محتاجة مساعدة رجاء ساعدوني


(المقدسية) #1

السلام عليكم ورحمة الله وبركاته
أنا طالبة بهندسة الكمبيوتر آخر فصل دراسي
محتاجة مساعدة بمشروعي التخرج
موضوع المشروع عن
التحكم في الأجهزة الكهربائية في منزل باستخدام المايكروكونترولر
لكن للأسف مابعرف كيف ممكن أبدأ بالمشروع
وكمان مابعرف كيف أكتب برنامج للمايكروكونترولر
لوممكن تساعدوني لأتعلم هاي الأشياء بكون ممنونة
لكم جزيل الشكر


(mohandsyasser) #2

السلام عليكم …
المشروع يحتاج فقط الى تقسيمه الى عدة مراحل وكتابة الافكار على الورق اولاً وذلك لتكوين فكرة عامة …
بالنسبة للبرنامج كل ما عليك هو تحميل الداتا شيت الخاصة به وقراءتها بعناية … يمكن استخدام لغة السى فى البرمجة لأنها اسهل من الأسمبلى … وبالتوفيق ان شاء الله


(eabueida) #3

وعليكم السلام ورحمة الله وبركاته
ممكن توضحي مشروعك اكثر
من ناحية عدد الأجهزة وطريقة الإستفادة من المابكروكونترولر للتحكم بيه وغيرة
وبناء على احتياجك ممكن نحدد شو اسهل لغة لبرمجتها ونوع المايكروكونترولر الى ممكن تستخدميه والمراجع

والسلام عليكم ورحمة الله وبركاته


(المقدسية) #4

السلام عليكم
شكرا كثير لإهتمتمكم بالموضوع والله يجزيكم كل خير
المطلوب مني انو أشغل 3 أجهزة كهربائية
مثلا ثلاجة وغسالة وسخان
الطلوب مني انو أعطي هاي الأجهزة أمر بالتشغيل خلال فترة معينة بحددها المستخدم
مثلا بدي أشغل المكيف في البيت من لمدة ساعة
المفرض انو هالشي يتم عن طريق المايكروكونترولر
حاولت بالسابق اطبق هاي الفكرة عبرنامج الماتلاب بس مازبطت معي
مشان هيك طلب مني المرشد عمشروعي انو اطبفها عالمايكروكونترولر
بس انا مابعرف كيف
أفيدوني جزيتم خيرا


(المقدسية) #5

السلام عليكم
مافهمت من وين بقدر أحمل الداتا شيت؟
جزيت خيرا


(eabueida) #6

السلام عليكم

طيب هل انت حتستخدمي keypad مثلا لإدخال الفترة الزمنية الازمة لتشغيل الأجهزة وهل حستخدمي LCD لعرض البيات مثل الؤال عن الفترة الزمنية ؟
او حتستخدمي الكمبيوتر لإرسال هذه البيانات ؟

بالنسبة الى الحالة الأولى من استخدام ال keybad و LCD ممكن تستخدمي مثلا مايكروكونترولر PIC16f877A لأن به عدد ارجل كافية للتعمل مع الشاشة و الكيباد والمساحة معقول

ويمكن ايضا استخدامة للتوصيل مع الكمبيوتر عن طريق المنفذ التسلسلي

وأما في حالة كنت بدك تستخدمي بدون شاشة وكيباد وتنقلي البيانات عن طريق الكمبيوتر ممكن تستخدمي PIC16F628A

على العموم يظهر لي ان البرنامج والمسروع يمكن تطبيقة بسهوله ان شاء الله

إذا بدكي مساعدة انا حاضر

اقترح عليكي استخدام لغة البيك بيسك لأنه سهل جدا بالتعامل أو ممكن تستخدمي لغة البروتون بيسك

ولاتنسونا من دعائكم الصالح

و السلام عليكم


(المقدسية) #7

السلام عليكم ورحمة الله وبركاته
يجزيك الخير أخي الكريم عالمساعدة والإهتمام
بصراحة ماعندي تصور للفكرة بالزبط
طيب
شو بتقتر علي؟
أستخدم ال LCD ال KeyPad لإرسال البيانات ولا أستخدم الكمبيوتر
بصراحة أنا حابة أستخدم الأفضل
المايكروكونترولر بالنسبة الي شي جديد
بحياتي ما تعاملت معه
وبصراحة أكثر ما عندي أي فكرة عن اللغات
مابعرف الإ لغة الأسمبلي للمايكروكونترولر
فهل في مجال لو سمحت انو تبعتلي رابط لكتاب مبسط وسهل ممكن يساعدني اتعلم احدى هذة اللغات
ولك جزيل الشكر والاحترام


(المقدسية) #8

لو سمحت يا أخي عندي سؤال
عندي كتاب ال
The Pic microcontroller
هل هاد الكتاب مكن انو يساعدني بتعلم اللغة؟
يعني هاد الكتاب بعلم لغة ال البيك باسيك ولا لأ؟


(المقدسية) #9


Nebojsa Matic

وهاد إسم كاتب الكتاب
عذرا ياأخي عالإزعاج


(eabueida) #10

السلام عليكم
بالنسبة للغة البيك بيسك طرحت دورة في هذا المنتدى من حوالي سنتين وهذا هو اللنك

http://www.almohandes.org/vb/showthread.php/-8061.html


(eabueida) #11

وهذه بعص الكتب

http://www.4shared.com/document/j7B4MWvj/Programming_of_PIC_Microcontro.htm

http://www.4shared.com/document/0_JPp1Hs/PICBasic_Projects_-_30_Project.htm

وأما بالنسبة للكتاب الي عندك المشكلة ان الشركة نفسها من حوالي ستة سنوات كانت تستخدم ال بيك بيسك وبعدين هي عملت إللها كمبايل خاص باسم باسم مايكروبيسك

بالنسبة لبرنامج اللبيك بيسك هذا هو اللنك

ولا تنسونا من دعائك الصالح

والسلام عليكم


(eabueida) #12

إذا كان بدك المشروع يكون بسيط ممكن تستخدمي ال سي دي وكي باد

لكن اذا بدك توصليه مع الكمبيوتر عن طريق المنفذ التسلسي كمان سهل نوعا ما بس هل عندك خبرة في الفيجوال بيسك

اعتقد انو ممكن اساعدك في فيجوال بيسك 6

لكن اذا بدك توصليه مع البيو اس بي في الحالة هذه انواع محدده بس من المايكروكونترولر لها القدرة على التوصل معه مثل

PIC18F2550 , PIC18F4550 , PIC18F2553 and PIC18F4553

بس اتأكدي انهم موجودين عندك بالبلد من ثم ممكن تجربيهم

على العموم اتعاملت مع التوصيل مع الكمبيتر بال يو اس بي والسيريال كمان وربطهم عن طريق الفيجوال بيسك 6

إذا بدك مساعده انا حاضر ان شاء الله

والسلام عليكم


(المقدسية) #13

الله يجزيك كل خير ياأخي
الحمدلله ان رزقني التعرف على هذا المنتدى
الله يجزيكم خير الجزاء وينير دروبكم لخدمة هذا الدين
بس لوسمحتلي
عندي سؤال وعذرا عكثرة الأسئلة
أنا عندي خبرة بسيطة بالفيجوال بيسك
بس سؤالي
شو الداعي أنو اربط المايكروكونترولر عالكمبيوتر؟
ولو بدي اشتغل عال ال سي دي او ال كي باد
ممكن أعرف كيف؟
سامحني لكن عم بتعلم وبشتغل عالمايكرو كونترولر من الصفر


(eabueida) #14

السلام عليكم

مو مشكلة الي بدكي اياه

في الحالة ممكن تستخدمي إما PIC16F877A أو PIC18F4520

هذا المايكروكونترولر به حوالي 32 مخرج ومدخل ممكن يساعدك كثير في مشروعك

شوفي ايش متوفر عندكم من هذين النوعين وبعدها بنشوف ان شاء الله ايش ممكن نسوي

بس عندي سؤال ايش المبرمجة الي متوفرة عندكم بالجامعة

والسلام عليكم


(أبو أنس المصري) #15

السلام عليكم ورحمة الله وبركاته

أستاذي الكريم هل من الممكن أن تقوم بتحديث روابط الملفات المرفوعة في هذه الدورة حتى أتمكن من تحميلها ومحاولة متابعة الدورة على قدر ما يمنحني الله من سعة وقت
وجزاكم الله خيراً

وأعتذر لكم أن أزعجتم في موضوعكم المبارك الذي أسأل الله أن يقضيه لكم


(المقدسية) #16

عذرا ياأخي
والله مافهمت السؤال
شويعني مبرمج؟
يعني نحنا وين بنستخدمة؟
طيب شو الكلمة المطابقة إلو بالإنجليزي ؟ لأنو دراستنا كلها بالإنجليزي
وعندي طلب
عم بحاول انو اكتب مخطط
مشان أحدد كيف ممكن انو ابدى بالشغل
بس مش عارفة
يعني راح أبدا بكتابة البرنامج؟
وكيف ممكن اربطة بعدين بالمايكروكونترولر؟
وال ل سي دي وال الكي باد كيف حربطهم واتعامل معهم؟
ماعندي تصور للموضوع وحاسة حالي ضايعة فيه
ممكن تساعدني بهالنقطة لو مافيها ازعاج؟
الله يجزيك الخير


(المقدسية) #17

أخي عملت بحث ولقيت أجوبة عبعض الأسئلة اللي طرحتها سابقا
يعني صار عندي تصور كيف ممكن اربط ال لسي دي مع المايكروكونترولر وال كي باد
وعرفت انو البرنامج حربطه بالمايكروكونترولر عن طريق المبرمجه
بس سؤالي هلا
فيني اصمم المبرمج بنفسي على حسب المايكروكنترولر أو اشتريه ؟
ونزلت الداتا شيت لل pic16f877a , pic18f452
حشوف اي واحد راح الاقي وبشتريه ان شاء الله
أفيدوني جزيتم خيرا


(eabueida) #18

طيب المبرمجات ثلاث انواع من ناحية الربط مع الكمبيوتر منها الي بيستخدم المنفذ المتوازي ومنها المنفذ التسلسلي زمنها اليو اس بي

بالنسبة لأول نوعين ممكن تعمليهم بسهولة لكن النوع الثالث هو بحاجة الى مايكركونترولر يكون بدائرة المبرمجة

بالنسبه على المنفذ التسلسلي انا بنيت مبرمجة نفس الي باللنك التالي

لكن بس برمجة بيها PIC16F84 , PIC16F628 , and PIC16F877

http://www.olimex.com/dev/index.html

و اعتقد انك تشتريه ممكن يكون احسن لكن ممكن تلاقي عندك بالجامعة مبرمجة

بس عندي سؤال انتي في اي جامعة


(المقدسية) #19

الله يجزيك الجنة ياأخي
أعتقد اني غلبتك بأسئلتي
أنا من جامعة عجمان بس المشكلة انو نحنا هلا بالإجازة الصيفية
وعم بحاول أشتغل عالمشروع مشان ما يصير عندي ضغط بالفصل الجاي وأتفرغ شوي لدراسة المواد


(eabueida) #20

إذا الكي خبرة بتجميع الدوائر ممكن تجربي بس ملاحظة الدوائر الي بتتوصل مع المنفذ التسلسلى ما بتشتغل عادة مع ال usb to serial adapter

وانتظر الجديد

والسلام عليكم