أكتب أى سؤال عن الهندسة البحرية هنا؟


(محمودين) #61

لو سمحت اريد ان اعرف كل شئ عن السفن


(Bassoom) #62

ماشى يا سيدى…

ممكن تبدأ ب…

السفينة

و بعدين

القاموس البحرى

ثم

المنصات البحرية و أنواعها المختلفة

و

و كتب و كتب و كتب و …

و عيش حياتك بقى


(ENG.Hasan Hamdan) #63

انا اخوكم حسن من الاردن وبدرس هندسة بحرية في الاردن وحاب استفسر كمان عن الدراسة في مصر ازا ممكن اكمل دراستي فيها


(Bassoom) #64

قسم الهندسة البحرية حتلاقيه فى جامعة الأسكندرية…و جامعة بورسعيد

فيه كمان فى الأكاديمية البحرية فى إسكندرية.

أحسنهم علميا…كلية الهندسة جامعة الأسكندرية.
أحسنهم عمليا…الأكاديمية البحرية.


(mando2011) #65

السلام عليكم … لو سمحت انا عاوز برنامج (مك سرف) mac sarv


(Bassoom) #66

وضح شوية…أول مرة أسمع عن البرنامج ده


(m.hassanin) #67

انا طالب في كلية الهندسه قسم بحريه
ومش عارف الفرق بين القسم بتاعي والاكاديميه البحريه
وكمان مش عارف الكورسات الي لازم اخودها في الاكاديميه


(Bassoom) #68

[quote=m.hassanin;89577;]انا طالب في كلية الهندسه قسم بحريه
ومش عارف الفرق بين القسم بتاعي والاكاديميه البحريه
وكمان مش عارف الكورسات الي لازم اخودها في الاكاديميه[/quote]

طب إنتا فى بورسعيد و لا إسكندرية ؟؟؟

بالنسبة للكورسات…

فإنتا بعد ما تخلص لو ناوى تطلع بحر يبقى لازم تاخد كورسات فى الأكاديمية إسمها الحتميات…
و دى عبارة عن الإسعافات الأولية و مكافحة الحريق و السلامة البحرية و…إلخ

عشان تبقى مؤهل للطلوع على السفن

بعدين بتاخد 6 شهور خدمة بحر…و تروح مقدم على دورة مهندس تالت فى الأكاديمية

بعدين تاخد خدمة بحر (مش فاكر كام سنة بالظبط) و تروح مقدم على دورة مهندس ثانى

بعدين خدمة بحر تانى و تروح مقدم على شهادة كبير مهندسين…

و بس…آخرك كدة

كبير مهندسين ده الراجل الموازى للقبطان على ظهر السفينة.


(المدلهم) #69

يا باشا أنا ليا سؤال واحد

أنا قدامي بحرية و عمارة و الاتنين مناسبين …الرسم و الابتار موجود و القدرة عالمزاكرة موجودة

ابه في رأيك مستقبله أحسن

و أرجوك الرد بسرعة عشان قدامي أسبوع للتحويل

أنا هندسة اسكندرية …و شكراً مقدماً


(المدلهم) #70

حاجة تانية يا باشا…أنا -من أولها كده - اطلب مني أعمل بحث عن أنواع السفن و تهت أوييييي

ممكن أي مساعدة؟


(Bassoom) #71

[quote=darken;92586;]يا باشا أنا ليا سؤال واحد

أنا قدامي بحرية و عمارة و الاتنين مناسبين …الرسم و الابتار موجود و القدرة عالمزاكرة موجودة

ابه في رأيك مستقبله أحسن

و أرجوك الرد بسرعة عشان قدامي أسبوع للتحويل

أنا هندسة اسكندرية …و شكراً مقدماً[/quote]
صعب و الله إنى أفضل أى واحد عن التانى
انا رأيى تعمل صلاة إستخارة

حاجة تانية يا باشا…أنا -من أولها كده - اطلب مني أعمل بحث عن أنواع السفن و تهت أوييييي

ممكن أي مساعدة؟

ممكن تجرب الرابط ده
http://en.wikipedia.org/wiki/Ship


(المدلهم) #72

أولاً ألف شكر على الرد

الدكتور يا سيدي هوا مصطفى الجمال

و أنا - الحمد لله - مبرمج و مصمم فالبحث نفسه مش مشكلة …بس المشكلة إني لقيت أنواع كتير و تقسيمات كتير

و شكراً مرة تانية


(Bassoom) #73

[quote=darken;93645;]أولاً ألف شكر على الرد

الدكتور يا سيدي هوا مصطفى الجمال

و أنا - الحمد لله - مبرمج و مصمم فالبحث نفسه مش مشكلة …بس المشكلة إني لقيت أنواع كتير و تقسيمات كتير

و شكراً مرة تانية[/quote]

د-مصطفى الجمال

معلش يابنى…ده قدرك و نصيبك و لازم تتحمله

ده الدكتور اللى درسلى عمارة بحرية برضه…و والله بحبه جدا

إحضر كل المحاضرات و إهتم بكتابتها…و فى الآخر تحطها زى ما هيا فى الإمتحان

حاول تقرأ كتب و إسأل المعيد كتير على قد ما تقدر…علشان تفهم

تابع معانا دورة أوتوهيدرو…حتفيدك المقدمة كتييير

و ربنا يعينكم جميعا


(elsabil) #74

اريد معرفة methode de strip theory ارجو منكم الرد في الموضوع بسرعة


(Bassoom) #75

طب جرب اللينكات دى:

http://imarine.mit.edu/ilearn/Marine-engineering%20courses/13.412/Seakeeping/Ship_Motions_Mod/strip_theory.html

http://oe.mit.edu/flowlab/NewmanBook/Milgram.pdf

هوا ده اللى بتسأل عنه ؟


(elsabil) #76

شكرا اريد الموضوع بالفرنسية لا افهم الانجليزية


(Bassoom) #77

و انا ماليش فى الفرنساوى


(elsabil) #78

اريد برنامج يحسب حركات السفينة الستة


(البحر الملتهب) #79

بصرا حة أنا سهيدة جدا لوجود منتدى خاص بالهندسة البحرية و أنا سنة أولي لسا أرجو الحديث بشكل عام عن مستقبلها أعني الهندسة البحرية و كيفية فرص عملها و هل لها علاقة بالغواصات أيضا أم لا ؟؟


(Bassoom) #80

بصرا حة أنا سهيدة جدا لوجود منتدى خاص بالهندسة البحرية و أنا سنة أولي لسا أرجو الحديث بشكل عام عن مستقبلها أعني الهندسة البحرية و كيفية فرص عملها و هل لها علاقة بالغواصات أيضا أم لا ؟؟

ده الرد على أسئلتك…و الهندسة البحرية مستقبلها كتير و فروعها أكتر
و طبعا ليها علاقة بالغواصات…لو إنتى فى جامعة إسكندرية…حتلاقى مشروع تخرج عن الغواصات سنة 2005
فى الحقيقة الهندسة البحرية ليها علاقة بأى حاجة بتعوم فى المية

و من مزايا الهندسة البحرية…إن اللى بيتخرج منها ممكن يشتغل فى مجالات تانية غيرها لأنه درس عن كل حاجة فى الهندسة تقريبا

درس كهربا و مدنى و كمبيوتر و ميكانيكا

نتمنى لكى دراسة سعيدة فى قسم الهندسة البحرية