مناقشة عن الجديد في SolidWorks 2012


(LoveSolidWorks) #1

اعزائي اعضاء منتدى المهندس

فكرت احط موضوع جديد
ومتهيألي ما فيش موضوع جديد يستحق أكثر من SolidWorks What’s New 2012
بس احنا عايزين نتكلم عن الجديد بشكل مختلف
وخصوصا اني شايف في المنتدى عقليات هندسية متميزة ومبهرة

ايه رأيكم لو ارفع لكم موضوع من الموضوعات الجديدة عن SolidWorks 2012
بس عايزين ما نخدش الفيديو ونتفرج عليه بشكل عادي
لأ، يكون فيه عن كل فيديو Brain Storming

يا ترى المادة المقدمة في الفيديو هي فعلا جديدة
طيب وهو قبل 2012 كانت الناس بتعمل ايه
وايه الفوائد الحقيقية من التجديد
ويا ترى علشان الفايدة الموضوع يستحق اننا نشتغل على 2012

عايزين ندرس كل فيديو دراسة مستفيضة وممكن كمان نطلع منو افكار ويمكن مشاريع

ايه رأيكم


(LoveSolidWorks) #2

[CENTER]أول فيديو أنا رفعتو على اللينك ده

//youtu.be/http://www.youtube.com/watch?v=uMEN3EyEavE

اسم الفيديو Exploded Views for Multibody Parts
للاسف انا ماعرفش اترجم الاسم ده بالعربي
يا ريت الاخ الجليل عزام يساعدنا في الموضوع ده
ممكن تتفرجو على الفيديو
بالنسبالي انا مقسم الفيدو لجزئين مهمين
وبعتبر ان الجزء التاني اهم من الجزء الاول

ولسا مستني رأيكم
ومش عايز اسمع ان الفيديو حلو وجميل
انا عايز اعرف المادة اللي في الفيدو مفيدة فعلا؟
وايه وجه الاستفادة ؟[/center]


(AZZAM GHOST) #3

يا سلام عليك ياهندسة إحنا فعلاً عاوزين نعصر دماغنا
جزاك الله كل خير
وربنا مايحرمناش من علمك ومعرفتك


(LoveSolidWorks) #4

الله يخليك يا بشمهندس عزام يا رافع معنوياتي

خليني اديكم فكرتي البسيطة مثلا عن الجزء الأول من الفيديو وهو Exploded View in Multibody
كتير مننا بيستخدم الـ Mold مثلا
وطبعا عارفين ان Mold ما هو إلا نموذج لاستخدام MultiBody
بس قبل 2012 لما كنا بنحب نحرك القوالب بعد تشكيلها كنا بنستخدم فيتشر MoveCopy Body
الحقيقة الفيتشر دي كانت بتحرك جسم القالب حركة حقيقية مش مجرد View

النهاردة مع استخدام Exploded View مش محتاجين نعمل اي فيتشر علشان نحرك بيها القالب

وماذا أيضا؟


(LoveSolidWorks) #5

احنا لسا بنتكلم عن الجزء الأول من الفيديو
انا شايف ان فيه بعض القصور
هو للاسف لما ذكر كلمة MultiBody لم يحدد اي نوع من الـ Body هل هو Solid أم Surface
يا ترى فيه حد سأل نفسو السؤال ده
هو ينفع اعمل Exploded View لجزء مرسوم فيه عدة سطوح Surface ؟

مستني مشاركتم يا شباب
يا ريت نتكلم مع بعض بصوت عالي علشان كلنا نستفيد


(محمد الألماني) #6

جزاك الله خيرا اخي معتز

لكن اين الفيديو


(yamen syr) #7

أخي شكراُ لك على الموضوع لكن رابط تحميل الفيديو لا يعمل


(AZZAM GHOST) #8

أنا سبب الخطأ أخي محمد تم وضع رابط الفيديو


(LoveSolidWorks) #9

معلش المهندس عزام بيضبط اللينك
شد حيلك يا أخ عزام الناس بدأت عايزة تشارك ومش لاقية الفيديو
انا جربت اللينك برضو مش شغال

ربنا يبعتك لينا بالسلامة يا عزوووووووو


(AZZAM GHOST) #10

تم التعديل ورابط الفيديو شغال
أنا آسف على التأخير


(LoveSolidWorks) #11

والله بطل يا اخ عزام
شكرا جزيلا

يلا يا جماعة مالكوش حجة
مستني الأفكار الجبارة


(أبو أنس المصري) #12

معلش أنا لي طلب، لأن النت عطلان عندي في البيت (طبعاً المهندس معتز مش هايتخيل يعني آيه النت عطلان، بس معلش هو كده في السعودية النت بيعطل) وأتابعكم من الشغل فقط، ممكن تستخدموا موقع رفع آخر وليكن فورشيرد أو سكاي دريف بتاع الهوتميل علشان أنا لي أسبوع في وادي وانتم في وادي بسبب إني من أسبوع مش عارف أحمل ولا ملف.


(أبو أنس المصري) #13

أذكر الشباب المشاركين في الموضوع، أن مثل هذه المواضيع يفضل دائماً أن نتذكر أن نضغط على أيقونة “رشحني” الموجودة في أول مشاركة في الموضوع لكي يتم نشر الموضوع في قائمة المواضيع المرشحة للقراءة وتعم الفائدة ويتأكد صدارة وزعامة منتدى السوليدووركس لجميع منتديات المهندس إن شاء الله.


(AZZAM GHOST) #14

طيب ايه رأيك بالميديا فاير
أو نخليها على موقع رفع الملفات بتاع هذا المنتدى بس هو بياخد لحد كام حجم


(LoveSolidWorks) #15

متخيل يا ابو انس واللهي ربنا معاك
متهيألي الأخ عزام برضو هو اللي هيساعدنا في موضوع الرفع ده
المهم الناس اللي شافت الفيديو ما شوفناش منهم اي تعليقات

كانت نهاية الموضوع عبارة عن سؤال
لو سوليد ووركس 2012 يعمل Exploded View For Multibody SOLID ONLY
طيب هانعمل ايه لو عندنا Multibody surface
انا شايف ان ده تحديث جديد المفروض ان سوليد ووركس يضيفوه في 2013

وكمان لسا مستني منكم مناقستكم عن الفيديو
لسا فيه عندي مواضيع كتير عايز اضيفها بخصوص الفيديو ده
بس لم اسمع منكم الأول


(AZZAM GHOST) #16

ولو إنك عارف كل حاجة وبتتواضع بس تكرم عينك رايح ساعدك

Exploded Views for Multibody Parts
تعني عرض تفكيك الأجزاء للمجسمات فقط

والهدف من هذه الأداة إعداد فيديو يظهر لنا أجزاء تصميمنا التجميعي وهي تتفكك
لنناقشها مع مديرنا بالعمل أو مع العميل … إلخ

الآن
الجديد بالفيديو الذي رفعه لنا الأستاذ معتز إن الإصدار 2012
أصبح يفكك الأجزاء حتى بالملفات الإفرادية أي البارتات (Parts)
بينما الإصدارات السابقة لايمكنها عمل هذا الشيء إلا بالملفات التجميعية أسسيمبلي (Assembly)


(AZZAM GHOST) #17

فعلاً هذه الأداة بعد أن أصبحت بإصدار 2012 ضمن ملفات البارتات أيضاً
سهلت علينا عمليات كتيرة فهي الآن ليست مجرد عرض بل تضيف الحركات التي نفذناها من خلالها على شجرة العمل وتجعلها فيتشر ثري هذا الأمر يجعل العمل على السوليد أكثر سهولة وسرعة


(AZZAM GHOST) #18

هل أفهم من كلامك يا أستاذ معتز أننا لايمكننا إستخدام هذه الأداة
إلا مع الفيتشر المعمول بإستخدام الإكسترود أو الشيت ميتال أو الوليدمينتس
غريب بس السيرفس لاء
يعني لو أصبحت تتعامل حتى مع الأسطح يبقى الأمر رهيب


(أبو أنس المصري) #19

أنا أود تسجيل رأيي في أنه قد لا يكون هناك داع لتفكيك جزء مكون من أسطح، لأن الأسطح وإن كان البرنامج (جدعنه منه) يجعل كل سطح وكأنه جسم من فصل إلا أن الحقيقة أن الجسم كله شئ واحد، يعني مثلاً لو تخيلنا إننا واحنا بنبني جزء على السوليدووركس واستخدمنا ثلاثة أوامر متتالية وكنا نختار مع كل أمر merge ومع ذلك (مثلاً) البرنامج لا يزال يحتفظ في شجرته بأن كل جزء منهم وكأنه جسم منفصل لسهولة التعامل (مثلاً) فهذا لا يعني أننا بحاجة لتفكيكه.

مش عارف كلامي واضح ولا لأ، بس بصورة تانية لو افترضنا إن خاصية merge موجودة في الأسطح هل كنا سنستخدمها أم لا؟


(أبو أنس المصري) #20

أنا عرفت آيش المشكلة، المشكلة إن امتدام .rar عندنا في الشركة محظور، يا ريت تبقى ترفع الملفات مضغوطة على zib بدلاً من rar أو لو تفضل استخدام الرار ما فيش مشكلة بس بعد ما تضغط الملف خليه أعد تسميته مثلاً بإضافة x فيصبح rarx وبعد ما نحمله نحذف احنا x الزيادة ويفتح معانا. معلش تاعبكم معاياً بس إن شاء الله موضوع النت أشوف له حل هذا الشهر إن شاء الله.