دورة أوتوهيدرو-الحلقة الثانية


(Bassoom) #1

فى المرة اللى فاتت إتكلمنا عن بدن السفينة Ship Hull و طريقة تمثيله عن طريقة لوحة خطوط السفينة Ship Lines Plan و جدول المسافات Table of Offsets

فى الحقيقة كنت ناوى يكون فيه حلقة مقدمة كمان…لكن بناءا على طلب الجماهير حندخل فى البرنامج على طوووول…
و لو في النص لو فيه معلومة إحتاجناها…يبقى ممكن نشرحها فى وقتها

إستخدامات أوتوهيدرو:
نتكلم فى البداية عن إستخدامات البرنامج و إزاى نقدر نستفيد منه بأقصى صورة ممكنة…
البرنامج ممكن تعمل بيه الآتى:
حساب سعة التانكات Tank capacities
الحسابات الهيدروستاتيكية Hydrostatics
المنحنيات المتقاطعة crosscurves
حسابات الإتزان العادية Intact Stability
حسابات الإتزان فى حالة تضرر السفينة Damage Stability
حسابات الإتزان فى حالة تضرر السفينة بطريقة IMO probabilistic

البرنامج ينقسم إلى قسمين رئيسيين :

1- Model Maker
فى القسم ده من البرنامج نقوم بعمل نموذج كامل للسفينة يتضمن بدن السفينة و خزانات السفينة و عنابر البضاعة بالإضافة إلى المنشئات العلوية Superstructures .

تعتبر هذة المرحلة هيا المرحلة الرئيسية فى الحسابات…حيث بناءا على دقتها تعتمد كل الحسابات

لازم النموذج اللى بيتعمل فى Model Maker يكون أقرب ما يمكن من السفينة الحقيقية…من ناحية المساحات و خطوط السفينة و سعة الخزانات

فى Model Maker يتم تحديد الأجزاء التى تشارك فى حسابات الطفو…و الأجزاء الأخرى التى تشارك فى حسابات الرياح Wind
و يتم تحديد نوع المادة الموجودة فى كل خزان…

و يتم حفظ كل هذة المعلومات فى ملف من نوع GF (Geometry File)
و هو الملف الذى يتم فتحه فى أوتوهيدرو للقيام بالحسابات

مشكلة موديل ميكر (النسخة اللى حنشتغل بيها على الأقل) إن مساقط المركب مش واضحة…
و ما ينفعش تشوفهم كلهم فى نفس الوقت…

ده اللى يخلينا نستخدم برنامج مساعد إسمه Dead Weight
البرنامج ده بيتيح لنا إننا نشوف الموديل بتاعنا فى صورة أوضح و بطريقة أحسن

ممكن تحملوه من www.deadweight.com

2- AutoHydro

و ده القسم من البرنامج اللى بيتم فيه عمل الحسابات
فى الأول بتفتح الملف اللى إتعمل فى Model Maker
بعدين بتحدد حالة السفينة Condition من حيث التحميل (الحمولة القصوى و لا جزء منها و لا من غير حمولة خالص light ship)
و ممكن تحدد الخزانات فاضية و لا مليانة أو محملة كام بالظبط…

[SIZE=3][COLOR=#000000][FONT=Times New Roman]و ممكن كمان نحدد حالة الأمواج و سرعة الرياح

[/font][/color][/size]بعدين بنخلى البرنامج يحسب الحسابات المطلوبة
و بعدين بنخزن النتائج فى ملف.

__________________________________________________
طريقة إستخدام البرنامج:

فى موديل ميكر أو أوتوهيدرو فيه طريقتين للأستخدام

1- طريقة الأوامر:
و فيها بتكتب أوامر معينة أو بيسموها كود…إنتا بتكتبه فبينفذلك الخاصية اللى إنتا عايزها من البرنامج

الطريقة دى ليها مزايا كتير حتبان و إحنا بنتعلم مع بعض…
لكن كفاية إنك تعرف إن دى طريقة المحترفين
عيبها الوحيد…إنك لازم تكون حافظ الكود علشان تستخدمها

2- طريقة القوائم و الأيقونات:

فى الطريقة دى بتستخدم الماوس فى إنك تختار الأوامر مباشرة من مجموعة قوائم و أيقونات
طبعا الطريقة دى أسهل

فى الموديل ميكر ممكن تستخدم الكريقة الأولى بس أو التانية بس أو ممكن تستخدم الأتنين مع بعض
لكن فى أوتوهيدرو ما ينفعش تستخدم الطريقة التانية بس من غير ما تستخدم طريقة الأوامر…لأن مش كل الأوامر موجودة فى القوائم بتاعة البرنامج.
ممكن تستخدم الأتنين مع بعض أو تستخدم طريقة الأوامر بس .

كفاية عليكوا كدة المرة دى…
و نكمل المرة الجاية…
ما تنسوش تدعولى


(XMIXX) #2

ربنا يباركلك يارب يابسوم ياعسل ياللي ديما مظبطنا

بس ربنا يخليك متتاخرش في الحلقة اللي جاية
لاني تايه مع نفسي في البرنامج عشان هستخدمة في السيمينار


(Bassoom) #3

ربنا يسهل يا xmix

طب انا عايز تفاعل بقى و أسئلة تفصيلية

انا عدلت فى الموضوع شوية و حطيت صور جديدة :sm244:


(XMIXX) #4

تسلم ياجميل واحنا في مرحلة التنفيذ ومتقلقش
انشاء الله هتتفرم اسئلة
ههههههه


(أمير البحر) #5

مشكور يا غالي يا أحلى بسوم


(system) #6

جزاك الله خيرا يا اخي بسام و ان شاء اله كله في ميزان حسناتك…:slight_smile:


(system) #7

بسوم باشا ياريت لو مفيهاش غلاسه انا كنت عايز شرح ازاي ارسم الtable offsite بس بالتفصيل …بارك الله فيك


(Navy) #8

[CENTER]
شكرا بسوم شوف كل منروح نجد مواضيعك الجميله

AND I HAVE ONE SMALL Q

HOW CAN I CALCUL TH SHIP
FLODABLE LENGTH
USING AUTO HYDRO

THANK YOU V BASSOOOM-[/center]


(kootla) #9

الله تمام اوي و احنا متابعين معاك بس يا ريت الكم يكون كتير شويه و التفاصيل ادق


(kootla) #10

جزاك الله عنا خيرا يا رب
اللهم اهدنا و اهد بنا
(((لا اله الا الله وحده لا شريك له له الملك و له الحمد يحيي ويميت و هو علي كل شئ قدير)))


(system) #11

الله يبارك فيك الحقنا بالحلقةالثانيه


(system) #12

جزاك الله خيرا


(system) #13

جزاكم الله عنا كل خير


(mohammed mokhtar) #14

merccccccciiiiiiiiiiiiiiiiiiiiiii keteer basom


(seamanhn) #15

مشكور اخي على جهودك بارك الله فيك بس احب اعرف هل يوجد help لهذا البرنامج مثل باقي البرامج واين اجده؟


(seamanhn) #16

اكوله بالعراقي رحمة الله عله والديك عله هذا الموضوع الحلو بس احب اعرف الجزء الاول وين؟


(محمد حمدى ناصف) #17

[CENTER][SIZE=+0][CENTER][SIZE=+0][CENTER][SIZE=+0][CENTER][SIZE=+0][CENTER][SIZE=+0][CENTER][SIZE=+0][CENTER]

[/center]
[/size][/center]
[/size][/center]
[/size][/center]
[/size][/center]

شكرى تقديرى [/size][/center]
[/size][/center]


#18