مجالات عمل مهندس ميكانيكا القوى

اعضاء المنتدى الكرام
ماشاء الله المنتدى يذخر بالكثير من المهندسين
ويا ريت الكل يشارك عشان تعم الفايدة

طبعا مجالات عمل مهندس ميكانيكا القوى كثيرة ومتشعبة وده بيخلى الطالب او الخريج الجديد حيران مش عارف يبتدى فين او منين ومش عارف هو ممكن يشتغل فى ايه وايه هى المجالات المتاحة وايه هيبقى دوره فى اي وظيفة والحقيقة انا بحثت كتير على النت وملقتش اجابة والموضوع مهم جدا لانه هيوسع الافق و هيساعد الطلبة او المهندسين الجدد انهم يحددو المجال اللى ممكن يشتغلو فيه حسب ميولهم ويجهزو نفسهم ليه

فيا ريت المهندسين اللى شغالين او اللى عندهم معلومات عن اي وظيفة يفيدونا بحيث تكون الاجابة شاملة

  • وصف لطبيعة العمل
  • وصف وظيفة المهندس داخل مجال العمل
  • وتوضيح ما يحتاجه المهندس من دورات او موهلات ليكون موهل للقيام بمثل هذا العمل

وجزاكم الله كل خير
والسلام عليكم ورحمة الله

أهلا بيك ياهندسة فى المنتدى ونتمنى نستفيد منك ومن خبراتك وتستفيد مننا ايضا وموضعك فعلا مهم جدا بس سبب الحيرة زى ماحضرتك تناولت ان فى بلدنا الدراسة لميكانيكا قوى بتبقى عامة شوية مبتتخصصش فى جزئية معينة إلا بعد التخرج وللاسف الخريج هدفوا بيبقى عاوز يكون مستقبلوا ويبنى نفسوا ويخش فى المجال اللى ماشى فى السوق مش اللى بيحبوا او قدراتوا بتأهلوا ليه وربنا يكرمنا ويكرمكم جميعا


شكرا لاهتمامك وردك
طيب ايه هى المجالات اللى ماشية فى السوق
من وجهة نظرك وايه السبيل انك تكون متميز فيها
انا طالب فى الفرقة التالتة ومخبيش عليك حاسس ان اللى اتعلمته
لغاية دلوقتى ميأهلنيش انى اكون مسؤول عن مكان شغل
بس لو الواحد عرف المجالات واحتياجاتها
ممكن يكون فيه فرصة انك تقرأ وتزود معلوماتك من دلوقتى
او تاخد كورس مثلا فى مجال انت شايف نفسك فيه من المجالات المتاحة
وشكرا مرة تانية