بالنسبه لموضوعي اليوم موضوع بالفعل اجتماعي لانه يحدث في الكثير من العائلات …
تحدث في الكثير من العائلات نزاعات تحدث بين الاخوان والاخوات … والخلافت هده تكبر حتى ولو كان كل اخ واخت مستقل في حوش بروحه تلقاهم ما يكلمو في بعضعهم ولا يواصلوا في بعضهم … وكل واحد ما يسألش على التاني وما يندري حد على حد وناسيين صلة الرحم …
والمشكله الاكبر انه حتى الصغار اتجي على راسهم يعني ينحرموا من انه ايواصلوا عمه او عمته بسبب مشاكل امدايرينها الكبار وينحرموا من انه ايواصلوا بنات او ولاد العمام يعني الاب ايحرم على ولده او بنته انه اتشوف عمها او تتكلم مع صغار عمها وناسي انه ربي امر بصلة الرحم … وفيه اللي مايعرفن حتى صغار عمه او عمته …
وبعدين علام هدا كله يصير كيف الواحد ايهون عليه انه يتخاصم مع خوته ويقطعم … وهما يقطعوه وشني دنب الصغار اللي يحرموا فيهم من عماهم او عمتهم …والله صدقوا ايقولا ايديرها الكبار ويوحلوا فيها الصغار …
ربي يهدي من خلق …وربي ما يقسي قلوبنا وربي انشاء الله يزرع الرحمه والود في كل قلب مسلم يا رب
تحيــــــــــــــــــــــــاتي للجميع