طبعا اول ما الواحد بيلتحق بكليه الهندسة وانت معرض ان اى حد يسالك مثلا ان عند سقف البيت عنده مساحته كذا*كذا وعاوز يعرف هايتكلف كام طن حديد وكام مون
ولان احنا لسه مش نزلنا مواقع بما فيه الكفايه ان ناخد الخبره دى فبنطلب من الاخوه المهندسين الخبره انهم يفيدونوا فى الموضوع ده وياريت يكون بمثال
وشكرا
حد رد عليك طبعا لا مش كده ههههههههههههههههههه انا بضم صوتي لصوتك وبقولهم جاوبوه لو سمحتو لاني عندي نفس سؤاله
اقوللك قدرها بعنيك وانت ونصيبك جت صح غلط مش مهم ماحنا لازم نغلط في الاول ولا اول مانتخرج يعني هانكون بيرفد لاطبعا لسه هانغلط ونتعلم وبعدين يجو ناس نعلمهم وهاتبقي برفد ان شاء الله ماتقلقش يعني مثلا لو عندك بيت 100متر مربع قول لصاحبه ياخد 3طن حديد في السقف ونصف طن كانات ده طبعا تقدير وهمي انا بالف يعني ماعرفش الصح ايه اقوللك ماتاخدش علي كلامي واسال حد متخصص هههههههههههههههههه
من وجهة نظري كل الناس تخطا الا المهندسين حرام تخطا لان خاهم بيكلف كثير ارواح
بص يا باشمهندس
انت بتقسم الموضوع لجزئين
اولا المنشا نفسه و ثانيا الاساسات
للمنشا انت بتضرب مساحة الدور * 0.25 سم لو اسقف و كمرات و بتضربها في 0.30 سم لو فلات سلاب
و الرقم اللي بيطلع ده بيبقى تقريبي لكمية الامتار المكعبة الخرسانات في المنشا نفسه و بتحسب لكل متر مكعب حوالي 100 كجم حديد و كل متر حوالي 7 شكاير اسمنت و 0.5 متر رمل و متر سن او زلط و مصنعيات المتر بتبقى على حسب المكان اللى فيه المنشأ و على حسب في الدور الكام و طبعا ما تنساش تضرب في عدد الادوار
و بالنسبة للاساسات فدي بتتوقف على حسب عدد الادوار و المساحات و كذا حاجة
بس برضه تقريبا كل دور بيتحسبله 10 سم في سمك اللبشة يعني عمارة عشر ادوار يبقى اللبشة بتاعتها 100 سم
و ممكن كده تحسب برضه الامتار المكعبة بتاعتك و الحديد برضه في اللبشة بيبقى حوالي 100 كجم في المتر المكعب
بس لو بيت صغير يعني مثلا ست ادوار فاقل مالهاش لازمة اللبشة و خصوصا لو كانت مساحته كبيرة
اتمنى اني اكون قدرت اوصلك اللى انت محتاجه
أخوك أحمد الشاعر
إعجاب واحد (1)