السلام عليكم ورحمة الله وبركاته
عارفة ان رمضان لسة قدامة حوالي 3 شهور بس 3شهور في الزمن ده بقت 3 ايام يعني رمضان بعد بكرة خلاص وعلشان كدة حبيت ابتدي معاكم اول مشاركة لي بعمل خير نرجو من الله الاجر
عزيزتي تحبي تعملي خير وتكسبي ثواب وانت في بيتك
طيب سمعتي عن دار ايتام اسمها السبيل
عارفة انك ما سمعتيش عنها علشان كدة حبيت اعرفك عليها
دي دار ايتام موجودة في المعادي الجديدة بشارع النصر
فيها اطفال ايتام اعمارهم ما بين شهور وحتى 13 سنة لو تحبي تيجي تزوري الاطفال ياريت اهي كمان الاجازة جاية
واللي تحب تشارك في كفالة الاطفال الكفالة بتبدأ من عشرة جنية والمفجأة ان المندوب بيجيلك كل شهر لحد البيت
وكمان ياستي لما تطلعي بقى الهدوم الصيفي شوفي اية اللي صغر عليكي او كبر عليكي او تخن عليكي واتصلي بيهم هيبعتوا لك عربية لحد البيت
اه عايزة الرقم معلش الرقم 27537502
اية موضوع رمضان بقى
رمضان ياستي بيفطروا صائمين بيوزعوا شنط على الاسر الفقيرة وكمان بيعملوا مائدة الرحمن طول الشهر بالجمعية
قولتي لي ازاي تساهمي اه جمعي من اصحابك ومعارفك وجيرانك كيس رز كيس سكر ، بلح ، بقوليات واتصلي هيبعتوا لك المندوب لحد البيت
يلا يا جماعة دي فرصة والله فرصة خير
واللي يحب يطلع على موقع الجمعية هو www.elsabeel.com
او شاركوا في الجروب بتاعهم على الفيس بوك باسم دار السبيل للايتام
وما تنسيش تقولي لكل اصحابك علشان ناخد ثواب كلنا
ههههه
الا تعلم/ ين / انه غير موجود