[ul]
[li] المصدر: المرشح يواجه تهمة التزوير ويروج منذ تقديم الأوراق أن المخابرات الأمريكية تقف ضده[/li][/ul]
كتب- أسامة الشاذلي:
قال مصدر مسئول في اللجنة العليا لانتخابات الرئاسة، رفض نشر اسمه، أن اللجنة حصلت على مستندات رسمية “تؤكد حصول والدة حازم صلاح أبو إسماعيل، المرشح المحتمل لرئاسة الجمهورية الرئاسية على الجنسية الأمريكية، وهو ما يمنعه من الترشح”.
وتابع المصدر:”توقيع أبو إسماعيل على إقرار بصحة البيانات الواردة في الأوراق، يعني إحالة الملف إلى النيابة، وتوجيه تهمة التزوير في أوراق رسمية للمرشح”، وحسب المصدر فإن “الملف الآن أمام المجلس العسكري لاتخاذ قرار”.
واضاف:”حازم كان يدعي أكثر من مرة خلال تقديمه الأوراق أن المخابرات الأمريكية تدبر شيئا ضده في الخفاء، وروج تلك الرواية وسط أنصاره، الذين هتفوا أمام اللجنة ضد الولايات المتحدة متوعدين بالرد إذا تم استبعاد حازم، رغم أن والدة حازم حاصلة على الجنسية الأمريكية، وهناك مستندات رسمية بذلك، وأمام إصرار المرشح على روايته التي تكذبها المستندات، أحالت اللجنة الملف إلى المجلس العسكري لإتخاذ قرار نهائي”.
يأتي ذلك بعد النفي المتكرر من حازم وحملته لحصول والدته المتوفاه على الجنسية الأمريكية، وطمأن أنصاره أكثر من مرة بأن والدته “مصرية 100% ولم تحمل جنسية أخرى”.
والله دا خبر منشور فى جريدة تصدقه تكذبه براحتك وكلها كام يوم ونعرف النتيجة
هو أنا لما أسأل ىيه علاقة المجلس العسكري بالموضوع يبقى ده طعناً في الخبر أو نقل الخبر!!! أنا سؤالي هل هناك سلطة للمجلس العسكري في رفض أو قبول أوراق الترشيحات؟ إذا كان أصلاً قرارات اللجنة غير مسموح لمطلق الطعن حتى فيها لأي جهة قضائية أو نيابية أو برلمانية أو حتى رئيس الجمهورية القائم فآيه إللي دخل المجلس العسكري في الموضوع ده بالضبط؟؟ هو ده سؤالي!!!
اه بقى المجلس العسكرى هو اللى ليه سلطة كل حاجة فى مصر واللى بيقوله هو اللى بيمشى وبينزل اى اعلان دستورى براحته سواء وافق عليه الشعب او لا وبعدين مين اللى عمل اللجنة دى اصلا ومين اللى عمل قوانينها ؟؟ وكمان ممكن يعفو عن اى حد ولو عايز ينجح فلان هينجح ولو عايز يسقط فلان هيسقط ولو عايز يخلى امه يهودية هتكون امه يهودية فعلا
وسيبك من موضوع الجهات القضائية والنيابية والبرلمانية مفيش فى مصر اى جهات الحكم اللى عايزه المجلس العسكرى هو اللى بيمشى وابقى سلملى على منظمات المجتمع المدنى وهى تقولك الجهات اخبارها ايه
يا سعادة المشير أحمد الديب، ما دام الموضوع هو عندك كده، ليه ليك فترة بتتخانق معايا على أبو اسماعيل، ما طالما المواضيع عندك منتهية من ساعتها كنت سيبتنا نحلم ونهبل مع نفسنا وخلاص، وابقى سلم لي على أبو الفتوح.
هوه ده بالظبط اللى كنت عاوزة اقوله كل حاجة فى ايد المجلس العسكرى سرا وعلانية تشريعى او تنفيذى
اما بقي عن المرشحين فانا استقريت انى ارجع لمرشحى الجميل الذى لا تشوبه شابئة ولا تتصيده اى شائعه الرجل الرجل صاحب المواقف المواقف عمرو موسي ماله يعنى !!! ويبقي انا كده خرجت من الحرج ولو ان البلد دى فعلا محتاجة مهندس واياك اعنى واسمعى ياجارة
حتى كنت بفكر اقدم اوراقى وانا ضامنة الكرسي على الاقل معايا توكيلين تلاتة وتمهيدى ماجيستر وكام شهادة دولية كده ومعنديش جنسية (I wish i had ) ورايحه الجامعه اليابانية اهو وكنت مشرف سابق فى منتدى المهندس وليا واحدة صاحبتى بنت عمها لها واحده صحبتها يقال انه ليها حد فى المجلس العسكرى ( جارى التحقق من حقيقة الشائعه ) وواعدكم انى هرشح نفسي من اجلكم فانا لم اكن انتوى الترشح للرئاسة بس وماله بقي عفا الله عما سلف
اه وسلمولى على الثورة لما تشوفها
ليه هي مش الأخوان ضحكوا علينا وقالوا لنا إن الثورة جاية تاني. ولا هي الثورة ماتت خلاص في محطة سورية. الله يخرب بيتك يا بشار.
بس لو الثورة جات تاني هاقول لها إن المرة اللي فاتت أنا كنت بره مصر وما شوفتش حاجة.
ماله يعنى !!! ويبقي انا كده خرجت من الحرج ولو ان البلد دى فعلا محتاجة مهندس واياك اعنى واسمعى ياجارة
