ارجوا المساعدة (استشارة مهمة)


(مشتاقة الي ربي) #1

بسم الله الرحمن الرحيم

انا عضوة جديدة وارجوا منكم المساعدة انا اخذت الثانوية العامة من السعوديه وكانت نسبتي
97% وكان املي وحلمي اني ادخل كلية الطب لاني بحبها بجد وبعدين لما ظهرت النتيجة لاقيت انه جالي هندسة طبعا كانت صدمه كبيره ليا بشكل صعب وانا اصلا مش بحبها خالص ومش عارفة عنها حجه ولا درستها ازاي طيب اعمل ايه حد يقولي الرجاء وان نسبتي كانت تدخلني طب عين شمس لكن انا مش عارفه هم حسبوا ازاي المهم اريد ردا وازاي احبها وهل هي فعلا حلوه وايه القسم الحلوا فيها
وشكرا

#2

السلام عليكم ورحمة الله وبركاته
اولا الف مبروك على دخولك الكلية وظهور النتيجة
واهلا بك فى منتدى المهندس
ثانيا انتى عندك مشكلة كبيرة هى انك دخلتى كلية مبتحبيهاش
وهى اكبر كارثة تواجه المقلبين على كلية الهندسة
فانا لا اريد تعقيدك ولكن هذه الكلية ليست مثل الحقوق والتجارة يمكن لاى حد النجاح فيها بسهولة
لازم تشتغلى كتير وتكونى اصلا بتحبيها
وعلى العموم قدر الله وما شاء فعل
فلازم تنسى انك كنتى عايزة طب وتحبى هندسة وتحطى فى مخك انها الكلية اللى انتى بتحلمى بيها

وطبعا مما لاشك فيه ان كلية الهندسة دى كلية رائعة جدا وهتحسى بكده بعض التخرج لما تلاقى نفسك بتنظرى الى الاومور بطريقة مختلفة وتحاولى حساب كل خطوة قبل ان تعمليها
بس طبعا لازم فى الاصل تكونى بتحبيها
ودا مفروغ منه لان اى شخص يدخل حاجه بيحبها هيلاقيها حلوة حتى لو كانت مش حلوة
اما بالنسبة للقسم دى خليها بعدين والاحسن انك تفكرى خطوة خطوة ومن خلال دراستك فى اعدادى ستجدى مواد من جميع الاقسام وستعرفى تختارى جيدا القسم المناسب لك

(م. عبد المنعم) #3

اهلاً بالاخت الكريمة في منتدى المهندس …
بالنسبة لطلبك أذكرك بقول الشاعر :
ليس كل ما يتمناه المرء يدركه *** تجري الرياح بما لا تشتهيه السفن
هذا حال معظم الطلبة ، امنياتهم في وادي ، والواقع في وادي …
طالما الدراسة الثانوية كانت في بلد الخليج ، فمن الواجب ان تعدل الشهادة في البلد الام … وكانت لكِ المفاجأة … الهندسة
عموماً لديكِ خياران : اما ان تعيدي دراسة الشهادة الثانوية في البلد الام ، واما ان تقبلي الواقع …
علماً ان كليات الهندسة في الدول المتقدمة هي الاولى عن كلية الطب …
وبما انكِ انثى ، فمن الممكن ان تختاري كلية العمارة (يجب ان تتوفر موهبة الرسم اولاً ) ، او ان تختاري كلية المعلوماتية … او ما تميل النفس اليه …
اما القسم فعائد للكلية المختارة ، حيث الطالب يختاره بعد تجاوز السنة الاعدادية …
وفقك الله واجبر مصيبتكم …


(مشتاقة الي ربي) #4

شكرا جزيلا لكم وجزاكم الله خيرا علي الردود دي وانا فعلا هابدء احب الكليه دي لان هي دي اللي اختارها الله لي والحمد لله علي كل شيء والخير فيما اختاره الله لي بس لو سمحتوا لو ممكن حد يعرفني الكليه دي فيها ايه وماهية المواد التي تدرس فيها وانا في هندسة المنصورة وشكرا


(م. عبد المنعم) #5

توضيح

الاستفسار عن اي كلية (هندسة) حتى يتمكن الاخوة المصريين الاجابة !!!


#6

السلام عليكم
فى الحقيقة انا لم اكن فى هندسة المنصورة ولكن اغلب كليات الهندسة فى مصر متشابه فى السنة الاعدادية
وبيكون فيها مواد من كلية علوم وهى
الرياضيات
الميكانيكا
الفيزياء
الكيمياء
اما المواد الهندسية
من قسم ميكانيكا
الرسم الهندسى
تكنولوجيا الانتاج
ومن قسم مدتى
الهندسة الوصفية
ومن قسم الكهرباء
الحاسب الالى
وهناك مواد عامة مثل
اللغة الانجليزية
وتاريخ العلوم الهندسية