مكيف الـ جي ومشاكله شو اسوي فيه ؟؟؟


(system) #1

السلام عليكم ورحمة الله وبركاته

ياجماعة حد يقولي شو مشكلة مكيف الـ جي كله يقطر ماي أو يجمد و اكثر شي يتجمد اتصلت للفني الصيانة قال لي المشكلة في PCP contorl خربان قلت ما عليه هات يديد مع اني اكدت له انه التكييف يتجمد …

ركبنا القطعة الي قالها الفني وراح بالسلامة طبعا القطعة بدون ضمان ما يعطون ضمان وبـ 350 درهم …

كان بتاريخ 20/9/2011 و الحين 25/9/2011 ، رد تجمد التكييف شو يعني قص علي الفني عشان يسكتني وركب شي ثاني ؟؟؟ فهموني ياهل العلم الحين بنادي عليه بس اريد اكون فاهمة كل شي …

ولا شو رايكم اخذ او جنرال وكم طن يناسب لحجرة

4x4

وشكرا


(القمر الساطع) #2

بعد التحية
عزيزتي غيوم اريد ان اساعدك لكن بعد ان تجيبيني على اسئلتي .
1- اي منطقة من المكيف يحل الانجماد به ( الانابيب او المبخر او المكثف ) ارجو التحديد .
2- بالنسبة لمكيف لهكذا مساحة غرفة يكفي مايعادل ( 1.5 ) طن تبريد .


القمر الساطع


(system) #3

مرحبا اخوي القمر الساطع

الثلج يظهر من مكيف الاسبلت مركزي يوم افتح غطاء المكيف عشان انزل ماا عرف اسمه بس عشان انظفه بعدين انرده المهم التجميد يظهر تحت الشبك التنظيف على الحديد llllllllllll ها الفتحات الصغيرة من فوقه يتجمد

انا صورته فيديو بنزله عقب لانه عندي جامعة الحين …


(ابن عوف عبداللطيف ابو عوف) #4

أخي الغالي دمت وزميلي بخير المشكله في (جهاز الثيرمثتات)
قم بتغيره وحت حل المشكله
لكن أفظل تسوي الصيانه من نفس الشركه أو موزع ماركه المكييف كي يعطوك مندوب صيانه ماهر حفاضا على سمعه الشركه
في الصيانه ونصيحه دوما أي جهاز تكييف لازم يكون معه كرت ضمان
لمده عام كي يرتاح بالك

(system) #5

انا كرهت تعامل شركة اليوسف في العين مره تعبانين ياخذ الرقم ويقول عشر دقايق وبرد ادق انسى لين 10 ساعات ما راح يدق وقدمت 3 شكوة ضدهم بس يطرشون الفني يعدل شي ويروح ويرد المشكلة نفس ما هو الحين يالي الفني العصر وطلب القطعة PCP control مالي القديم وردها مكانه في المكيف وركب قطعة ثانية بس للاسف ماشفت القطعة لاني كنت في الجامعة ، اانا مااعرف شغلة التكييف وايد بس ( جهاز الثيرمثتات )

هذا صورته

والحمد الله انه الحين يشتغل يالله تصبحون ع خير


(system) #6

شكرا لك اخي القمر الساطع و االاخ ابن عوف

يزاكم الله خيرا


(ابن عوف عبداللطيف ابو عوف) #7

تصبح على خير ونشوفك في القريب العاجل متخرج من الجامعه في أحلى يوم وتحمل من كنوز العلم والمعرفه بعون الله مايخدم الأمه الأسلاميه وأهل بلدك أمييين
طبعا جهاز الثيرمثتات نفس الي في الصوره على اليسا ر

(القمر الساطع) #8

بعد التحية
المشكلة تكمن في الثيرموستات وهناك عدة احتمالات
1- لاتضعين الثرموستات على ابرد درجة ونظميه على ( 22-24 )درجة مئوية .
2- هناك اتربة على الفلتر .
3- عطل الثرموستات .
4- وهذا احتمال بعيد ان الشحنة للغاز قليلة .

مع التحيات
القمر الساطع


(system) #9

ابن عوف
شكرا لك وان شاء الله اتخرج بنسبه عاليه وافيد الكل

القمر الساطع

شكرا على المعلومات بالعلم اني اضع التبريد 23 كنت اعتقد انه الغاز هو المخلص بس العامل قال من القطعة pcp

و الحمد الله الحين تعدل والجو حلوووو

يزاكم الله خيرا