سؤال من اخ صغير لكل طلبه هندسه الطيران بامبابه ياريت كل الناس تدخل تقول اي معلومه عندها


(system) #1

يا جماعه انا دلوقتي طالب في مدرسه فني صناعي نظام الخمس سنوات السنه الاخيره(5) بس انا مدخلتهاش فشل ولا حاجه لا سمح الله انا دخلتها عشان الوصول منها لهندسه اسهل من الثانوي انا كنت جايب في اعدادي 85% مش فاشل اوي يعني و انا كنت عاوز اقدم في المعهد بتاعكم بعد ما اخلص وكنت عاوز اسال حضراتكم شويه اسئله لو مفيهاش رخامه يعني
اولا هو المعهد بياخد من الفني اصلا ولا ضاع حلمي في اني اكون مهندس طيران
ثانيا لو الحلم مضاعش طيب المعهد بياخد كام مجموع من الفني الصناعي ومهمه جدا بياخد مجموع كام ديه
ثالثا هل الفني الصناعي بيبقي ليه نظام مختلف عن الثانوي في الدراسه ولا عادي وبالنسبه للمصاريف كام

معلش انا عارف اني بسال في حجات رخمه و متعبه للحصول عليها معلش انا عارف اني متقل عليكو

وياريت اللي عنده اي معلومه اخري مفيده ميبخلش بيها عليا وياريت اي حد يرد عليا و يقولي اي معلومه عنده وياريت الاخ الطيار المنوفي يرد عليا لو عنده معلومات وشكرا لكل من اهتم بالرد عليا


(الطيار المنوفي) #2

انا تحت امرك هسال في شؤن الطلبه عندنا في المعهد وجبلك الخبر الاكيد باذن الله


(system) #3

الف شكر علي الاهتمام يا سياده :-
( الطياااااااااار الكبيررر)
وبجد انا مش عارف اشكرك ازاي علي سرعه الرد والاهتمام و فعلا هوه ده اهتمام الاخوات


(aviation engineer) #4

السلام عليكم
علي حد معلوماتي يا اخي انه لايقبل الا من نظام ثانوية عامه فقط


(system) #5

:slight_smile:
تفائل خير


(الطيار المنوفي) #6

المعهد بيقبل بس بعد نظام المعادله (مش فاهم ايه هوا) بس حضريتك اتفضل للمعهد في اي وقت وهوا هيقبلك فيه ويقلك تعمل ايه وايه الورق المطلوب وشكرا