نصيحه الي جميع طلبه المعهد من معيد سابق


(ahmed_kh) #1

بسم الله الرحمن الرحيم
الي جميع طلبه المعهد نصيحه هامه من معيد سابق:

1-ياريت بلاش الأعتماد الكلي علي محاضرات الساده الأساتذة واجعل المرجع المتفق عليه مع الدكتور هو الاساس … صحيح ان الكتب تعطيك انطباع سيئ بسبب الشرح الكثير فيها ولكن بصدق هي الأفضل في توصيل المعلومهولكن بشرط عدم اهمال المحاضره.

2-عدم الخوف من اي تطويل او شرح زائد من الدكتور لأن هذا لايعبر عن شكل الامتحان ولكن للايضاح فقط .

3-عدم الضجر من اي شرح خارج عن الموضوع او الاستفاضه في شرح الدرس لأن هذا يعطي انطباع سيئ عند الدكتور عن الطلبه الجالسين امامه وياريت لغايه كده وبس بل لكل المعهد .
… ولأن الدكتور ده بيدرس لطلبه جامعه القاهرة فهايعمل مقارنة بيننكم وبينهم وطبعا بهذا الاسلوب بيحس الدكتور ان انتم طلبه اي كلام وهذا له مردود سيئ علي اسلوبه فيما بعد.

ومن بعض الدكاتره اللي وصلهم الاحساس ده بالفعل هم:
في قسم طيران :
1-ا.د/جلال بهجات سالم(performance)
2-ا.د/محمد مدبولي عبد الرحمن(aero)
3-ا.د/ادوارد اديب صادق(structure)
4-د/مؤمن(heat energy)
5-ا.د/جمال بيومي (control) وأخرين … للأســـف

* * * * * * * * * *
وسيتم استكمال باقي النصائح في وقت لاحق
مهندس/ احمد.


(الطيار المنوفي) #2

بارك الله فيك ياباش مهندس


(system) #3

مش فاهم يعنى احنا نعمل ايه فى المذاكرة هل نذاكر من المحاضرة وبعدين نفتح الكتاب نقراه ولا اية وبعدين انا فعلا بعانى من شرح الدكتور لكن ده من انه سريع جدا وانا عايز اسئلك اذاكر من المحاضرة بعدين اقرا شويه فى الكتاب ولا اعمل ايه وبعدين انا طالب اعدادى لا فى كتاب فى الفيزياء ولا فى الرياضة اعمل ايه يعنى ارجوا منك الرد ياريت وعلى العموم مشكور على النصيحة الغالية


(ahmed_kh) #4

اخي العزيز المناهج في اعدادي غير باقي السنين التي يتم فيها تحديد تخصصك حيث ان المناهج الدراسيه ذات موضوعات كثيره يعني ممكن تلاقي زميلك في اعدادي في اي جامعه اخري بيدرس بعض الموضوعات لن تتدرسها انت.

ولكن بالنسبه للمعهد انا اعرف ان بعض الدكاتره لا يذكروا المراجع اللي بيحضروا منها اما لفقدان الثقه في الطلبه او لعدم التحميل علي طالب الاعدادي لان خبرته قليله في التعامل مع الكتب.

من وجهه نظري بالنسبه لاعدادي وللمواد التي لم يحدد الدكتور لها مرجع انك تذاكر من المحاضرات اول بأول يعني تذاكرها في نفس اليوم علشان تبقي متابع مع الدكتور وتتخلص من احسساسك ان الشرح سريع وده كافي ان شاء الله.

لو عملت كده في كل المواد( مذاكره المحاضره يوم ما أخذتها) هاتحس انك فاهم اكتر في المحاضره اللي بعدها حــــــاول وشوف الفرق بنفسك عن تجربه.

تمنياتي بالتوفيق والنجاح


(system) #5

ازيك يا باش مهندس احييك على هذه المشاركة ولكن لابد من وجود الثقة بالنفس اكثر من ذلك انا اشعر انك تريد ان تغير شىء لم تعرف تغيره انت فى نفسك ممكن ان نعرف لماذا حضرتك اخترت هذه النصيحة لكى تقولها ومتاسف للاطالة والسلام عليكم ورحمة الله وبركاته


(system) #6

ياريت لو تكتب عنوان الاكادميه وكيفيه دخولها وبتقبل من مجموع كام وايه هى الاختبارات المطلوب اجتيازها زلو كانت بتحتاج وسطه وشكراااااااااا


(ahmed_kh) #7

السلام عليكم ورحمة الله وبركاته
اهلا وسهلا بك اخي الحبيب م/ محمد مكي .
اولا …اتقدم بخالص الاسف لك لتأخير الرد علي رسالتك وذلك بسبب ظروف قهريه منعتني من استخدام الانترنت خلال المده السابقه .
ثانيا … اما بالنسبه لرسالتي( انا فعلا بأوجه هذه النصيحه لنفسي اولا… واحاول جاهدا علي تنفيذها… فالكمال لله وحده) لأني الان اقوم بتحضير الماجستير في جامعه القاهره وانا لازلت اذاكر الي الان واتعامل مع شرح الاساتذه والمحاضرات.
ثالثا … انا اخترت هذه النصيحه من هذا الجانب بالذات لانه وللاسف ده مشكله معهدنا العريق بالمقارنه مع نفس القسم في كليه الهندسه ج القاهره وده انا لمسته بنفسي من اصدقائي في كليه الهندسه جامعه القاهره مما ادي الي ارتفاع مستواهم عن معهدنا .
…اثناء دراستي في المعهد وخصوصا في البكالوريوس انا حسيت الموضوع ده بصوره كبيره وتأثيره علي الدكاتره اللي بيدرسولنا اللي( مش عايز اظلمهم) كانوا تقريبا مرتاحين نفسيا ان مستوانا لا زال ضعيفا بالمقارنه بالجامعه .
… مش عارف وصللك احساسي ولا لأ …انت مش عارف الدكاتره الافاضل دول عملوا ايه علشان معهدنا ميطلعش للنور ومتعترفش بيه التعليم العالي . ولكن مش مهم انا او انت المهم معهد هندسه وتكنولوجيا الطيران … المكان اللي اتخرجنا منه في يوم من الايام وارتبطت به شهادتنا للابد ان يظل موجود ويرتفع مستواه رغم انف اي شخص .
((فهمت انا ليه كتبت هذه النصيحه بالذات …))
اتمني لك التوفيق يا م/محمد …واسف علي الاطاله