16 سؤال خاص بمعهد هندسه طيران

بسم الله الرحمن الرحيم

السلام عليكم يا اخوانى الكرام

انا كنت عايز اسالكم شوية اسئلة كده عن هندسة طيران وياريت كله يشارك فى الموضوع

اول حاجة انا ضاعت منى هندسة عامة على نصف درجة او درجة تقريبا وماليش مزاج اخش حاسبات والكلام ده

ففكرت بقى فى الكليات الخاصة

لقيت ان اول كلية خاصة جنبى فيها اتصالات والكترونيات ومدنى ومعمارى بس انا مش عايز حاجة من الحاجات دى ومالقيتش نووى خاص ففكرت بقى اخش هندسة طيران فياريت الى يعرف يجاوبنى على الاسئلة يجاوبنى بس ياريت محدش يبخل علينا بمعلومات

1_ اول حاجة مصاريف هندسة طيران اد ايه وهل المصاريف ثابتة كل السنين ؟
2_انا عايز اخش قسم تصليح طيارات او تركيبها مش هندسة مدنى مطار او الحاجات دى هل ده موجود؟
3_عايز اعرف ينفع اخد سنة اعدادى من اى كلية خاصة مثلا رخيصة فى المصاريف واحول تانى سنة فى هندسة الطيران؟
4_الدراسة فيها صعبة ولا متوسطة وبتعتمد على الحفظ ولا الفكر وعملى ولا نظرى؟
5_عايز اعرف ليه زى ما الناس بتقول ان مستقبل الكليات الخاصة فى الطيران افضل من العام فى مصر؟
6_الشغل محتاج واسطة ولا ايه ؟ وايه نوع الواسطة هل واسطة من عضو مثلا فى مجلس الشعب؟
7_اكتر قسم بيشتغل هو ايه؟
8_عايز اعرف ليه الشغل بتاع الطيران مش متاح اوى اوى زى البترول على الرغم انهم نفس العدد تقريبا ؟
9_ينفع لو خدت هنسة طيران_ ولا قدر الله_ مالقيتش شغل اشتغل فى اى محطة كهرباء وعندى فيها واسطة جامدة؟
10_الكلية من جوه نضيفة ولا تعبانة؟
11_هل فيها مدينة جامعية وهل هى نضيفة ولا تعبانة؟
12_الاجهزة فيها نضيفة ولا تعبانة؟
13_ايه البيزك ده و ايه فايدته وماهو التقدير اللازم لاخذه و تمنه كام لو حبيت اخذه على حسابى ؟
14_ايه هى كل الكورسات والمؤهلات اللازمة الى تخلي اى طالب مؤهل لاى وظيفة فى الطيران او فى هندسة طيران بالتحديد؟
15_كنت عايز اسال عن الفرص المتاحة فى الخارج؟
16_ياريت موقع المعهد على الانترنت ورقم تليفونه ( لو فيه ) ؟
17_لو فيه حاجة حد عايز يضيفها يقول ومايبخلش علينا

اسف انا عارف انى طولت عليكم بس هى دى كل الاسئلة الي كل الطلبة الي عايزين يدخلوا هندسة طيران عايزين يعرفوها.

شكرا على وقتكم

بص يا باشا انا محمد حلمى داخل 3 طيران ده اولا

بالنسبة للشغل بعد التخرج دى حاجة بتاعة ربنا ولازم تبقى واثق فى الله اولا

اما بالنسبة للدراسة فهى دراسة جاده جدا وعايزاك تكون بتذاكر او باول

بالنسبة للاقسام (طيران-اتصلات-ميكانيكا باور-كهربة باور- عمارة -مدنى)

علشان تدخل قسم طيران لازم تجيب جيد جدا فى اعدادى ودى سهلة لو بتذاكر اول باول0000

موقع الكلية www.eaaegypt.com
اما بالنسبة لرقم التليفون0233505425-0233505434

اما بالنسبة للبيزك فده خاص بقسم طيران وايضا اتصالات بس اسمه افيونكس وده لازم الواحد ياخده علشا يبقى مهندس طيران غير كدة هيبقى مهندس ميكانيكا وده على حساب المعهد اما بالتسبة للى جاى من بره بتبقى على حسابه وشكرا على استماعك

شكرا على مشاركتك اخى الفاضل وعلى هذه المعلومات الرائعة

ولكن اتمنى من باقى الاعضاء انهم يشاركوا ويجاوبوا على بقية الاسئلة الى ناقصة

واتمنى من الطيار المنوفى انه يشارك معانا

_ اول حاجة مصاريف هندسة طيران اد ايه وهل المصاريف ثابتة كل السنين حوالي

لا مش ثابته بتزيد 10% كل سنه وهيا حوالي 10.000 في السنه

_انا عايز اخش قسم تصليح طيارات او تركيبها مش هندسة مدنى مطار او الحاجات دى هل ده موجود؟


هوا ده القسم بتاع ميكانيكا طيران

3_عايز اعرف ينفع اخد سنة اعدادى من اى كلية خاصة مثلا رخيصة فى المصاريف واحول تانى سنة فى هندسة الطيران؟


في الكليات الخاصه اه بس في كليتنا لا

_الدراسة فيها صعبة ولا متوسطة وبتعتمد على الحفظ ولا الفكر وعملى ولا نظرى؟

صعبه جدا جدا وتعتمد على الفهم والحفظ وعملي ونظري

5_عايز اعرف ليه زى ما الناس بتقول ان مستقبل الكليات الخاصة فى الطيران افضل من العام فى مصر؟

عشان الي بيدخل الخاصه هوا الي معاه فلوس واهلهم معاهم وسايط تشغلهم والفقرا يروحوا الكليات الحكوميه وملهمش واسطه عشان من غير فلوس

6_الشغل محتاج واسطة ولا ايه ؟ وايه نوع الواسطة هل واسطة من عضو مثلا فى مجلس الشعب؟


المجموع العالي بيشغلوه انما العادي بيحتاج احيانا وواسطه واحد شغال في المجال مش عضومجلس الشعب


8_عايز اعرف ليه الشغل بتاع الطيران مش متاح اوى اوى زى البترول على الرغم انهم نفس العدد تقريبا ؟

البترول مليان في الارض والابار كتير اوي في الوطن العربي انما الطيران فبيحتاج وسطه لاغير وشغله مليان برضه

9_ينفع لو خدت هنسة طيران_ ولا قدر الله_ مالقيتش شغل اشتغل فى اى محطة كهرباء وعندى فيها واسطة جامدة؟


متلقيش دي مستحيله اما الكهرباء فانت مهندس ميكانيكي في الاصل لاكن مش كهرباء

11_هل فيها مدينة جامعية وهل هى نضيفة ولا تعبانة؟


تعبانه صراحتا ومدينيتها مش حلوه خالص

12_الاجهزة فيها نضيفة ولا تعبانة؟

متوسطه

13_ايه البيزك ده و ايه فايدته وماهو التقدير اللازم لاخذه و تمنه كام لو حبيت اخذه على حسابى ؟

البزك ده من غيره كانك دخلت هندسه ميكانيكه وخلاص انما ده هوا الي بيميزك عشان تبقى طيران
وكان زمان اي مهندس ميكانيكي يقدر ياخد البيزيك ويبقى طيران بس القرار ده اتلغا خالص

من غير تقدير المهم توصل ل 3

ثمنه حوالي 10.000 جنيه مصري


14_ايه هى كل الكورسات والمؤهلات اللازمة الى تخلي اى طالب مؤهل لاى وظيفة فى الطيران او فى هندسة طيران بالتحديد؟


البيزيك وياريت التوفل وتخلص الكليه
[COLOR=red]

[/color]



15_كنت عايز اسال عن الفرص المتاحة فى الخارج؟

كتير جدا جدا بس محتاج طلاقه في الانجليزيه

هى هندسة اللشروق احسن ولا الطيران وليه؟

:a19:

من

هاى

:a27:

شوف أنا اد الي درست فيه نسبتهم ثابته

http://www.aviationaustralia.aero/

تقدر تشوف موقعهم الحين أكثر الطلب على الميكانيكي الكهريائي يعني شهادتين مع بعض

Avionics and mechanic

بس لأن الكورسين فيهم مواد متشابه فتدرس الكورس بمستوى اعلى و تختصر المشوار

طيب هل هندسه طيران القاهره بتدي البيزك دا ولا لا ياجماعه وهل ليهم تعينات بصراحه انا داخل التنسيق والواحد خايف جدا يدخل ويتيهدل وفي الاخر يطلع يقعد في الشارع وهل كمان هندسه طيران القاهره فيها عملي ولو مفيهاش اقدر اخد العملي في امبابه عندكوا ؟

انا عوز اعرف انا لو جايب 65 % ومعهد الطيران مجموع حاجة و 80 ممكن ادفع فلوس اكتر واخش فى اول سنة ولا اعمل ايه واروح فين بس نفسى اخش مدنى ياريت الافادة الكاملة ارجوكم

قسم هندسة الطيران من اكثر الاقسام عمومية من حيث المناهج حيث انك جتدرس كيمياء وميكانيكا وكهرباء والاهم انك حتدرس علوم الطيران .