نصيحة لمهندس محتار

أخوكم قسم كهرباء… حاسبات ونظم…

محتار جدا…

مش عارف أتخصص إيه … شبكات ولا تحكم …

بصراحة البرمجة إخونا بتوع علوم الحاسب أحسن مننا بمراحل…

ياريت نصيحة لوجه الله خالصة…

وياريت يكون حد يقولنا الظروف إيه لو دوست فى التحكم … يعنى الشغل متوافر ولا لأ…

وياريت كمان يكون الشغل البره (فى الأمارات أو السعودية أو قطر…)

أما بالنسبة للشبكات فأنا أسمع إن شغلها حلو لكنه نادر…

وياريت كمان النصيحة لو حبيت أعمل ددكتوراه…

وكمان معلش… دكاترة التحكم فى جامعات عين شمس والقاهرة …( ما عد الأزهر لأنى فيها أصلا)
حلوين ولا لا أصلهم عندنا زى الزفت…

بص يا باشا الكهرباء بصفة عامة لا يوجد فيها تخصص أثناء الدراسة يعنى فى الكلية بتاخد كل حاجة ليها علاقة بالكهرباء
بس مجالات العمل كتير مثلا عندك
1-Distribution
2-Automation and Control
3-Technical and Sales
وكل المجالات مترابطة و بتكمل بعضها و لو عايز تعمل دكتوراة يبقى مش فى مصر لأنها هتكون تضييع وقت و خلاص لأن معظم الدكاترة فى مصر بيخافوا حد يطلع أحسن منهم ف بيطلعوا عينه أثناء الدراسة وحتى الدراسات العليا