الحقونى يامهندسى انتاج


(soniaking) #1

السلام عليكم
انا فى الفرقه الثالثه حاليا قسم ميكانيكا انتاج وكل مره اقول ان الاجازه جت وحعمل وحسوى ولكن بتعدى الاجازه ورا الاجازه بدون ماعمل اى شىء ارجو من مهندسى انتاج معرفة اهم الكورسات اللى ممكن اخدها واللى حتتطلب منى فى اى شركه اقدم فيها بعد ماتخرج واحسن الاماكن اللى ممكن اخدها فيها
وجزاكم الله خيرا


(prof.shetos) #2

السلام عليكم
انا طالب بالفرقة الاولى قسم ميكانيكا انتاج وبحاول انى اطور نفسى واخد الكورسات
انا سألت زمايلى اكبر منى قالولى اننا بنحتاج autocad وmatlab ممكن بنحتاجه ف المشروع
وفيه برضه كوسات catia , cadcamبس دول ممكن تاجيلهم شوية
ده طبعا غير كورس اللغة الانجليزية ويستحسن لو فيه لغة المانية كمان
بالنسبة لأماكن الكورسات موجودة فكلية الهندسة جامعة القاهرة والكورسات هتبدأ 1/7
وبالنسبة للانجليزى ممكن ف الجماعة الامريكية او ف المعهد البريطانى
ويارب اكون قدرت افيدك عموما اسال ناس تانية ولو وصلت لحاجة غير دول ياريت تبلغنا


(Eng.amraleem) #3

السلام عليكم
يا أخى العزيز، بالنسبة للكورسات المطلوبة، تنقسم إلى حاجتين:
كورسات software مثل:
AutoCAD
Matlab
CAD software as: Inventor, Solidworks, UG NX, Pro/Engineer
Programming language as: Visual Basic.net, Visual C# , …etc
أما بالنسة للكورسات العملية:
Hydraulics & Pneumatics
Control
Welding processes
CNC machining
PLC
وغيرها …
ممكن تأخذ هذه الدورات فى معهد الدونبوسكو (الساليزيان) بشبرا بأسعار معقولة


(sectorxf) #4

الحياة العملية تفرض عليك الكثير من الاشياء التى لم تدرسها فى الكلية فحاول اختيار تخصص الاول و بعد ذلك كل البرامج هى فقط و سائل مساعدة .
مثلا
لو عملت فى مجال صناعة البلاستيك لن تجد اى من البرامج التى تدرسها علاقة بذلك
حاول ان تدرس الاساس
1- الكمبيوتر
2-الانترنت
3-اللغة الانجليزية
مما يساعدك فى اى مجال او اى تخصص
و اللة اعلم


(soniaking) #5

الف الف شكر على هذه المعلومات وجزاكم الله خيرا


(elbassiony) #6

نصيحة من أخ :
خد كورس في Autodesk Inventor V.11 أوعى في جامعة القاهرة مع إحترامي الشديد للجامعة ولكن مواعيد بدء الكورس وعدد المتدربين مفيش فرق بينهم وبين عم عبده الورشجي لكن كعلم هم كويسين (بس مش معجزة) اسأل عليه في مركز YAT
وده أحسن برنامج رسم هندسي على الاطلاق واسهلهم وأبدعهم وأكتر البرامج اللي أوتوديسك بتطورها دايما عشان تصدر ملفات للبرامج التانية

النصيحة التانية:
خد كورسات في الأكاديمية المصرية للحام أيام معدودة ومعتمدة من معهد اللخام الانجليزي TWI

النصيحة التالتة:
لو بتتكلم عن أجازة يعني لو أي كورس خد منك 3 أيام في الاسبوع يعني ممكن تاخد كمان لوحبيت على التوازي كورسات في اللغتين انجليزي(الجامعة الامريكية أو المعهد البريطاني أو أي معهد انت مهندس مش مدرس انجليزي مش لازم شهادة اللغة من مكان عالي الا لو مرتاح ماديا أوك) أو ألماني (معهد جوته بسسسسسسسس)

انا تعبتلك…
بس بجد انا بتمنالك اللي بتمناه لأخوية الصغير

طبعا مش هوصيك تدرب في أيييييييييييي مصنع بيخدم صناعة السيارات لأن هو ده تقريبا المستقبل في الانتاج والجودة دي بقى انت واتصالاتك وحاول تقرأ في تشكيل الـsheet metal ولحامه
أخر وصية لو طلت انك تنجز من غير ما تضيع وقت قبل ماتخلص الكلية لأن صدقني لو إكتفيت بالكلية أخرك 600 جنيه في الشهر
مش معنى كدة اللي انا قولته بس هو اللس هسطورك ولكن على الأقل دول ممكن يخلصو السنة دي
بالتوفيق يا هندسة


(elbassiony) #7

نسيت أقولك حاجة مهمة بس والله هو مش أكتر من مهندس عرفته إسمه المهندس خالد لو تسمحلي الادارة أتركلك رقم موبايلو
المهندس ده من أكفئ المهندسين في برامج الCadCam وتشغيل ماكينات ال CNC بجميع موديلاتها وانواعها


(elbassiony) #8

على فكرة مع احترامي للاعضاء
كفاية Autodesk inventor بس كبرنامج cad cam أو مثيله وباقي البرامج نسخة من بعض مافيش داعي تضيع اثناء دراستك أو حتى اجازتك وقتك في برنامج كاد كام تاني

وكمان مع احترامي برضه أهمية البرمج بالنسبة ليك كمهندس انتاج لا تستدعى انك تاخد كورس كفاية عليك تقرأ فيها بس مش بقلل من شأن البرمجة (انا مبرمج غير اني مهندس) بس على فكرة أنا كل الحكاية انت فاضلك وقت يادوب تخلص حاجات انت هتحتجها فعلا من أول ثانية في شغلك كمهندسسسسسسس أوعى تكون بتاع كشري
إعرف كل حاجة بس اتخصص في مجالك أكتر لأن البرمجة زي قيادة السيارة باضبط شهر واحد قابلني لو افتكرت كود ده لو انت معرفتش ان البرمجة بحرها وااااسع ملوش أبدا أي لازمة شوية البرمجة اللي تتعلمها مش تقليل من شأنها وانما عشان وقتك يا هندسة

بس فعلا الهيدروليك والنيوماتك مهمين واعتقد حاول تعمل كونتاكت مع مصنع اللؤلؤة في 6 أكتوبر كتدريب هينفعك في المجالين دول