مهندسة جديدة

السلام عليكم يا مهندسين ازي احوالكم

عيد مبارك و كل سنة و انتم طيبين بالصحة و العافيا ان شاء لله

انا مها طالبة جديدة حبيت بس استفسر عن حاجة ياريت تفيدوني

حبيت اخش هندسة شبرا قسم الهندسة الطبية بس ماعنديش فكرة عليها

ياريت كل للي عنده اي معلومات عن الكلية دي او القسم ده يفيدني

شكرا ليكم مسبقا

انا شايف ان القسم ده عامل ذي قسم طيران يعني قسم جميل جدا وعدد خريجيينو قليليين بس مقيد اوي يعني لو ماجتلكيش فرصه للشغل هل ليكي فرص في مجالات اخري؟ ربنا يوفقك

انا قريت شوية عن الهندسة الطبية و عجبتني جدا بس بصراحة معنديش فكرة عن ما بعد التخرج عشان كده بستفسر عنه
متشكرة جدا جدا ايجيبت على ردك و اهتمامك

زي ما المهندس ايجيبت قال القسم عدد خريجينه قليلين بس لازم تحاولى تقوى نفسك فى كورسات كهربا تانيه زى الكنترول وplc و scada وكده لان لو مشتغلتيش فيه وانتى مش على درايه بالاقسام التانية هتلاقي نفسك محسورة فى فرص بسيطة قوى ويا تشتغلي يا…ومفيش ناس بتشتغل على طول في اللى بتخصصه ده فى الغالب وعشان كده فى بعض الاماكن زى المعهد العالى للتكنولوجيا تلاقيهم بيدرسوا كورسات كهربا العادية وبعد كدة بيحضروا 3شهور فى هندسة القاهرة ومن هنا بيتخصصوا هندسة طبيه للي عايز فبكده بيكون ليهم فرصتين وربنا يوفقك واهوه في الاخر كله اجتهاد

السلام عليكم

أهلا بيكي مهندسه جديده

أخوكي محمد هندسه العاشر من رمضان قسم الهندسه الطبيه

قسم الهندسه الطبيه دا من الاخر عباره عن قسم كوكتيل

يعني انا دخلت القسم دا بالذات عشان بحب اللالكترونيات والميكانيكا وبحب الطيب برده

يعني القسم دا هتدرسي فيه مواد كتير من كهرباء والالكترونيات
وهتدرسي برجمه كمان وهتدرسي شويه مواد من كيمياء ومواد من ميكانيكا ومواد من طب بسيطه زي البيلوجي والتشريح
وهتدرس شويه مواد لها علاقه باداره المشتشفيات وتنظيمها وتصميمها

في مصر الشغل بقا بيقتصر علي حاجتين

اما في المبيعات دول للناس الخرجين بس مش عايزين يفهمو اي حاجه زيهم زي التجاره بالظبط
وناس تانيه شغالين في الصيانه مع الوكلاء

جهاز طبي يعني وصكيل وجهاز بدون وكيل ملهوش لزمه عشان قطع الغيار

وطبعا في مصر الوكلاء هما المستحوزين علي 80 % من سوق الاجهزه ومحتكرين قطع الغيار

وشكرا وانا جاهز لاي استفسار
Eng_3zeez@yahoo.com

انا بصراحة مش عارفة اقولكم ايه بجد متشكرة جدا

con_eng بشكرك جدا من كل قلبي على كلامك للي اكيد هيفيدني و ربنا يوفقك انت كمان

mazeez متشكرة جدا على التفاصيل للي قلتها و اهتمامك بجد مش عارفة اقولك ايه

و ربنا يجيب للي فيه الخير يارب

مع تمنياتي ليكم جميعا بالنجاح

وعليكم السلام … اختي مهـا

انا طالب جديد وقريت عن هذا التخصص كثير ومن ضمن القرائه استفسرت عن التخصص هو تخصص كثييييير ممتااز وانا انصح اي
طالب او طالب جديده انه يتخصص هذا التخصص … وبالنسبه للجامعه ما عندي خلفيه عنها …ا

وعليكم السلام … اختي مهـا

انا طالب جديد وقريت عن هذا التخصص كثير ومن ضمن القرائه استفسرت عن التخصص هو تخصص كثييييير ممتااز وانا انصح اي
طالب او طالب جديده انه يتخصص هذا التخصص … وبالنسبه للجامعه ما عندي خلفيه عنها …ا