ارجو مساعدتكم فانا بحاجة اليكم يعلم ربي!

اعرفكم بنفي
محمد الخطيب
نجحت الحمد الله السنة ده
في اعدادي ورايح اولى
وكان نفسي اروح باور بس طبعا كانت لاسباب وطبعا اول حاجة منكرش حبي لقسم انتاج وبالذات المادة اللاخدتها في اعدادي وهيا انتاج كنت بستمتع لما بقراها بل اكتر مادة استمتعب بيها لما كنت بقراها
بس طبعا نظرا لان التنسيق بتاع باور اكبر من انتاج
وغير كده الناس بتوع باور بيقللوا من اهمية بتوع انتاج فحزنت
فهل يا جماعه فعلا انتاج تخصص ملوش لازمة
وان كان ليه لازمة
ياريت تجاوبوني
ما هي ميكانيكا انتاج؟
وبتتكلم عن ايه وبنشتغل فين وايه نصايحكم لمهندس بيبدأ يطلع اسلحته لمعترك الحياة
اسال الله النجاح ولافلاح لما يحب ويرضى
ارجو الرد فانا بحاجة اليكم فقد ملا قلبي الحزن ولم ارى من يستطيع ان يرحني
فارجو من الله ان يهديني بعض الاشخاص الذين بامكانهم ان يحسسوني بهيبة هذا القسم ومكانته امام الاقسام الهندسية اجمع
لكم خالص مودتي وتحياتي الت تنبع من اعماق قلبي
دمتم بود

السلام عليكم ورحمة الله وبركاته
أولا مبروك يا عم محمد النجاح ثانيا انا حاسس ان انت شايف انك غلطت فى اختيار القسم وانك كان احسن تدخل باور فهنا اول اعتراض انت ما كنش قدامك فرصة المقارنة عشان تحاسب نفسك انت اجبرت انك تدخل انتاج عشان المجموع واكيد اكيد ده الخير ليك والخيرة فيما اختاره الله فديه اول نقطة
ثانى نقطة انت مش حاسس بأهمية القسم انا فى الاول انا مهندس باور او بالأصح مشروع مهندس باور المفروض انه الفنيش بتاعه يبقى السنة الجاية انا هكلمك عن اهمية انتاج اللى انا شفتها من خلال الدراسة والتدريب
بص بقه يا سيدى انا مش عارف انت سمعت الكلام ده قبل كده ولا لا الغرب من يوم ما اتحكموا فى الدراسة والمناهج اللى بندرسها ادولك المواد اللى انت تطلع منها مهندس صيانة هما يجيبوا المكن انت تشترى تشغل حاجة باظط انت اكبر طموحك ان انت ترجعها زى الاول بس دا كل شغل هندسة وفى الاخر ابتدينا نجمع عربيات فى مصر تكيفات من الاخر احنا صنايعية على المكن اللى جاى من بره طيب فين شغل هندسة فين التعديل على المكن ده فين اصلا انتاج المكن ده كل ده معدوم فى مصر ليه . عشان عدة اسباب اولا وده اللى انا شفته فى تدريب لحام الماتريال وشغل اللحام انت ما عندكش المادة اللى تنتج بيها وبره مش هبل عشان يديك ماتريال تعمل بيها حاجة هما زى ما قلتلك فى الاول يدوك الماكنة ومانيوال عشان تعرف تستخدمها واحد صاحبى كان حاول يعمل مشروع عارف كان مشروع ايه شنط التصميم بتاعها جامد وعنده مصنع صغير كان فاضله الماتريال حاول بشتى الطرق انه يستورد ماتريال لكنه فشل عشان هما مش هبل احنا بس اللى بنصدر ماتريال عشان مبدأ قضيها الناس لبعضيها واطر انه يعمل بماتريال تعبانة انتاج محلى بس دا واحد كان فكره انه عاوز يعمل حاجة ويشغل الناس تخيل موضوع زى ده كان مش كان فى كام واحد هيشتغل من وراه انا شايف اكبر مشاكلنا فى مصر والوطن العرب كله الماتريال احنا بس الوحيدين اللى بنصدر مواد خام احنا عندنا كفاءات علمية جامدة جداً بس … الحمد لله , صدعتك بس يا رب اكون وصلتلك اهمية الماتريال وشغل انتاج نيجى لحتة انت هتشتغل فين : اى مصنع انت ممكن تشتغل فيه يعنى يبقه فى خط انتاج , انت بتاخد ماتريال بتدخلها على خط انتاج مسئول قدام المدير ان انت تخلص ععد معين من المنتج خلال فترة معينة وفقا لخطة الانتاج اللى انت بتبقه مشارك فى وضعها يعنى مسئول عن كمية الماتريال اللى هتطلب وعن العمال اللى تحت ايدك ازاى تتعامل معاهم وعن تخليص المشاكل بتاعتهم وعن الفترة الزمنية اللى هتسلم فيها المنتج وعن صيانة المكن اللى شغال عليه يعنى تقريبا بيبقى خط الانتاج بيبقى قايم على مهندس الانتاج هوه طبعا ما بيبقاش لوحده بس اغلب الشغل عليه وأخيرا حاول انت واصحابك فى القسم ان انت تحاول تبتكر حاجة ما يبقاش فكرك كله انك تقلد وربنا معاك سبحانك اللهم وبحمدك نستغفرك ونتوب اليك

أولا: أهنئك على دخول هذا القسم الجميل الذى أتشرف بأن أكون فى السنه النهائيه به.
ثانيا: لا تلتفت حتى لأى فرد فى قسم باور يقلل من شأن إنتاج فإنتاج مجاله أوسع عشرات أضعاف باور.
ثالثا: لا يوجد مصنع يخلو من مهندس انتاج من مصنع ابر الخياطه حتى مصانع الصواريخ.
رابعا: مهندس الانتاج مسؤل عن تصميم أو متابعه التنفيذ أو الجوده أو التخطيط للمنتج أو اثنين أو أكثر من المهام السابقه حسب قدراته و خبراته.
خامسا: هندسه الإنتاج هى الأقرب للواقع العملى من كل التخصصات الأخرى و الأوفر حظا فى مجال التدريب.
سادسا: إن أردت أن تكون مهندس إنتاج ناجح فلابد أن تأسس نفسك فى مواد حيويه مثل: الإنتاج و التصميم و الميتالورجى هذا بالإضافه لإجاده برنامج اوتوكاد وإلى جانبه برنامج مثل اينفنتور او سوليدووركس و لا تنسى التدريب العملى فى المصانع.
سابعا: أن تحصل على تقدير مقبول و أن تفهم المواد التى تدرسها خير من أن تحصل على إمتياز بالحفظ و الصم
(وإن كان فى جمع الإثنين خيرا كثيرا)

ثامنا: أن كان لديك أى سؤال أو إستفسار لا تتردد فى السؤال…وفقك الله

دخلت هذا المنتدى بالصدفه اليوم وقررت الدخول على هذا الموضوع فقط رغم عجالتي

أنا طالب هندسة - قسم ميكانيكا في السعودية

أحد الدكاترة لدينا تخصص إنتاج ميكانيكا ومن مصر

كان معي في السيارة أحد الأيام

وبدأنا بالتكلم عن قسم الميكانيكا وخصوصاً قسم الإنتاج

وقال أن هذا القسم رائع جداً ولكنه مجهول عند الناس ومنتجات هذا القسم تجدها في كل مكان

وكان يتحدى أن تجد مكان يسكنه البشر لم يتواجد فيه منتج من منتجات ميكانيكا إنتاج

ولا تقوم الهندسة من دون قسم إنتاج

فلنتخيل مثلاً قسم الباور والذين يقللون من قسم إنتاج

هل تستطيع التوربينه العمل من دون تحمل حرارة الإحتراق ؟!
بالطبع لا, إذا متخصصي الإنتاج من قام بعمل هذه المواد وتهيئتها للعمل في ظروف صعبه جداً ومن ثم أتى متخصصي الباور وأكملوا المهمه

ولنرى الإلكترونيات, هل يستطيع مهندسي الإلكترونيات عمل أي شي من دون شراح إلكترونية ؟!

بالطبع لا, فكل أعمالهم على الورق فقط, إذا متخصصي الإنتاج من يقوم بصناعة الشرائح على حسب متطلبات متخصصي الإلكترونيات

ودائماً نرى منتجات الميكانيكا في كل مكان

أبسط مثال, الأطعمة المعلبة كلها عملت من قبل متخصصي الإنتاج
جميع النتجات البلاستيكية
جميع الأجزاء والتي يستخدمها الميكانيكيين وكل المهندسين من قام بعملها لهم ؟!

مهندسين الإنتاج أساس قوي وكبير في الهندسة والهندسة لا تستقيم من دون متخصصي الإنتاج

في المستوى الماضي درست مادة أساليب التصنيع manufacturing processes فعلاً مادة رائعة وممتعه وتتكلم عن الأساليب المستخدمه بتصنيع كل ما تراه أمامك بالحياة من أساليب تقليدية وأساليب حديثة

وبالطبع متخصصي الإنتاج يدرسون الخواص المؤثرة على منتجاتهم والقوى المؤثرة

فمن يقلل من شأن قسم الإنتاج إعرف أنه إنسان جاهل فعلاً ولا يعرف شيئاً عن قسم الإنتاج وإلا لو كان يعرف ويعي ما يقول لما قلل من شأن هذا القسم القوي

وبالنهاية أتمنى لك كل التوفيق في حياتك العملية والعلمية ونراك من أكبر المهندسين بإذن الله

السلام عليكم ورحمه الله وبركاته اسمى عمرو مهندس ميكانيكا انتاج من مصر اولا مبروك على النجاح وان شاء الله كل السنين القادمه بنفس التفوق والنجاح ان شاء الله

بالنسبه لمجالات هندسه الانتاج متعدده , انا هاكلمك بالنسبه لمجالى هو (cad/cam)

هو عمليه التصميم باستخدام الكمبيةتر وعمليات التصنيع باستخدام الكمبيوتر فى صناعه الاسطمبات البلاستك والdie casting وتصنيعها باستخدام ماكينات ال cnc

هذا المجال مجال متقدم جدا ويحتاج دراسه بعد الكليه ويحتاج معرفتك باستخدام برامج ال cad/cam

وليس ال cad/cam مقتصر على تصنيع الاسطمبات فقط بل له مجالات اخرى متعدده مثل ال sheet metal fabrication و وتصميم الماكينات ومن افضل برامج ال cad هو solidworks

كما من اوسع التطبيقات لل cad /cam هو ال customer product
هو ان فيه عميل عايز يصمم منتج معين وعايز يعرف هايقدر يستحمل الاجهادات الواقعه عليه ولا لا او يعمل simulation لماكينه كامله وفيه تطبيقات كتير اذا كنت مهتم بالموضوع ده ربنا يكرم واحاول افيدك وربنا يكرمك فى دراستك وحياتك العمليه ان شاء الله