عشان نفسي ادرس قسم الميكاترونكس
بس بيقولوا لازم يكون ليك وصل كهربا باسم والدك وده مش معانا احنا لينا قرايب كتير في القاهره وممكن نأجر شقه بس برضه مش هيبقي فيه وصل باسم الاب !؟
اولا التحويل بيكون من بعد اعدادى وشرط النجاح
وبرضه مش هيكون ليك كل الاقسام على حسب الجامعة اللى هتحول ليها وغالبا بيدخلوا الطلبة المحولين فى الاقسام اللى محدش بيدخلها
وطبعا شرط التحويل انه يكون محل اقامة الاسرة ضمن التوزيع الجغرافى للجامعة اللى هتحولها
يعنى لازم الاقامة تكون فى نطاق جامعة عين شمس زى شرق القاهرة والعباسية واعتقد كمان انه لازم يكون لمدة معينة اعتقد انها متقلش عن ستة شهور ؟؟ وبعدين ليه لو هتأخر شقة مش هيكون الوصل باسم الاب ؟ لو العداد باسم المالك ممكن تعمل نقل عداد علشان الايصالات تكون باسمك وده من حقك عادى طالما مستأخر بالقانون الجديد لمدة محددة
الافضل انك تسأل فى الجامعة على الشروط وكل التفاصيل لانها ممكن تتغير فى كل سنة وكمان شروط السكن الجامعى برضه تسال فى الجامعة افضل