يرجي من جميع المهندسين المعماريين الدخلو والمشاركه


(system) #1

بسم الله الرحمن الرحيم
الاخوة الأفاضل اعضاء المنتدي بعد التحية
لدي ارض في مدينة الدمام بالسعودية 80 م واجه علي الشارع *25م عمق = 2000م نسبة البناء 60% ومجموع مسطحات البناء 4800م مقسمه علي 6 ادوار (البدروم والميزان ودور الخدمة لا تتم حسبتها في عدد الأدوار او مسطحات البناء ( بدروم (مواقف) معارض وميزان ودور خدمه و5 ادوار متكرر) واستخرجت تصريح بناء لها والان ارغب في عمل المخططات لها واليكم بعض التفاصيل عن المشروع
المشروع : تخطيط مبني شقق فندقية مكون من 9 ادوار وملحق
دور البدروم : سوف يتم عمله كمواقف لخدمة الشقق ويجب ان يكون للبدروم مدخل بعرض 3.50م ومخرج ايضا وغالبا الشكل العام للموقف بناء علي شكل الارض بان يكون ممر في الوسط والسيارات علي اليمين واليسار وابعاد الموقف لازم تكون 2.70م*5.50م .
الدور الارضي : ويحتوي علي مطعم وحلاق ومغسلة وغرفة مساج وبقالة من الامام وشقق في الخلف بغرض استخدماها سكن للعمالة ومداخل سكن العمالة من خارج المبني
الميزان : سوف يتم عمله علي اساس وحدات سكنيه مكونه من ( غرفة وصاله ومطبخ وحمام ) وايضا ( ستديو بمساحه من 30 الي 35 م كحد اعلي
دور الخدمة : سيحتوى علي … صالة العاب اطفال ومسبح ساونا وجاكوزي ومصلي ودورتين مياه (ومركز خدمة نسائي ( كوافير مساج حمام مغربي …)) … الخ الخدمات
الدور الاول متكرر يحتوي علي نمطين من الشقق … الاول :غرفه وصالة ومطبخ وحمام
الثاني : غرفتين نوم وصالة ومطبخ وحمامين وغرفة خادمه بحمامها
الدور الثاني والثالث والرابع والخامس متكرر … اكيد بتكون نسخه عن الدور الاول
الملحق 25% من مساحة الدور الخامس المتكرر وبيكون عبارة عن استديو زي الميزان .
… ما سبق فكره مبسطه عن مشروع عمري واللي حاط اللي فوقي واللي تحتي فيه …
والان ننتقل الي قضية التخطيط واي مكتب اروح عنده :
تعرفون يا اخوان انو من اهم مراحل انشاء مشروع مرحلية التخطيط والتصميم و وفي حالة تمت تخطيط المشروع بشكل ناجح فذلك بيريحك كثير وقت التنفيذ وكذلك طوال عمر المبني لان قضية الاخذ بعين الاعتبار عند التخطيط مسألة الصيانة المستقبلية للمبني … لذلك بديت الف علي المكاتب الهندسية اللي في الدمام ( طبعا اخوكم عنده خبره نوعا ما في اعمال المقاولات والإنشاءات والتخطيط) انا يا اخوان ابغا مكتب يصمم لي المعماري والإنشائي والكترو ميكانيك …و…و… معا مواصفات ومقاييس وابغا خرائط دقيقه لأبعد درجه ومدروسة بعنايه مو متروكه للصدف او للعمال وقت الشغل وهذا لاني ابغا وقت التنفيذ اسلمها شركة محترمه وثقة علي المفتاح واجي اشرف علي مشروعي وخرائطي في يدي أتأكد فقط انو التنفيذ وفق للخرائط ومطابق للمواصفات .
بديت الف علي المكاتب اول شيء رحت عند المكاتب الكبيره زي سعودي كونسلت اللي في العقربيه ومن هم علي شاكلته (( اللي يتعاملون معا ارامكو )) تفاجئت جدا يا إخوان بالأسعار المكاتب هاذي ما تتكلم الا علي تكلفه التصميم والتخط بدون اشراف بمبلغ 400 الف الي 600 الف … طبعا مبلغ كبير جدا اشوووفه .
قررت ادور علي مكتب شغله قريب من اشغال المكاتب هاذي وسعره معقول نوعا ما يعني ابو من 80 الي 100 الف وبديت اللف علي المكاتب اللي عندنا الدرجه الثانيه (( والحقيقه الاخيره )) شوية ناس يبيعون كلام تسمعه تقول اش الفنان اللي طحت فيه هذا وهما والله ما عندهم سالفه المكاتب اللي في شارع الملك عبدالعزيز … الشايب الحداد القطري الريف العمران الموسى كلها زباله واللي في الخبر اسوء … لقيت انو الشرقية مكاتبها يا فوق مره وما تحب تشتغل الا معا ارامكو او شركات كبري زي خطيب وعلمي وسعودي كنسولت وغيرهم … يا مكاتب تحت مره حقون فلل وعماره دورين وملحق مو اكثر والمعماري فاشلين فيه بقوه .
صرفت نضر عن مكاتب الشرقية وقررت اصمم المشروع في جده في مكاتب كثير كويسه
مريت علي 6 او 7 مكاتب زي مكتب المهندس طلال عشقان والمهندس طلال كردي وزهير فايز وصراحه والله فنانين ويشتغلون صح بس المشكله كان في الاسعار كلهم يتكلمون من 500 الف وفوق
بعدين دخلت احد منتديات الهندسة ولقيت الشباب اللي يعرضون خدماتهم عن طريق النت قلت يا لله اجرب اتعامل معاهم في المعماري والواجهات لأنها مهمه جدا بالنسبة لي ويمكن القي مهندس يشتغل في شركه كبري ويقدر يقدم لي الشي اللي انا ابغاه تعاملت معا مهندسه معماريه بعد ما جلست اشرح لها المشروع ثمان ساعات علي الماسنجر بعدها بحوالي 24 ساعه قالت لي انا بعتلك علي الايميل مخطط حيطير عقلك قلت لها معقول قدرتي في الوقت دا اش العبقريه اللي انا طحت فيها فتحت الايميل وارسلتلي نموذج يا اخوان اغرب منو ما قد شفت في حياتي (( كنت متوقع لانو الوقت اللي ارسلتلي اياه سريع جدا اقل من 24 ساعه )) قلت لها هاذا مشروع ينفع يكون فندق في احد العشوائيات زي عزبة القرود مثلا قلت لها خلاص مرسي لكي كم اتعابك قالت مش عايزه أي حاجه قلت لها انصفتيني وانصفتي نفسك .
الثانية برضو مهندسه مصريه تقول انها تشتغل في اكبر الشركات الهندسيه في مصر الشركه السعوديه المصريه علي كلامها وبرضو بعد ما شرحت لها المشوع من الاول علي الماسنجر غابت عن بتاع 10 ايام وادتني 3 مواعيد علي اساس توريني اسكتش مقترح وتفضلو يا اخوان شوفو اسكتشها اقلها الدور الوحد 720 متر تروح تعمله 1200 متر اقلها الشقق غرفتين وصاله تروح تعملي شقق 4و5و6 غرف وشوفو بعينكم … المهم قلت لها الشغل هذا روحي اجري فيه عجل مو تقلين لي هذا اسكتش مقترح لشقق فندقيه …قلت لها كم اتعابك قالت 1000 جنيه قلت لها ليه اش سويتي امباير استيت قلت لها بعطيك 200 جنيه برآءة لذمتي قالت طيب خلاص ابعتهم (( بس لسا ما بعتتلي رقم حسابها )) …
وصرفنا النضر عن طريق التصميم علي النت لانو لو مهندس شاطر وفي مكتب محترم ماكان لقي وقت يصمم علي النت .
قررت فكره جديده يا اخوان … اني اصمم المشروع برا وابغا اقترح عليكم دولتين الاولي لبنان والثانيه مصر … اللي عنده خبره في عالم الهندسه في الدولتين هاذي ممكن يفيدنا عن المكاتب الهندسيه الكبري واللي مشهوره باعمالها ومستوي شغلهم يكون عااااالي جدا جدا وهل من الممكن اصمم المشروع فيها بحيث انو ما تتجاوز التكلفة 80 الي 100 الف ريال فيها بس يكون شغل مرتب … ارجو من الجميع انو يفيدنا ويشاركنا الراي او يراسلني علي الايميل


(system) #2

السلام عليكم ورحمة الله وبركاته
المهندس محمد
مهندس معماري خبرة 8 سنين ، مقيم في مصر ، كنت اعمل في السعودية في أمانة مدينة الرياض وعلى دراية تامة بجميع الاشتراطات التصميمة بمدينة الرياض ( مشاريع لجنة كبرى – مشاريع لجنة سكنى داخلى – مشاريع لجنة سكنى خارجي – مشاريع خدمات - … ) على استعداد للتعاون مع مكاتب سعودية عن طريق النت ، ( تصميمات معمارية - ديكورات - ابتدائيات حتى الاعتماد – نهائيات - انشائي – حصر كميات - مناظير ) وعلى استعداد للتعاون مع مكاتب اخرى خارج السعودية .
للاتصال :
[FONT=Calibri][SIZE=4][COLOR=#0000ff]azabawy688@yahoo.com[/color][/size][/font]
[FONT=Calibri][SIZE=4][COLOR=#0000ff]azabawy688@hotmail.com[/color][/size][/font]
0020196441133
00966545208598

(system) #3

على فكرة ان شاء الله لو عجبتك الفكرة ويكون الشغل نظامي حسب اشتراطات مدينة الدمام ، سيتم تسليمك المشروع كامل وعندي المكتب في الرياض اللى هيختملك المشروع ، مجرد انك تروح تعقب عليه في الامانه عندك وأي تعديلات عليا
بمعنى أنا معاك لغاية ماتستلم الرخصة ان شاء الله ، ومخططات تنفيذية تروح تشتغل عليها على طول
وشكرا


(محمد حمدى ناصف) #4

[CENTER][SIZE=+0][CENTER][SIZE=+0][CENTER][SIZE=+0][CENTER][SIZE=+0][CENTER][SIZE=+0][CENTER][SIZE=+0][CENTER]

[/center]
[/size][/center]
[/size][/center]
[/size][/center]
[/size][/center]

شكرى تقديرى [/size][/center]
[/size][/center]