بسم الله الرحمن الرحيم
فى أول سنة لنا فى الكلية وهى السنة الإعدادية قمنا بدراسة الكثير من المواد منها الفيزياء والكيمياء والرياضيات والميكانيكا والكهربية والرسم الهندسى و غيرها .
طبعا إستفدنا بجميع المواد التى درسناها عامة , ولكن ليست جميع المواد أكملت المشوار معنا وإستفدنا بها داخل القسم حيث داخل القسم درسنا مواضيع وفروع مختلفة بتوسع أكبر.
ماذا تدرس فى قسم ميكانيكا
فى قسم ميكانيكا قمنا بدراسة بعض المواد المهمة جدا والبعض الاخر الذى فرض علينا دون إفادة حقيقية.
ففى داخل القسم درسنا مواد دراسية مثل الرسم الهندسى والرياضيات والتصميم الهندسى وعلم المواد والتبريد والتكييف والديناميكا الحرارية وميكانيكا الموائع وديناميكا الغازات ومحطات القوى الحرارية وتشغيل وإدارة محطات القوى الحرارية , وأيضا درسنا مواد لها علاقة بالطاقة المتجددة من الطاقة الشمسية وطاقة الرياح وغيرها من سبل توفير الطاقة .
رد الطلاب عن سؤال " لماذا دخلت قسم ميكانيكا؟ "
-
عشان قسم صعب قررت انى ادخله
-
لأنه فرع جيد
-
انا دخلته علشان ده قسم دماغ
-
ده القسم الى فى نظرى بتاع العباقرة
-
عشان بحبه
-
لانى بنت هبقى متميزة وانا بتخطى كل الصعوبات اللى بيقولو ان الشباب بس هما اللى يقدرو يتخطوها
-
و الله قسم سهل مش اشاعات اللى بيقوا صعب , بس اصعب حاجة الرسم لازم تكونى شاطرة جدا فى الرسم و عندك تخيل للاجسام كبير اوى
-
علشان ملحقتش قسم تانى
-
ماما من فتره حلمتلي اني دخلت القسم دا
-
بسبب التنسيق
-
انا دخلته عشان عايز ادخله
-
غلاسه
-
بابا عايزنى ادخله
-
انا فعلا دخلته عشان ملحقتش كهربا
-
انا دخلتو عشان المجموع الصراحه بس دلوقتي انا حبيتو جدا قسم دماغ فعلا
-
عشان هندسة = ميكانيكا
-
عشان ابن خالتى زيزو فيه
آراء الطلاب داخل القسم عن قسمهم أثناء سؤال أحد طلبة السنة الإعدادية عن القسم
- و الله قسم سهل مش اشاعات اللى بيقوا صعب , بس اصعب حاجة الرسم لازم تكونى شاطرة جدا فى الرسم و عندك تخيل للاجسام كبير اوى
- قسم سهل مش فيه الا الرسم بس
- ميكانيكا يا جماعة قسم جامد جدا
- انا دخلت ميكانيكا علشان بحبها ,يمكن حب بالوراثة
- ع فكرة القسم ده جميل بس حاولو تبصوا تجاهه صــــــــــــــــــــــح
- بجد ندمت انى دخلته
- انا بحاول اسد فيه لحد دلوقتي
- القسم جامد جدا جدا جدا
- قسم ميكانيكا من أروع الأقسام في الكليه و أكثرها ارتباطا بالواقع,هو بس مفيش امكانيات علشان يعلمونا صح! بس برضه الي عاوز يتعلم هيتعلم,يعني هيروح و يدور و يشوف!
حكايه المستقبل دي فبيد ربنا ,بس عامه الهندسة كلها ليها مستقبل و ميكانيكا بالذات علشان مطلوب في معظم المجالات! و يكون درس حجات مختلفه كتير
حكايه المقارنه بينه و بين بقيت الأقسام مثلا مع كهربا! ,هتلاقي ان ميكانيكا أسهل شويه! و معرفش بقي عن بقيت الأقسام
-
انا شايف ان قسم ميكانيكا من اروع الاقسام فى الكليه وف الحياه العمليه اما بالنسبه للدكاترة ميكانيكا فهم اكتر دكاتره محترمين ومتواضعين وبالنسبه لامتحانات فهى معقوله ولا سهله قوى ولا صعبة والمستقبل فى الاول والاخر بيد الله سبحانه وتعالى
-
انا عن نفسى بحب القسم بتاعنا جدا وحاسس انو فعلا قسم محترم وقوى فى الماده التعليميه بتاعته مع انو فيه شويه عيوب فى الامتحانات فى مواد الدكاتره بتحط امتحانات صعبه اوى واقرب مثال الهيدروليك والتكيف والتبريد السنه دى والديزاين الترم التانى السنه اللى فاتتاللى فاتت
-
انا شايف انه اكتر قسم ديموقراطي مع الطلبة وانا بحمد ربنا اني دخلت القسم ده
-
قسم حلو و دراسته مشوقة - فيها فكر عالي !
بس مش اسهل من كهربا ولا حاجه بالعكس انا بشوف كهربا المشكله عندهم كله كلام نظري وقعيا محدش شاف حاجه بعينه غيرنا يمكن عشان كده تحس ان مكيانيكا اسهل وبعدين تحس انها سهله بس السهل الممتنع تفهم اه بس تعال طبق تلاقي في مجهود زهنى عشان توصل للحل !
كل اقسام الكليه صعبه اساسها الفزياء والرياضه ولو لاحظتم اعدادي اللى ماسكة داكترته (قسم فزياء ورياضه)
بالنسبه لقسم مكانيكا اسكندريه ((((((((((((((انفراد بالتقدم الفكري)))))))))))) بالقياس للجامعات الاقليميه
انا اتعملت مع مهندسين عين شمس واسكندريه فكر عالي واقليمي مستوى الدراسه عندهم تعبان عن عندنا عشان كده فى طلب على خريجي اسكندريه بالتحديد الحمد لله رغم ان الدكاتره بتحسسنا اننا مننفعش بس بتعلمنا ((أ - ب)) هندسه صح وده الاساس المهم واللى بيعملوه هو اللى وصلنا لمستوى احسن من بقيت الكليات
القسم بتاعنا والحمد لله من افضل الاقسام فى الكليه من حيث نوع الكورسات التى ندرسها وكذلك الدكاتره من افضل الدكاتره
قسم زي الفل
انا رايى ان العملى قليل وكروتة وانا ندمت انى دخلت هند سة اساسا, المواد كويسة بس ما فهاش عملى
نتيجة إستطلاع لرأى
المصادر
دراسات ميدانية من أكتر من موقع شبابى على شبكة الإنترنت
محمد موسى حسن
طالب بكلية الهندسة - جامعة الأسكندرية
الفرقة الرابعة