استعلام: معرفة افضل قوة موتور مياة للدور 12

السلام عليكم ورحمة الله وبركاته اخوانى الكرام…
انا عندى استفسار مهم بخصوص تركيب موتور مياة للدور 12 لا العمارة فيها ميزانين واتمنى من اهل الخبرة ان يساعدونى فى معرفة المطلوب.
انا هعمل وصلة من مدخل العمارة بعداد جديد بعيدا عن العمارة ورحت سالت واحد بتاع ادوات صحية قالى هتحتاج موتور 1 أو 3/4 حصان هيبقى حلو اوى… وسألت فى شركة بيع مواتير قالى مش أقل من 3 حصان وطبعا بالنسبة ليه عايز يبيع المنتج اللى عنده وتكلفته حوالى 4900ج (مش كالبيدا طبعا ولا أسير) وانا عايز اعرف دلوقتى الاتى عشان احدد واقدر ابدأ فى التنفيذ فى اسرع وقت…

  • يلزم موتور كام حصان لرفع المياة للدور 12…؟
  • ايه الافضل ليا (نظام اتوماتيك ولا نظام بالونة وكدا ؟)
  • ايه مقاس المواسير اللى هجيبها (مع العلم ان عندى المواسير فى الشقة 3/4 بوصة BR) ؟
    + هل ممكن اجيب الموتور 1 حصان ولا هيبقى ضعيف …؟
    لو فيه اى نصائح اخرى ياريت لا تبخلوا علينا فيها يا جماعة لو سمحتوا

تحياتى لكم

بسم الله الرحمن الرحيم
وعليكم السّلام ورحمة الله تعلى وبركاته
مرحبًا بكم أخي م. عمرو؛ بين إخوتكم في مُنتدى المُهندس.

حقيقة ليس لي بهذا التّخصّص؛
عليه ستتمّ الإحالة لأخي المُبارَك م. أحمَد؛
للتّوجيهِ مأجورًا.
@ahmedeldeep
وفّقكم الله.

جزاك الله خيرا مهندسة سناء على الدعوة ولكن للاسف ليس لدي خلفية علمية عن الموضوع تمكني من الاجابة على السؤال

يمكن استخدام البحث في المنتدى هناك الكثير من المواضيع المشابهه

إعجاب واحد (1)

السلام عليكم ورحمة الله وبركاته

اخوانى الكرام… انامتشكر جدا على ردك بس اكيد يا جماعة انا داخل هنا لاهل الخبرة لانى احترت فى امرى بصراحة وعايز حل … ارجوكم سريعا

إعجاب واحد (1)

تم نشر سؤالك على صفحة المنتدى فى الفيس بوك

إعجاب واحد (1)

بالنسبة للموتور بيهمك الضغط اللي تعطيه المضخة أكثر من استطاعة الموتور وإذا في موتور 1 حصان و بيعطي ضغط من 50 - 60 متر بيكون كافي و بيشتغل معاك و بالنسبة للمواسير الأفضل بتركب 1 أنش و استخدم نظام اوتوماتيك

إعجابَين (2)