السلام عليكم ورحمة الله
الموضوع انى كنت بحاول افك مصفاة صرف الغساله عشان انضفها لان الغساله مش راضيه تصرف المياه وغلبتنى جدا فاضطريت اضرب على المقبض كام مره عشان تفك لقيت المقبض فك من فوق حاجه بسيطه جدا وبعد لما شغلت الغساله لقيت الدنيا غرقانه تحتها واكتشفت ان المياه بتتسرب من مقبض المصفاة ياريت تدلونى اعمل ايه ده ممكن يتلزق ولا لازم المصفاه تتغير كلها وياريت تفهمونى لو تكرمتم ازاى المياه بتتسرب من المقبض رغم ان من الداخل فيه زى طاره كاوتش تمنع وصول المياه ولو لازم تتغير المصفاه ياريت لو ممكن تعرفونى اماكن بيع قطع غيار الغساله ايديال زانوسى فى الاسكندريه وسعر المصفاة دى كام؟
وجزا الله خيرا كل من يهتم بموضوعى مقدما وكل عام وانتم بخير وبهنيكم على المنتدى الرائع ده وعلى المجهود الضخم اللى بتقومو بيه ربنا يوفقكم
هو السؤال مش فى الركن الصح ولا ايه؟
السلام عليكم حضرتك بتقصدى المصفاه اللى هى من الاسفل على اليمين ال ممكن تكون مخزنه دبوس او ابره او اى حاجه ممكن تكون فى الغسيل ولا بتقصدى خرطوم الصرف اال رايح للصرف شكرا لحضرتك والسلام عليكم
ايوه يافندم اقصد المصفاة اللى تحت على اليمين اللى جوه الباب الصغير اسفل الغسالة والمقبض بتاعها من بره افتكرت انه كبس ومش هيضره انى اخبط عليه بعصاة خشب بس لقيته فك شويه زى ماوضحت فى الموضوع
جزاك الله خيرا على الاهتمام والرد ويارب تقدر تفيدنى فى الموضوع ده لانى ماعنديش حد يقف مع مهندس الايام دى ومتازمه من غير الغساله
جزاك الله خيرا على الاهتمام والرد ويارب تقدر تفيدنى فى الموضوع ده لانى ماعنديش حد يقف مع مهندس الايام دى ومتازمه من غير الغساله
السلام عليكم اشكر حضرتك لاهتمامك اوكى ممكن انصح حضرتك بلحامه عن طريق انبوبة امير ولكن هذا يحتاج الى خبره فى اللحام حتى يكون متين ولا ينكسر مره اخرى وانصح حضرتك بتغيير المصفاه من عند اى محل بيع قطع غيار زانوسى او اجهزه كهربائيه وعشان تطمئنى خدى معاكى المكسوره وجيبى زيها وخلى بالك هى تفك دائرى ناحية الشمال وتركيبها ناحية اليمين اشكر لحضرتك حسن استماعك والسلام عليكم
وعليكم السلام ورحمة الله
انا اللى باشكر حضرتك على الاهتمام
ان شاء الله اغيرها وخلاص اضمن جزاك الله كل خير
[MENTION=301133]adham505[/MENTION] جزاك الله خيرا على اهتمامك ومساعدتك للاعضاء
السلام عليكم ونحن فى الخدمه طالما ان السؤال فى مجال عملنا وخبرتنا واشكر الاخ الفاضل احمد الديب لاهتمامه ونشكر لكم حسن استماعكم والسلام عليكم
جزاكم الله كل خير وجعله فى ميزان حسناتكم
انا الحمد لله جبت المهندس وركبلى مصفاة والغساله بات زى الفل الحمد لله
السلام عليكم الحمد لله انك غيرتيها وخرجتى من المشكله ونحن فى خدمتكم من خلال مجال عملنا واشكرك واشكر لحضرتك حسن استماعك والسلام عليكم