مونترول
79- في نوعين من البايب النوع العادي بي في سي الناشف الي مبيتنيش عاوز كيعان علشان اغير الاتجاه ونوع تاني جديد اسمه اكس ال
80- بستني المدني يخلص المنور بعدين بركب كابل تراي caple tray بمد فيه مواسيري لفوق وكل شقه ب سليييف (سليفات) ( شنايش او فتحات ) ولازم احط ماسوره في الفتحه دي ومقاس البايب علي قد الكابل المفروض الثلث كابلات والتلتين فاضي
81- اقطار الكابلات بتجيلي اساسا في الرسم وبالتالي اقطار المواسير لو الاستشاري طلب يزود حمل الشقه بالتالي هغير كابلات يبقي اغير مواسير
82- في السعوديه معظم اقطار الكابلات الي داخله الشقق 30 وساعات 50