ايه احسن قسم قوة كهربية ولا اتصالات والكترونيات كهربية



ممكن لو سمحتوا حد يقولى ايه احسن قسم قوة كهربية ولا اتصالات والكترونيات كهربية؟؟؟؟؟؟؟؟؟؟؟
ولو ممكن معلومات عن كل من القسمين؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟

يرجى المشاركة فى المكان المناسب وللعلم تم نقل الموضوع

أنا أسفة علشان وضعت السؤال مش فى مكانه بس أنا جديد فى المنتدى ومكنتش عارفة أكتب السؤال فين؟؟ وإزاى؟؟؟
فكتبته فى أى مكان…

اولا مبروك على الانضمام الينا في هذا المنتدى وهذا القسم

ثانيا انا شايف ان مهندس الكترونيات واتصالات احسن من وجهة نظري ولكن السؤال ميبقاش كده السؤال موجه اليكي انتي ميولك ايه للاكترونيات واتصالات ولا للكهرباء القوى

وللعلم ان مجال الالكترونيات والاتصالات يعمل في الجهد المنخفض اما الكهرباء القوى فيعمل في الضخط العالي

ايضا ليه نصيحه لكي بان تدخلى القسم الذي يحتاجه سوق العمل وده حيوفر عليكي كتير بعد التخرج

وارجو منك ان تقعدي مع نفسك وتشوفي انتي مياله لانه مواد على اساسه حتعرفي تختاري وانشاء الله ربنا حيوفئك ولو احتاجتي اي حاجه في الكترونيات واتصالات انا موجود نظرا لاني مهندس الكترونيات واتصالات .

واتمنى من الله اني اكون وفقة في كلامي وعلى الاقل ساعدتك في اختيار الطريق المناسب.

شكرا جزيلا لحضرتك… بس ممكن حضرتك توضح لى أكتر ايه هى القوى الكهربية وايه الاتصالات وشغله بيبقا ازاى ؟؟؟؟ أنا ميالة للاتنين بس كمواد لان تقريبا المواد زى بعض زى الماس والفيزياء بس أنا عايزة أعرف أكتر عنهم وانهى فيهم شغله بيكون متوفر أكتر بالنسبة للبنات؟؟؟؟؟؟

بالنسبة للمواد فهم مش زي بعض فعلى سبيل المثال بتدرسي كم مواد كتير جدا في سنة اعدادي هندسة علشان تعرفي انتي مياله لانه قسم بتدرسي كهرباء وبتدرسي فيزياء وبتدرسي الكترونيات وغيره كتير

وايضا كهرباء القوى بتعملي في التيار العالي اما بالنسبة للالكترونيات بتعملي في التيار المنخفض واليكي المقوله الاتية :

"في الهندسة الكهربائية, نحتاج إلى رافعة لكي تحمل التيار الكهربائي, في حين نستطيع أن نحمل التيار الكهربائي بأصابع اليد في هندسة الإلكترونيات”.

والفرق بينهم ان كهرباء قوى بتدرسي بعض الشئ عن الالكترونيات اما كهرباء اتصالات فبيدرس الكترونيات واتصالات فقط دون معرفه الجهد العالي

اما بالنسبة لشغل الكهرباء القوى فبيكون في مناطق عديده يا اما في شركات مقاولات وده طبعا بيبقى بهدله للبنات عموما وايضا بيكون في وزارة الكهرباء وده بتبقى كويسه الى حد ما للبنات لانها حكومه وانا اعرف زمايل كتير في الوزارة ومستريحين وممكن كمان في المصانع وده ايضا مش مستحب للبنت

بالنسبة لشغل الاتصالات والالكترونيات فله مجال واسع خصوصا بره مصر لو انتي محترفه وايضا في القاهره ويكون في الشبكات وايضا في مجال شبكات الموبايلات وده بيبقى شغله انضف بكتير من شغل المقاولات والبهدله بالنسبة لشغل المقاولات فبيكون ممكن تشتغلي كتسعير المناقصات وخلافه

اتمنى اكون غطيت الاسئله على هذا الموضوع وانا تحت امرك في اي سؤال عن هذا الموضوع او غيره طبعا

وشكرا مره اخرى على انضمامك الى هذا المنتدى واتمنى منك المواظبه على هذا المنتدى حتى تعرفي اكثر واكثر عن مجال المهندسين وشكرا

طيب مين أشمل فيهم؟؟؟ أصل أنا سمعت ان مهندس قوة يقدر يشتغل شغل مهندس اتصالات لكن العكس غير صحيح… وسمعت ان مهندس قوة لو خد شوية كورسات يقدر يشتغل شغل مهندس اتصالات فى أى مجال من العمل…

كهرباء قوى ده تخصص وايضا كهرباء اتصالات تخصص تاني ولكن من الممكن ان تاخذي كورسات سواء لمعرفة ده او ده ولكن السؤال يطرح نفسه الان انتي عاوزه ايه والاجابة انك لازم تقعدي مع نفسك وتفكري جديا انتي عاوزه انه مجال لان المجالين مختلفين ويجب اخذ القرار والله المستعان انشاء الله

ولما تستقري على مجال معين لازم تصلي استخاره واتكلي على الله

وايضا ابقى قوليلي انه تخصص اخترتيه وباذن الله موفقه في كلتا الحالتين انشاء الله