طلب مساعدة

أنا مهندسة إنتاج متخرجة من جامعة المنصورة دفعة 2015 بمقبول
أنا لسة متوفقتش فى شغل و بدورر لسة بس حبيت أسألكم إيه اللى ممكن أعمله عشان أحسن من وضعى و فرصتى فى الشغل تبقى أحسن ؟؟؟
هقلكم أنا فكرت فى إيه بالتسلسل …
أنا فكرت مثلا فى دبلومة ال [FE , PE] بس لقيت إن الموضوع مكلف و محتاج وقت كبير …
و فكرت مثلا أخد دبلومة من ميكانيكا باور …
و فكرت فى كورسات النقابة إنى أخد solid works or Hvack…
دلونى من فضلكم و إنصحونى و إقترحوا عليا لإنى محتاجة أشتغل …
و شكرا مقدما لكل اللى هيساعد

شوفي يا باشمهندسة، هو مش شرط إن الموضوع مرتبط بتقدير أو بغيره، بقدر ما هو مرتبط أكثر بتوفيق الله.

شوفي آيه المجالات اللي ممكن تناسب ظروفك وطبيعة شخصيتك وركزي عليها شويه.

تواصلي مع الناس كلها ودوري على شغل. طبعاً البرامج الحاسوبية سواءً كانت في مجال التصميم أو الإنتاج هاتكون مفيدة جداً، برنامج سوليدووركس رائع جداً، أي برنامج سي إن سي هايكون بردو مفيد جداً، ذاكري شويه في تشكيل المعادن “ميتال فورمنج” وتشغيل المعادن وأنواع ماكينات التشغيل، السماحيات والخلوص. طبعاً لو أخدتي شهادت في هذه الدورات هايكون مفيد بلا شك، بس ما تضيعيش فلوسك عليها إلا إذا كان فيه فرصة حقيقية، لأن خبرة شهر واحد في العمل ستعادل دورتين مما ينفق عليهم بالآلاف.

أظن دوبلومة PE (Professional Engineer) أو دبلومة FE (Fundmental Engineer) لو كنت فهمت الاختصارات صح، فأظن أنها ستحتاج خبرة عملية من أجل الحصول على اعتماد، وعليه فلا أرى فيها فائدة الآن.

على ما أعرف (نظراً لكوني خارج البلد) أن ظروف العمل ساءت كثيراً، فالموضوع يحتاج لصبر، ومادام لايزال هناك 4 شهور على ما تتخرج دفعة جديدة فلا تيأسي. أنا كنت ثالث دفعتي (جيد جداً مع مرتبة الشرف) ولم أعمل عملاً مستقراً إلا في مثل هذا اليوم بالفعل 14 فبراير من 11 عاماً :slight_smile:

المهم لا تنظري للراتب كثيراً في البداية، فالبداية دائماً صعبة، لكن بعد كده ربنا بيسر الأمور إن شاء الله.

ألف شكر يا هندسة في دفعة أمل
و بالنسبة لل FE and PE حضرتك فهمت صح و أنا فعلا عرفت إنى لازم أخد سنين من العمل الفعلى تحت إشراف مهندس معاه ال PE و دى هتحتاج وقت طبعا