أرجوكم مساعدة (كريازي 14 نو فروست)


(system) #1

أرجو الإهتمام لأن الموضوع بقى مزعج جدا … عندنا تلاجة كريازي 14 نوفروست كان فيها مشكلة انها التبريد ضعيف و مابتفصلش … جيه الراجل قال عدم الفصل يبقى ترموستات …غيرها , و كشف على موضوع التبريد قال الموتور بايظ … غيره … و شحن فريون طبعا و شغلها و مشي … أنا لاحظت لما هو شغلها ان الشبكة الخلفية “سربنتينة” حرارتها عالية جدااا عن ما كان بيحصل من يوم ما اشتريناها … و بالليل بعد التشغيل لاقينا الماسورة الخارجة من الفريزر وواصلة للموتور بقى لونها أبيض و عليها فريون زي الثلج , بينقط مايه …بلغناه تاني يوم قال فريون زيادة و جه قلله و لحم تاني … و بعد التشغيل ما فصلتش غير مرة واحدة لحد حوالي 7 ساعات او اكتر شغالة متواصل …قال سيبوها عادي و فعلا بقت كويسة … لحد امبارح لاقينا رجعت تاني مافيش تبريد خالص و الفريزر الحاجة فكت و مابتفصلش برده …جه تاني و قال فيه تسريب زيت من عند الماسورة دي اللي واصلة بالموتور عملها و شحن فريون تاني و لحم … فضلت 8 ساعات شغالة مافصلتش و ببص على الماسورة لاقيتها زي ما حصل قبل كدة كلها فريون/ثلج و بينزل في صورة نقط مياه… (مرفق صورة) …
فا أنا قلقان تعمل زي الأول لأن ماشية ف نفس المسار كدة …

أرجوكم شوروني أعمل ايه


(mohamed) #2

أخى الكريم أما عن عيب ماسورة الراجع والثلج الذى يتكون عليها فهذا فريون زيادة ويجب ضبط الشحنة حتى لاتؤثر على الموتور أما إذا عادت للعطل الأول وهو عدم التبريد أو التجميد فمن الممكن أن يكون بها ثقب يتم تهريب فريون منه مع مرور الزمن ونفس العطل ممكن يحدث لو أن الهيتر أو التايمر أو الثرمو ديسك بهم أعطال مما يتسبب فى تكون الثلج على زعانف التبريد الداخلية مما لايسمح بمرور الهواء بينها ويسبب عدم جودة التبريد ونفس العيب ممكن مع سدد أنبوب تصريف المياه من الفريزر أثناء عمل الهيتر فهذه كلها أسباب لعدم التبريد الجيد وتحتاج إلى فنى متخصص ليحدد أيهم سبب العطل وأرجو لك التوفيق