السلام عليكم ورحمه الله وبركاته
انا عضو جديد ف المنتدي
وطالب ف الثانوي وانشاء الله هندسه
بس كنت عاوز بعض النصائح عن نوع الهندسه الي ممكن أدخلها ونهيه الأحسن
وياريت لو حد من مصر ف هندسه بحري يقولي التنسيق من كام
وانا سمعت ان الي ف هندسه بحري لما يتخرج بيبقي صعب يلاقي وظيفه الكلام دا صحيح؟
ولو حبيت أغير رأيي أخش هندسه ايه
وأكون شاكر لأي حد يفيدني ف الموضوع دا
اولا مرحبا بيك وان شاء الله توفق فى الامتحانات وتدخل الكلية اللى تتمناها
اما عن الهندسة فتخصصاتها كتيرة جدا لو اتكلمنا مثلا عن التخصصات العامة زى الهندسة الكهربية والميكانيكية والمدنية والمعمارية والطبية ومايندرج تحتها من تخصصات اختيارك بيكون معتمد على الاستعداد النفسي اولا اما ثانيا فهى انك لما بتدخل اى كلية هندسة بتمر بمرحلة الاعدادى وهى الى حد ما بتوضح بعض الاقسام دى ساعتها انت بتقرر حاسس بميل اتجاه ايه طبعا لو اديناك شرح لكل تخصص هتوه وهتتلخبط اكتر نيجي بقي لهندسة البترول والتعدين ودى طبعا كلية قائمة بذاتها وفيها تفرعات كتيرة جواها كلها لنفس التخصص العام ولكن بدقة اكبر
الهندسة البحرية والطيران كل منهم ليه منتدى خاص عندنا هنا فى منتدى المهندس ومحدش هيديك المعلومة التمام عنهم الا اهلهم ده لنك منتدى الهندسة البحرية
وده هندسة الطيران
كل تخصص هندسي عندنا ليه منتدى واحلى حاجة فى منتدى المهندس انك هتلاقي الناس متعاونة جدا جدا
فانا انصحك نصيحة اخوية اولا انك تقرأ وتبحث فى موضوع هندسة الطيران والبحرية على اساس انها كليات منفصلة ولو محستش بارتياح ليهم تقدر تدخل كليه هنسة عامة وسيب موضوع التخصص واختياره دلوقتى الا لما تعدى فترة الاعدادى
اما الشغل ومجالات السوق المتاحة فدى بتاعت ربنا والارزاق ربنا وحده اللى عالم هيه فين ملهاش اى علاقة باى اختيار
ربنا يوفقك ونشوفك قريب مشرف على احد منتديات المهندس
الف شكر ياغالي علي ردك الجميل ده
وانشاء الله أخش الاقسام الي انت قلت عليها وأشوف بقا هيبقي الموضوع ايه
بس موضوع المشرف دا بقا بعد التخرج
وعليكم السلام ورحمة الله وبركاته
ويا أهلين باخواننا الجدد إن شاء الله.
يبدو إنك اسكندراني 
شوف يا أُخَيَّ، أنا بصراحة أحب إنك “تدوس فرامل” شوية وهذا طبعي في كل أموري، لا تعمق الفكر في مرحلة إلا بعد أن تنجز المرحلة التي أنت فيها، يعني مثلاً عيش معايا المشهد ده، إنت لم تنه اختبارات الثانوية العامة بعد ومع ذلك تسأل عن “مشاكل” “وجود وظيفة” “لتخصص” " الهندسة" “البحرية”، هل وصلت لك الصورة وفهمت لماذا وضعت أنا كل كلمة بين علمات تنصيص.
طيب! آيه المفروض يكون، أولاً أنجز ثانويتك العامة واجتهد أن تحقق طموحك في الالتحاق بكلية الهندسة، وحتى لو كنت ضامن إنك هاتدخلها سواءً بالمجموع أو بالفلوس، برده هاقولك ركز في الثانوية حتى تنهيها، وفإذا دخلت هندسة فلديك سنة “اعدادية” كافية هذه السنة أن تحدد “ملامح شخصيتك الهندسية” وفي ذات الوقت ستبين لك الطريق الموصل لكل تخصص وما عليه من إشارات وعلامات
فإذا تبين لك الأمر “فاستخر” “واستشر” في أي تخصص تلتحق، فإن استقر لك الأمر على تخصص، انسى موضوع الوظيفة وإتاحتها لأن هناك تحدٍ جديد ينتظرك ألا وهو “التميز” وإذا وضعت أمامك شبح الوظيفة فقد تفقد “نعمة التميز” والتي معها -إن شاء الله- لن تسري عليك القاعدة العامة، فمثلاً أول الدفعة سيتم تعيينه معيداً فور تخرجه أياً كان تخصصه، أليس كذلك؟ وهكذا الحال بالنسبة لبقية العشرة الأوائل في الغالب في الشركات، وهناك من يسافر لإكمال الدراسة في الخارج، أقصد أن أقول، ركز فيما يسمى بـ"فقه المرحلة" و"وظيفة الوقت" يعني بالمثل البلدي المصري “لكل وقت أذان” بهذه الطريقة إن شاء الله لن تندم على لحظة فاتت منك، وهذا الكلام يؤيده أيضاً نظرية فكرية يسميها أصحابها بـ"التفكير خارج الصندوق" وفي الحقيقة شبح التفكير في الوظيفة أو أكبر صندوق ممكن أن تحصر نفسك بداخله أثناء تحديد معالم شخصيتك الفنية، ويقول أصحاب هذه النظرية أنه كلما حصرت نفسك داخل صندوق معين فإنك ستفقد حتماً كثيراً من الفرص الممتازة ولكنها تقع خارج نطاق ذلك الصندوق، لو رديت علي هاشرحلك الموضوع أكثر وأعطيك أمثلة
بصراحه كلامك أكثر من رائع
ومبسط وفهمته
وانشاء الله أعمل بكلامك وياريت نتواصل للحصول علي النصائح المفيده من حضرتك وكل المتخصصين ف المنتدي
يا أهلاً ومرحباً بك دائماً
thx
كلام رائع جدا 10/10