مكيف سامسونج جديد بيصدر اصوات غريبه


(system) #1

السلام عليكم ورحمة الله وبركاته
لو سمحتوا يابشمهندسين محتاج مشورتكم
اشتريت مكيف سامسونج الشكل المثلث الجديد 18 الف وحده حار بارد ماكس بلص
المكيف سليم من كل شيء الا انه فيه مشكله غريبه حيث انه مع عمل الكومبريسور ودخول الهواء البارد جسم الوحده الداخليه يفضل يصدر اصوات طقطقه من كل مكان في مقدمة الوحده من فوق ريشة توزيع الهواء ، وكذلك لما يقف الكمبوريسور عن العمل والهواء الداخل للوحده الداخليه يسخن يرجع تاني جسم الوحده من فوق الريشه يطقطق . وفي الحالتين صوت الطقطقه عشوائي وبيعلي بشكل يصحيني من عز النوم كأنه طططططططططق وعلي دا الحال من شهرين وطبعا كلمت الوكيل من اول يوم وجاني الفني الباكستاني اللي ما يدري عن الموضوع شيء وكل كلامه ان الموديل دا جديد ومايعرفشي فيه
وفضلت مع خدمة العملاء علي مدار الشهرين شد وجذب
وكلامي معاهم انه واضح في عيب مصنعي فتقفيل الوحده الداخليه لغاية لما استجابو وتمت الموافقه علي تغير الجهاز .
وفعلا تم تغيير الجهاز بجهاز ايضا جديد من تلات ايام ومن اول يوم ونفسسسسسسسس المشكله موجوده
وتعبت نفسيا ومش عارف اعمل ايه مع الأصوات اللي واضح انها عيب فخط الانتاج كله .
واللي بيأكدلي دا الجهاز شاريه من شهرين ب 2800 ريال وكان نازل عليه عرض وقتها من سعر 3490 ريال ، اللي عرفته اليوم ان كمان نزل عليه عرض من اسبوع واصبح بقيمة 2200 ريال !!!

ياربت اللي عنده فكره عن المشكله وكيفية حلها يعرفني بيها .
وايه اللي مفروض اعمله مع الوكيل ده لان بصراحه كرهت المكيف من الازعاج المستمر وقلة راحه من شيء مفروض افضليته فانه مالوش صوت زي مكيف الشباك :confused:


(mohamed) #2

واضح أن عندك مشكلة فى أنهم لم يعملوا حساب لتمدد وإنكماش المعدن المصنوع من الوحدة الداخلية أو زعانف التبريد وهذا يحتاج لفنى من نوع خاص لأن هذه المشكلة فى تصميم الأجزاء وطريقة تثبيتها