رائعة أحمد فؤاد نجم......سيادة المخلوع.....إرجعلنا


(system) #1

رائعة أحمد فؤاد نجم…سيادة المخلوع…إرجعلنا

سيادة المخلوع … ارجعلنا
مش انت واحد مننا ؟؟
و عمرك في يوم ما سرقتنا
…ولا خدت مليم مننا
ما تيجي طب ترجعلنا
تقعد بأهلك وسطنا
أهو مرة تاكل أكلنا
وتلبس يا خويا من لبسنا
وتعيش في حارة او في شارع زينا
قلت ايه ؟؟ يا حارق دمنا
سيادة المخلوع … ارجعلنا
وغداك يا سيدي عندي أنا
رز و بطاطس مسرطنة
لحمة ؟؟… مفيش من سنة
فاكهة ؟؟… تعيش انت و أنا
و الشاي … بآخر معلقة م السكر اللي كان عندنا
اشرب و فوق وركز بقه … علشان نكمل حكينا
سيادة الرئيس … ارجعلنا
مش سبت الحكم … لأجلنا ؟؟ـ
ما تيجي تسمع حكمنا !!ـ
أفكرك ؟؟ ولا انت فاكر زينا
قطار اتحرق من كام سنة
وغازنا اللي طار من أرضنا … لعدونا
وعبارة مللي بيغرقوا …!! غرقت في عرض البحر و راحوا أهلنا … و الجاني فلسع مننا
ومركبة بأحلى شباب … ييجوا من ايطاليا غرقانين … والقرش ياكل لحمنا
والله كانوا زينا
ويمكن أحسن مننا
لهم بيوت و ولاد و عيشة و حلم … زي حلمنا
اتغربوا و اتبهدلوا … لما الفساد طال كل حاجة في أرضنا
واللي ما ماتشى … قاعد في غربته … والغريب بيذلنا
اقول كمان ؟؟ ولا كفاية … و اهو انت عارف عننا
أصبر هتسمع حكمنا
سيادة الرئيس … ارجعلنا
ولو انت واحد مننا
فعلا يهمك أمرنا
بينا عالنائب العام … تفتنله على ولاد الحرام … مصوا بلدنا و دمنا
و افتن دي فتنة مش حرام … ده حقنا
دا لو انت واحد مننا
أصبر هتسمع حكمنا
سيادة الرئيس … ارجعلنا
اقعد معانا و زينا
هعرفك …ـ
دي (أم خالد) أمنا
ودول أهل (سالي) أهلنا
و(عمر بن بنونة ) إبننا
فسر و احكي و قللهم … و قللنا
واستسمح الروح اللي منورة في الجنة عند ربنا
هتقول مكنش قصدنا ؟؟ـ
دول ماتوا غصب عننا ؟؟ـ
كداب و فاجر … و اللي يصدقك زيك … والكدب ريحته منتنة
تتشل إيد اللي ضرب ،، و اللي أمر ،، و عليكوا لعنة ربنا
أصبر هتسمع حكما
أيوه بقول ارجع لنا
ياللي سرقت حلمنا
وغربتنا و نهبتنا … و في كل حتة أهنتنا
إحنا اللي سال دمنا
في الأربعين و اسكندرية و التحرير يشهدلنا
آدي القفص … أقف هنا
والشعب يحكم … مش أنا
صدقني … هي بينة
من فوق سبع سماوات … قالها ربنا
العين بالعين والسن بالسن … و هو دا بقه حكمنا … و مفيش غيره عندنا

(con_eng) #2

انا كل ما اشوف مناصري مبارك امام ماسبيروا دمى بيتحرق … هما دول الوطنين وباقي الشعب عنده اجندات ؟!

طبعا لازم يتظاهروا مش بابا مبارك مشي وخد معاه ربع كيلو الاستقرار اللى كنا ممشين مصر بيه


(أبو أنس المصري) #3

الله

(أبو أنس المصري) #4

وفي حاجة كمان نسيتيها بس دي هاتكون نغمة ما بعد البرادعي “الإعلام المضلل-مع تحيات أنصار البرادعي”


(system) #5

ههههههه ابو انس انتا ناسى انك من المعارضة والمضللين


(con_eng) #6

اه وعنده اجنده كمان ,انا شفتها
اما عن البرادعى, فهقولك زى ما قولت لـ م. احمد انتظر ,اسمع , اقرا , استخير ربنا واختار يطلع البرادعى او غيره المهم تكون اقتنعت لحظة التصويت بالافضل .
متتسرعش وتعامل البرادعى كـmasked pin يبتاع الاجندات


#7

يا راجل حرام عليك دا السلفيين كانوا هيعيطوا من الاعلام المضلل بعد الثورة
خلاص الاعلام حلو اوى وانا هصدق اى حاجة هيقولها عن السلفيين

وبالنسبة للناس بتوع مبارك ليه نحرق دمنا عليهم خلينا نعمل زى ما كان مبارك بيقول خليهم يتسلوا


(أبو أنس المصري) #8

دا الأجندة دي خدتها لما كنت شغال في بتروجت ادونا أجندة ونتيجة لما السنة الميلادية خلصتن ومن ساعة ما جيت السعودية ما جيبتش ولا أجندة تانيه والله، عني أجندتي مصرية مش سعودية زي بقية السلفيين

سبحان الله كنت أتكلم اليوم مع عبد الظاهر ونقلت له كلمتك دي، بس انت كمان قلت إنك هاتعملي كده لأن “صوتك أمانة"
أما بدائة الراي والتي اتسم بها أنصار البرادعي وكذلك منتدانا الذي اصبح شكل منتداه العام غريباً جداً وبه مواضيع تمل العين من تكرارها ومن التمجيد المقيت -على القل من وجهة نظري- لشخص من تلمعه مما يجعلني أكره الرجل حتى ولو تبين لي انه هو على القل الأفضل، وهذا طبعاً ليس من الشنئان المنهي عنه في سورة لمائدة لكنه طوالشلة إللي حواليه” يشبهوا الحزب والوطني “وشلة جمال” فسنرى منهم “عبودية” لقراراته مقابل هذا التلميع العجيب له وكأنه ليس محمد البرادعي ولكن كانه “محمد المهدي المنتظر”

يوووه، انا قلت مش هادخل في السياسة، على العموم ما تقرأوش الحتة التانية “وشششش — انسوا ---- خلاص” خليكوا في حكاية اجندة بتاعة بتروجت


(system) #9

خلاص يا ابوانس احنا قولنا كفاية سياسة


#10

وهذا طبعاً ليس من الشنئان المنهي عنه في سورة لمائدة لكنه طوالشلة إللي حواليه" يشبهوا الحزب والوطني “وشلة جمال” فسنرى منهم “عبودية” لقراراته مقابل هذا التلميع العجيب له وكأنه ليس محمد البرادعي ولكن كانه “محمد المهدي المنتظر”

والله مش عاجبك الراجل مفيش مشكلة لكن ليه دائما يهاجم السلفيون الاخرين
مثلا هاجموا الاخون وهاجموا عمرو خالد وهاجموا مصطفى حسنى وهاجموا معز مسعود وهاجموا البرادعي بالباطل وعمرى ما شفتهم هاجموا مبارك ولا الحزب الوطني
ودلوقتى بيقولوا على مبارك فرعون وماشين مع المجلس العسكرى
هل دا نظام معاكوا معاكوا عليكوا عليكوا ؟


(أبو أنس المصري) #11

ايوه هو ده النظام
من لا يعلم عن السلفيين فليقل فيهم ما شاء


(con_eng) #12

اولا بالنسبة لا ابو انس طبعا صوتى امانه وبرده هتحري الدقة وهختار اللى ينفع يقود بلدى المسلم العربي النامى فمنتعبش نفسنا ونقول ده وحش وشرير وتستهلك طاقة اسمع واسمع واسمع وفى الاخر خد بالك من بلدك المسلم العربي النامى وانت بتختار ولا ايه ؟
بالنسبة لاخى احمد استنى كده معايا من ضمن اللى قولتهم------مصطفى حسنى , البتاع ده العجيب اللى بيقعد وحوليه مكتبة ده بيفتى في برنامج خدعوك فقالوا ده كارثة لو بتسمعه دى كارثه ده جاااااااااااااااااااهل وبيجهل علماء عمرهم الفقهى اكبر من سنه برنامجه قايم على سقطات العلماء فى الفتاوى طبعا انا خرجت عن الموضوع بس لازم انبهكم يا جماعه محدش يسمعه ده مش معترف حتى بخطاه وبيعاند
اما عن د.عمرو خالد فانا اعده استاذ للتنمية البشرية والاجتماعية .

لو عاوزين 1000 دليل على مصطفى حسنى اجيب يا سلاااااااااااااام بس محدش ياخد بكلامه


(con_eng) #13

وعلى فكرة مش كل واحد بلحية من السلف وتصرفه يعد عليهم ده اولا , لكن تعالى شوف لما العلامة ابي اسحاق اتكلم عن الدعاة قال ايه قال ان دى مهمه ثقيله جدا جدا والكلمة اللى بتطلع منك انت محاسب عليها وبتيجي بعد دراسة رهيبه فى الفقه يعنى مع احترامى للاستاذ عمرو خالد اكيد مش هسمع منه فتوى ,اه لما احب اقنع حد بالاسلام افرجه على عمرو خالد واحده عاوزينها تغطى شعرها نسمعها عمرو خالد عشان اسلوب فى التنمية البشرية وايقاظ الحس الدينى للشباب لكن يوم ما احب اسمع فتوى اسمح ابي اسحاق لانه مش هيقولى انا من راي كذا لا دا بيقول عن كذا عن كذا وروى عن مين انه سمع مين لحد ما يجيب السند الصحيح هنا ده راجل مش سمع كلمتين وطلع على الشاشه لكن اجى اقرا كتابين تلاتة مائه وعلى طول اقف على قمة افرست واتكلم عن البدعه اللى العز بن عبد السلام اسقاطه الفقى الوحيد كان فيها ده العز بن عبد السلام اجى وافتى !

وبعدين ليه بتاخد عليهم هجموهم بس ما الناس بتعتذر لو وجدت من الخطا ما وقعت فيه وعندك محمد حسان واعتذاره مع عمرو خالد

اسفه انى بغير الموضوع بس يعنى الكام جمله دول خنقونى


#14

الجاهل مصطفى حسنى , البتاع ده العجيب اللى بيقعد وحوليه مكتبة ده بيفتى في برنامج خدعوك فقالوا ده كارثة لو بتسمعه دى كارثه ده جاااااااااااااااااااهل وبيجهل علماء عمرهم الفقهى اكبر من سنه برنامجه قايم على سقطات العلماء فى الفتاوى طبعا انا خرجت عن الموضوع بس لازم انبهكم يا جماعه محدش يسمعه ده مش معترف حتى بخطاه وبيعاند

اخت منار انا مش بتكلم ان مصطفى حسنى حلو والسلفيين وحشين على فكرة انا مش بسمع ولا بشوف مصطفى حسنى افتكر مره شوقته بالصدفة على التلفزيون لكن انا بتكلم على الهجوم نفسه يعنى مثلا انتى كلامك السابق فىه سب وسخرية تهكم على شخصه زى مثلا البتاع العجيب والجاهل وحتى من عير ما تقولى جاهل ليه لو تحبى تنتقديه او حتى تهاجميه هاجمى كلامه وليس شخصه

مثلا عندك فترة الهجوم على القرضاوي شيخ سلفي عمل كتاب اسمه إسكات الكلب العاوي يوسف القرضاوى


#15

وبعدين ليه بتاخد عليهم هجموهم بس ما الناس بتعتذر لو وجدت من الخطا ما وقعت فيه وعندك محمد حسان واعتذاره مع عمرو خالد

أكيد طبعا الاعتذار عن الأخطاء حاجة جميلة ولكن الأجمل عدم تكرارها


(system) #16

بارك الله فيكى اختنا فى الله منار ولكن أعقب على بعض النقاط على موضوع مصطفى حسنى هو رجل ليس عنده علم للافتاء ولكن يمكن مناقشته فى أخطاءه ولا نحاول عمل أخطأ ء مثله ولكن موضوعنا مختلف نحن نتكلم الآن عن مصر والمصريين لم يعرفون دينهم حقاً الا عن طريق السلفيين ونحن نرجع بزاكراتنا 10 سنوات كان اللهو سمة المصريين والبركة فى الاعلام المصرى ( ربنا المنتقم منهم ) وبعد ظهور القنوات الفضائية الاسلامية السلفية فعرفنا ديننا فكل من يتكلم عن السلف بشكل خاطىء فهو ليس عنده ضمير وسيسأل أمام الله وننتظر الامة جمعاء الارتباط على يد رجل واحد وتحت رآية واحدة وهى لا إله إلا الله محمد رسول الله ونحن نحترم المسيحية كدين ولكننا لنا حقوق لابد من استردادها اولاً.


(con_eng) #17

بص انا هقولك انا معاك ان عيب لما نسب , خلاص عيب عليا انا وحشة فعلا وهعدل المشاركة .
بس هوه اعتقد فى نفسه وافتى فى البدع بمعنى بعض الاشياء اللى احنا عارفين انها مكروهه كبدعه افتى بجوازها واستفاد من سقاطات علماء كبار يعنى خد السقطة الوحيدة لابن تيمية , ولما ظهر الشيخ ابي اسحاق الحوينى ناصحا اياه واصفه بابنه وقال ايه يا بنى اللى وقعك فى المشكلة دى وقال ان الفتوى فى البدع من عظام الامور الفقهية يعنى اكتب بس رد الحوينى على مصطفى حسنى وانت هتقتنع بكلامى ,
اكرر اسفى عن وصفى اياه بالجاهل وساعدلها اما البتاع فده لفظ مصري صحيح بنوصف بيه اى بتاعه فى الدنيا


#18

بص انا هقولك انا معاك ان عيب لما نسب , خلاص عيب عليا انا وحشة فعلا وهعدل المشاركة .
بارك الله فيك فقد قدمتى نموذج رائع واتمنى من الكل الأحتذاء به

بس هوه اعتقد فى نفسه وافتى فى البدع بمعنى بعض الاشياء اللى احنا عارفين انها مكروهه كبدعه افتى بجوازها واستفاد من سقاطات علماء كبار يعنى خد السقطة الوحيدة لابن تيمية , ولما ظهر الشيخ ابي اسحاق الحوينى ناصحا اياه واصفه بابنه وقال ايه يا بنى اللى وقعك فى المشكلة دى وقال ان الفتوى فى البدع من عظام الامور الفقهية يعنى اكتب بس رد الحوينى على مصطفى حسنى وانت هتقتنع بكلامى ,
اكرر اسفى عن وصفى اياه بالجاهل وساعدلها اما البتاع فده لفظ مصري صحيح بنوصف بيه اى بتاعه فى الدنيا
انا والله مقتنع بكلامك وعارف القصة كلها وفعلا مصطفى أخطا ولكن أرفض نعته بجاهل وبتاع
وبعدين منا عارف ان البتاع ده لفظ مصري بنقوله لما بنحقر من حاجة او حاجة احنا ناسين اسمها


(أبو أنس المصري) #19

جميل جداً الفيس بوك عرف الناس كل حاجة ما شاء الله، من هو هذا الشيخ الذي ألف هذا الكتاب؟ وما هي بلده؟
علشان بس ما نرميش كلام وخلاص


#20