كـــــــــــــرسى الاعتراف

بسم الله الرحمن الرحيم

السلام عليكم ورحمة الله وبركاته
اخوانى واخواتى الاعضاء والمشرفين بالمنتدى او فى بيتنا الجميل وعندى فكرة اتمنى ان تعجبكم ونبدأ بأحد من اخوانى الاعضاء أو المشرفين وهو كرسى الاعتراف وليس المقصود به أعوز بالله ان نكون مثل النصارى ولكن هو طريقة بسيطه ليشارك فيها كل اخوانى واتمنى ان تشاركونى موافقين ام لا.

[](http://www.almohandes.org/vb/uploaded4/6076_01305835149.png)

موافقين وانت أول واحد
هيه هيه هيه
خلاص يا هندسة إنت بقيت أول واحد
يالا يا شباب بسرعة كله يخش ويقول عبد الظاهر عبد الظاهر عبد الظاهر

ايه يا ابو انس هو الا بنعمله فى الناس يطلع علينا لا يا عم انا مش موافق

موافقين وم. عبد الظاهر اول واحد اول واحد

عبد الظاهر

لا علشان تكون صح نبدأ بواحد قديم مدير المنتدى وهو أحـــــــــــــــــــــمد الديب

قولوا معايا يا جماعة أحـــــــــــــــــمد الديب

يا عبد الظاهر احنا قولنا خلاص اسمك
لو سمحت اتفضل اقعد على الكرسى بهدوء علشان نبدا الاسئلة
والا هنفضل فى الموضوع نقول فلان ويقولك لا فلان

صح الكلام يلا بقي اقعد واللى بعدك م.احمد

ياريت والله ولكن للاسف انا راجع للوطن الاسبوع القادم وسيندر دخولي للمنتدى.
اعتقد ان المهندسة منار ستكون بعد المهندس عبد الظاهر
يالا يا جماعة الكل يقول المهندسة منار فى الرد القادم

ايه منار مين لا مش هلعب خلاااااااااااااص هوه م.عبد الظاهر وبعدين انت وبعدين اخونا ابو انس واى حد تانى وبعدين هوه اللى يرجع بلده يقل دخوله على النت دانتا حتى هتشهد حياة الامن والامان اللى احنا عيشنا ياااااااه وصور القائد الثورى مرتضي منصور فى كل مكان واهى فرصة برده تشوف النصب التذكارى لموقعه الجمل ياااااااااااه
وقد ايه الناس عايشة جواها الثورة
يا حبيبتى يا مصر

طبعا انا عجبانى الفكرة جدا جدا ومعنديش مانع وبهظر ودى مش لعبه بس احب اخوتنا الاقدم والاكثر خبرة واهمية منى يكون دورهم التالى وخلونا احنا بعدين

القائمة النهائية لضيوف كرسي الأعتراف
1- مهندس عبد الظاهر
2- مهندسة منار
3- ابو أنس
4- احمد الديب

مش هينفع يا جماعة خلينى بعد منار

اييييييييييييييييييييييييه انتوا بتهظروا منار مين انا الاخير الرجال قوامون على النساء
فين ابوانس احسمها

يعنى ابوانس الاول وبعدين احمد بعدين منار

طيب خلاص أنا شايف إن اختيار أحمد وترتيبه هو الأفضل
ي\لأنه مرتبط بالأقدمية في المنتدى، بس نظراً لظروفه هنخليه آخر واحد في الدفعة الولى، بس أنا بس عاوز أضيف للمجموعة الحالية مشرفنا سارة وتكون يا بعد يا قبل منار حسب ترتيبها في المنتدى على فكرة يا منار انت أقدم مني في المنتدى بكام يوم والاحترام واجب برده، بس لازم نشوف سارة تاريخ تسجيلها امتى ونعيد لتتيب بناءً على الكلام ده

ومن هنا ولما يجي دوري أكون نزلت مصر أنا كمان وهاطلب من عبد الظاهر إنه يقعد تاني بالنيابة عني ، معلش يا عبد الظاهر لزوم الأخوة، الله يعينك والله صعبان لي بس معلش هي دي الأخوة، سلمات يا صاحبي

عبد الظاهر خلصنا بى إنت هاتقعد على الكرسي ولا أزقك عليه غصب عنك

زوقه ,عشان نبدا

القائمة النهائية لضيوف كرسي الأعتراف
1- مهندس عبد الظاهر
2- مهندسة منار
3- مهندسة سارة
4- ابو أنس
5- احمد الديب

وكل واحد هيعد على الكرسى اسبوع
يالا يا عبد الظاهر اتفضل اعمل موضوع جديد علشان فترة جلوسك على الكرسى بدات النهاردة الجمعة وهتتنتهى الجمعة القادمة.