اقتراح ...يارب يعجبكم يارب؟!


(system) #1

السلام عليكم ورحمة الله وبركاته :
ازيكم اخباركم ايه اخواني واخواتي في الله .
عندي فكرهاقتراح يعني كده …
ايه رايكم لو كل واحد كتب موقف محرج حصل له مش شرط محرج ممكن محزن … وهو عمل ايه وايه ردة فعله … او اي موقف حصل له واثر فيه ولازم يكتب هو اتعلم ايه من الموقف ده او ايه الفائده اللي اخذها من الموقف ده علشان كلنا نستفيد…
لازم كل واحد يدخل يقرأ الموضوع لازم يكتب موقف له علي الاقل …
يعني عادي نوع من انواع الترفيه شويه ونستفيد من بعض ونتعلم ونمرح شويه مع بعض




يلا هاستني ردكم ومواقفكم الحلوه
في رعاية الله وحفظه يا اخواني واخواتي في الله


(المهندس) #2

هههههههههههههه
يابشمهندسه عاشقة الحجاب انتى عامله عرض للموضوع بس ولا ايه
المفروض اللى يكتب موضوع يكون هو اول الشخصيات اللى تتكلم عن نفسها فيه
يعنى احكى انتى الاول عن موقف محرج حصلك وبعدين نبدأ نحن


(system) #3

و انا مش فاكره وقلت انتو تكتبوا الاول علي ما افتكر انا وبعدين اكتب وبعدين دخل علي الموضوع الان 9 اشخاص تقريبا ومفيش حد كتب حاجه ليه؟؟؟؟؟؟؟؟


(system) #4

طيب علي العموم انا هابدء يلا
موقف محرج حصل ليا:
كنت مره في معمل الفيزياء بعمل تجربه انا ووحده صحبتي كانت مراجعه قبل الامتحان ووصلنا عند تجربة الصوت بتاعت الشوك الرنانه وبعدين انا وصحبتي كنا ناسين احنا بنبداء ازاي ووقفنا امام التجربه نفتكر وكانت التجربه عباره عن مخبار فيه ماء ومدرج وفيه ابوبه مفتوحه من الجانبين اكيد كلكم عارفينها المهم كان بيبقي في التجربه مسطره هي اللي بنقيس بيها واحنا كنا نسينها خالص والتدريج اللي علي المخبار احنا مش بنستخدمه اصلا في التجربه كلها فالمهم واقفين امام التجربه متلخبطين احنا بنقيس بالمخبار ايه ؟ فابعدين شافنا واحد مهندس مش معيد طالب عادي بس احنا ما نعرفش انه طالب، كان واقف بعيد عنا كده شويه وانا وصحبتي بس امام التجربه لواحدنا، بس احنا ماكناش عارفيينه فهو حب يساعدنا لما لقانا متلخبطين بس بطريقه ظريفه جه علي هية سؤال قال : هو احنا بنعمل ايه بالمخبار بنقيس بيه ايه ؟ فقلت له والله انا مش عارفه ! قال : احنا اصلا مش بنستخدمه !؟ احنا بنقيس بالمسطره !
قلت له: اه طيب شكرا ، فهو كان زوق اوي صمم الا ويشرح لينا التجربه وانا مش عارفه اذا كان هو معيد ولا طالب المهم شرح التجربه قلت له شكرا خلاص فقال المفروض يكون في 3 شوك رنانه 2 معلومين ووحده مجهوله ماشي
المهم وبصيغة الامر قام قال لصحبتي روحي رجعي الشوكه دي اللي هي مجهوله وهاتي شوكه تانيه معلومه يلا وصحبتي زي الشاطره سمعت الكلام وراحت وسابتني رجعت الشو كه وقعدت تضحك علي من بعيد:sm239: وانا محرجه جدا وبعدين رجعيت قام هو كمل شرح وبعدين قلت له شكرا قالي فهمتي قلت اه فهمت وانا من الاحراج ما فهمتيش اوي // قال : اعمليها يلا التجربه قلت له خلاص مش مشكله ما انا فهمت خلاص وهو مصصم الا واعملها امامه //وانا عايزه اخلص قمت عملتها ومن اللخبطه والاحراج قمت ضربت الشوكه صح بس حطيتها غلط عند الانبوبه فهو قال : لاء مش كده كده غلط وقالي : شكلك ما فهمتيش قام جاب ليا واحد صحبه كمان قاله : هي مش فاهمه التجربه اشرحها ليها وهو كمان معرفوش قعد يشرح التجربه تاني وانا مش عارفه اعمل ايه قالي فهمتي قلت له :والله العظيم فهمت قام بعد ماحس اننا محرجين قال :طيب وقلت له : شكرا جزاك الله الف خير
هو الموقف يعتبر عادي بس السبب في الاحراج هو اني بطبيعتي مش بقف مع اولاد ولا بتكلم معاهم الا نادر وفي حاجه هامه تبع الدراسه فقط مش علشان حاجه بس حياءا بس …
وبالاضافه الي كده انا كمان معرفوهوش وهو دخل في الموضوع علي طول وشرح من نفسه من غير ما اطلب منه بس علشان مظلموش هو والله كان زوق وشرح باحترام كان هدفه انه يفهمنا بس مش اكتر بس انا اتوقع لو كنت اعرفه او معايا في السكاشن كان الموضوع ها يبقي اهون من كده علي اساس اني شفته بس …
هو مشي هو وصحبه وصحبتي انفجرت ضحك عليا وانا كان وشي ده خلاص
وبعدين قلت مش عامله التجربه دي خلاص ومشيت وخليت التجربه من غير ما اعملها وطول اليوم قعدت اضحك كل ما افتكر الموقف ده بس خلاص عدي الحمد لله
والتجربه دي ما جتش ليا في الامتحان اصلا الحمد لله
بس انا قلت موقف ليا اهو ما لكوش حجه بقي قولوا انتوا اذا حبيتوا او لو مش حابين خلاص
سلام

(system) #5

ماشاء الله الي الان اكتر من 22 شخص دخل وشاف الموضوع محدش بيرد عليا ليه؟؟؟؟؟؟؟؟؟ طيب قولوا اي حاجه ده انا لسه جديده في المنتدي
معقول كل اللي دخلوا دول محاصلش ليهم اي موقف ابدا طول حايتهم طيب اي تعليق طيب لو محصلش ليكم قولوا محصلش لينا اي موقف اي حاجه يعني ردوا بس عليا. …
انا زعلانه جدا جدا بجد محدش بيرد عليا في اي مواضيع …
طيب لو الفكره مش عاجباكوا حد يقولي وانا اخذ بالي اني يعني
طيب خلاص :sm216: شكرا


(system) #6

طبعا نسيت اشكر المشرف msobhy98 مشرف الميكانيكا لانه الوحيد بجد اللي بيرد علي كل مواضيعي حتي ولو مجرد رأي بس بيرد عليا شكرا لك وجزاك الله عني خيرا


(system) #7

:sm216:


(Eng fatma) #8


اهلا اختى عاشقة الحجاب
متزعليش من عدم الردود بس هى المشكلة ان الواحد بس مش بيبقى فاكر موقف يحكيه مع ان المواقف كتيرة


عموما انتى فكرتينى بموقف قريب شويه من موقفك يشترك معه فى الاحراااااااااج

بردو كنت فى معمل الفيزياء وبعدين واحدة من صاحبتنا (ع) حست انها تعبانة شويه

استاذنت وخرجت مع واحدة تانيه من صحباتنا (أ)

شويه ولقيت صاحبيتنا(أ) جاية تجرى تنادينى علشان (ع) وقعت منها فى الطرقة

(هى نادنى انا بالتحديد علشان انا من بلدها علشان نروح يعنى)

استاذنت من المهندس واخدنا الشنط وجرينا

روحت لقيتها دايخة شوية (كان البنات فوقوها) والبنات حوليها وبيفتحو ليها باب عربية

وانا واقفة مش فاهمة حاجة (عربية مين دى ؟؟ وهى بتركبها ليه؟؟ )

و(أ) بتقولى يلا اركبى علشان تروحو

المهم اللى احرجنى :

مسكت الباب وبكلم (ع) وعمالة اقواها : مين دة؟ مين دة؟

شاوريتلى كدة وحركت شفايفها (ماهى تعبانة بقى): مش عارفة

قولتلها : مش عارفة؟!!! يادى المصيبة وبتركبى العربيه كدة وخلاص مش تعرفى مين على الاقل

(كل الكلام دة وانا مش واخدة بالى هو سامع ولا لأ)

سألت البنات قالولى





دة


الدكتور : (ف)


انا اتخرست خالص وقعت وانا ساكته

بعدين خرجنا من الكلية بالعربيه وقف قدام سوبر ماركت ونزل

بعدين رجع بشوية عصاير ومصر نشرب

(يادى الاحراج) لا لا يادكتر مش كدة و…

المهم فتحتلها علبه وخلصنا من الموضوع دة

لمابقى قربنا نوصل قولتله خلاص يادكتور هننزل هنا

قالى لا لازم اوصلكو لحد البيت

خلا ص يادكتور شكرا دا البيت بعيد والطريق ضيق

مالكوش دعوة طبعا لا لازم اوصلكو

دخل البلد ومشينا شويه (وانا محرجة جدا وصاحبتى طبعا بس تعبها ملهيها)

قولتله احنا هنكمل

كبسنى وقالى: انتو بخله ولا ايه؟؟

ووصلنا لحد البيت

احنا نزلنا من هنا هو راح راجع بالعربية

يادكتور اتفضل … طيب تعالى شوية … ميصحش كدة…حضرتك فى ب

المهم مشى

بس والله عمرى مانسيت الدكتور ده مع انى مشفتهوش من وقتها ومدنيش خالص

والله راجل محترم جدا

يلا اهو عدى الموقف دة من3 سنين الحمد لله

وغيرة كتييير

وعلشان متزعليش ( اصل احنا منقدرش على زعلك) هقوللك موقف اكيد اتكرر مع ناس كتير

بردو فى معمل الفيزياء

وكل واح مشغول بتجربته

اللى بينادى: يابشمهندس لو سمحت(علشان يشرحلو حاجة مش عارفها)

واللى بيتناقش مع زميله فى التجربه

واللى ماسك ساعة الايقاف وبيحسب الزمن

واللى …واللى…واللى…

وفجأة

بووم

والمعمل هس هس

وحصلت قفله

واللى عمل الافلة والفيشة بتاعته فرقعت واقف وحاطط ايدة على قلبه وبيتنهد تنهيدة كبيرة وبيقول الحمد لله

ويسكت ويلاقى الكل باصص ليه والصمت مالى المعمل

وبعدين المعيد يظبط الموضوع (ماهو واخد على كدة)

وكل واحد يرجع ينشغل فى حاله وكأن مافيش حاجة حصلت

الحمد لله

مبسوطة ياستى.؟؟؟؟؟؟؟


(system) #9

شكرا ليكي اختي في الله
جزاك الله خيرا انا مبسوطه انك ردتي عليا جدا جدا



فعلا موقف محرج جدا اللي حصلك الاول ده بس شكرااااااااااااااااااا


(blue zero) #10

أكيد لي عودة

:slight_smile:


(blue zero) #11

فكرة روعة يستاهل التثبيت

وليس عودة قريبا عشان احكي موقف طريف حصلي

تقبلوا تحياتي


(system) #12

ماشي شكرا ليك كتير جدا جدا ايها المشرف blue zero

جزاك الله الف خير يارب تكون الفكره عجبتك بجد


هاستني موقفك الحلو اللي حصلك



انا في الانتظار

شكرا علي ردك وان الموضوع عجبك واختارته للتثبيت
شكراااااااااااااااااااااااااااااااا


(system) #13

اين انت ايها المشرف blue zero انا في انتظار موقفك الحلو هو فين ؟؟؟؟

مازلت انتظر الموقف ؟؟


بس لا تكون نسيت ولا حاجه تبقي مشكله تانيه دي


(blue zero) #14

معلش مشغول شوية ,

خلينا نشوف موقف ,

مرة كنا في الحديقة مع الأهل من زماااااااان

المهم اخدت الفلوس ورحت لبائع الإيس كريم , المهم انا عشان اوصل السيارة كان ميافة دقيقتين مشي كده ,

المهم وانا راجع مس عارف الخريطة في دماغي لخبطت , لأن الحديقة دي ما جيتهاش قبل كده ,

المهم قعدت أجري , وأجري وانا فاكر اني ماشي في الاتجاه الصح , وأهلي ينادوا علي , وانا مش سامعهم لأني خلاص بعدت 100 متر ولا حاجة , هههههههههه , المهم وانا شايل الايس كريم وبجري (( ايس كريم بسكوت كونو )) كنت عامل زي اللي بيشيلوا شعلة الألعاب الاولمبية ,

طبعا بعد خمس دقايق جري مش مشي , الأيس كريم كله ساح , وانا تهت , والموقف بايخ خالص , الضظاهر أن الحر الشديد هو السبب خصوصا اني يوميها ما نمتش كويس ,والشمس كانت منورة على اآخر وقت الظهر ,

أدركت بذكائي الخارق (( غبائي )) أني لازم ارجع في الطريق لمعاكس , رجعت جري برده , عشان الاقي التهزيق الشديد , بيقولوا ما عندكش تركيز وكلام من ده , ههههههه ,

في مواقف تانية , لكن اوعدك لما اكون فاضي اكتر اخبركم بيها ,

تحياتي ,

:slight_smile:


(system) #15

هههههههههههههههههههههههههههههه

موقفك حلو جدااااااااااااااااااااااا

ماشي هانتظر باقي مواقفك بس لما تفضي بقي برحتك

شكرا اااا لك

جزاك الله الف خير يارب