رسالة حب من حكومة ... ؟؟؟ !


(harby) #1

رسالة حُب من حكومة لإبنها المواطن … !!!

عزيزى المواطن بتاع النضال
>يا راكب دماغك و غاوى الحلال
>نصيحة يا صاحبى بلاش الخيال
>و غمّض عيونك و ربى العيال
>
>بلاش المناكفة و لايم و عيش
>هتتعب معانا و سهمك يطيش
> نلفق لأهلك قضية حشيش
>
>تصبح حكاية و نكتة و مثال
>
>تعالى و هَاوِدنا و عَدّى الأمور
>و عيش فى الطراوة و خش الطابور
>لكن لو هتزعل و دَمّك يفور
>هتشهد نهايتك في بحر الرمال
>
>هنحلف بإن الحبايب شافوك
>بتقبض يا خاين و تقتل أخوك
>ساعتها مراتك هتلعن أبوك
>و تلطم و تنعى أحط الرجال
>
>
>مالكش انت دعوة بإيه اللى ضاع
>ومين اللى شارى و مين اللى باع
>و مين اللى كَيّل و مين اللى شال
>
>فحب الحكومة و حب السلام
>وعلم ولادك يشدوا الحزام
>علشان بكرة يابا هياكلو الحمام
>و ينسوا الآسية و ينسوا الهزال
>
>فلازم يا صاحبي تغمض عينيك
>و طنش علينا نطنش عليك
> و إياك تشاور هنقطع إيديك
>و تصبح مواطن ما يسواش ريال
>
>عزيزى المواطن بتاع النضال
>يا راكب دماغك و غاوى الحلال
>نصيحة يا صاحبى بلاش الخيال
>و غمض عيونك و رَبى العيال
>
> التوقيع
الحكومة الذكية


[SIZE=5][COLOR=blue]

[/color][/size]