يا جماعة أعرفكم بنفسي
بسام أحمد هندسة اسكندرية أولي قسم بحرية
و هدفي من الآخر إني أجمع كل اللي في أولى بحرية و نساعد بعض…و في نفس الوقت نستفيد من المهندسين اللي زي العسل اللي معانا دول
يعني بدل ما في 3 يسألوا حبيبنا بسوم نفس السؤال …نجمع السؤال هنا و بدل ماواحد يكسل يسأل أصلاً…يشوف السؤال و يستفيد و ناخد حسناااااااااااات :sm244:
موافقين ؟؟
(عاوز رد الي في أولى و اللي يقدروا يساعدوا )و سلام حتى اشعار آخر
طب أدينى ثبت الموضوع…
و مستنى أسئلتكم
انا اسمى ايهاب اسماعيل
قسم الهندسة البحرية ببورسعيد
الفرقة الاولى
نفسى اتعاون معاكوا
السلااام عليكم
ايه يا جماعة مش معقول ولا واحد في أولى اسكندرية !!!
و أهلاً بيك يا ايهاب باشا معانا و ان شاء الله نبدألما الناس تعبر شوية ^^
و الأخ العراقي حتلاقي إجابتك مع بسووم في موضوع سابق بالأسئلة
و يا رب حد ييجي 
السلام عليكم
انا عمرو احمد من الاردن
ادرس كابتن بحري في الاكاديمية الاردنية للدراسات البحرية
اود معرفة كل شيء عن Diesel Marine Engines
وشكرا جزيلا
amer500
اهلا بيك يا داركن ومستين شباب بحرية
وكلنا هنا معاكم وجنبكم
ولو احتجت اي حاجة ممكن تراسل على الايميل (( موجود بالملف الشخصي في الموقع))
محمد عبدالجواد - الفرقة الرابعة - هندسة بحرية وعمارة السفن - اسكندرية
السلام عليكم ورحمة الله وبركاته
أنا إسمى نور الدين فى اولى بحرية جامعة الأسكندرية
الحمد لله بعض الردود بس كل فين و فين
ربنا يكون في عوني !
و أهلاً بكل اللي ردوا و ان شاء الله الموضوع يكبر
اضفتك على المايل يا باشا و حخنقك أسئلة قريب ان شاء الله
و نور الدين أهلا بيك لازم نرتب نتقابل عشان نساعد بعض ان شاء الله
و دلوقتي…مع السؤال الأول
اللي سمعته انني المفروض أزاكر العمارة البحرية من المحاضرات + كتاب من اتنين : REEDS , Ship Construction
يا ريت أخونا بسوم يبينلنا انهو الأحسن و فين هما أصلاً …و شكراً 
مين اللي بيديكم عمارة بحرية يا بسام
عالعموم لو هو ا.د/احمد البدن يبقى مش مستهالة انك تبص في حاجة كفاية محاضراته بس تكون بتحضر
لان في حجات معينة ممكن تكون مصورها بس مش هتعرف ايه اللي مقصود بيها
ولو حد تاني غير د/البدن قولي مين عشان باذن الله ادلك على الخلاصة
و على العموم احسن كتاب في العمارة البحرية S.N.A.M.E
وعلى ما اتذكر اني اديتوا لمحمد في المعمل السنة اللي فاتت اسألة عليهم PDF files
لو ملقيتهمش قولي عشان ارفعهملك او نشوف طريقة تاخدهم بيها
وانا مرشحش خالص موضوع ال construction دلوقت خالص لان اول كورس construction هتاخدوا في سنة تانية
فهتحس بملل شديد
واي استفسارات كلنا موجودين هنا وفي الكلية كمان ياباشا
خليك فى Reeds
و ممكن تجرب كمان كتاب Introduction to Naval Architecture
أعتقد د. الجمال اللى بيدرسلكم
أفهم من الكتب
بس لازم تحفظ المحاضراتو ترسمله نفس الرسومات اللى كانبيرسمها على السبورة فى ورقة الإمتحان
و ربنا معاكم
الله يكرمكم على المساعدة يا جماعة
أول حاجة محمد باشا ألف شكر …بس المايل طلع غلط يا اما انتا مش بتقعد
و اللي بيدينا عمارة الجمال فعلاً و مفيش كتاب حتى الان و المصيبة اني مكنتش بحضر لعذر قاهر …و انا مقهور دلوقتي و تايه
و ألف شكر يا بسوم
و سؤالنا النهاردة:
لو الطالب حاسس انو حيروح في داهية في الميد تيرم يعمل ايه في المواد الاتية :
مع العلم اني اقدر ألم الكفت بس كل اللي محتاجه مصادر
و فين السيدي دا يا باشمهندس محمد ؟!
بص ياداركن وركز معايا كويس
الكلام اللي هقولهولك دة للميدتيرم بس وخد بالك لازم تهتم بقراية الكتب بعد كدة عشان تفهم
ودة ايميلي jawadgraphics@msn.com ,ودة الموبايل 0127718808
لو احتاجت اي حاجة
بس انا هقولك الكلام دة عشان تعدي الميدتيرم بس
واللهي مابهزر وخد الكلام بجد نفذه وهتشوف النتيجة
اولا حوار العمارة البحرية:
بس ياسيدي هتحفظ المحاضرات بتاعت د/الجمال بالترتيب زي ماهيه بالظبط تمام والرسومات كلها
وركز على الرسومات جدا جدا
هتدخل الامتحان هتقرى اول سؤال هتتاكد انه من اول محاضرة هتكتبها زي ماحفظتها مش مهم السؤال عن ايه بالظبط
وارسم رسمتها كلها وفي كلمات كدة بيكتبها على الرسومات زي ماهية وترسمها
د/الجمال بيعتز جدا بعمله وبكلامه وبالذات الحجات اللي بيعملها برة يعني لو كان قالكم على موضوع الجاما والحجات دي متتوصاش شوف محاضرتها وارزعها في السؤال المخصص
تاني سؤال بالضبط هتلاقيه عن تاني محاضرة … وكذلك
كدة ياداركن انا ضمنتلك من 80 - 100 من 100
ايوة د/الجمال بيصحح الميدتيرم من 100
السؤال اللي مش عارفه متسبوش فاضي … لية ؟؟ د/الجمال بيعتبر عدم اجابتك عن سؤال معين انك ماحضرتش محاضرته ودة اكتر حاجة بتضايقه
هتلاقي في السؤال اللي انته متعرفوش كلمة مميزة تدل على محاضرة ما … المحاضرة تكتبها في الاجابة وهاتك يارسم بردة
اما بالنسبة لباقي المواد فياريت تكتب كل مادة والدكتور اللي بيديها
عشان نقدر نساعدك
ألف شكر يا معلم …مع ان ايميلك الغامض دا خنقني
الباقييين :
انتاج : د/عمرو البدن
رسم: د/احمد نجيب
أمن :د/سوزان
رياضة: مدخلناش اي دكتور حتى الان …الباشمهندسة جيهان هيا اللي بتدرسلنا كلو ربنا يكون في عونها
ميكانيكا:د/سلوى
بس يا سيدي
بالنسبة للرياضة اكيد شربينها … متغدين متعاشين بيها
وغالبا لو ملهاش دكتور هية دكتورة جيهان خدت الدكتوراة فاحتمال بتديكم لوحدها على هذا الاساس
لو مش كدة يبقى د/محمد العطار اللي بيدكوا واكيد هو مش فاضي لانه ماسك رئيس الاتحاد الدولي للجولف
والراجل غني عن التعريف وامتحانات اسهل من كويزات دكتورة جيهان
بالنسبة ل د/سوزان لو هية بتاعت انتاج وبتديلكم slides يبقى مش محتاج انك تذاكر غير ال slides
د/سلوى دية معرفهاش بس لو هية رفيعة خالص كدة يبقى اكيد هية اللي ادت اولى السنة اللي فاتت اسئلوا اي حد في سنة تانية يدلكم عليها
د/احمد نجيب … الراجل دة زي السكر وامتحاناته زية بالظبط يعني لو صورت المحاضرات من اي حد كفاية اوي
اما بالنسبة ل د/عمرو البدن دة انا معرفوش صراحة ياداركن اللي ادلنا كان واحد اسمه د/احمد بكــــــــار احسن دكتور في الكلية كلها
بس اسأل زميلك اللي دخلوا انتاج
او اسئل الناس اللي في المنتدى قسم انتاج اكيد عرفينه لانه راجل كبير في القسم بتاعهم
فرحت جدا لماعرفت إن باشوهندسة جيهان بقت دلوقتى دكتورة جيهان
هي تستاهل كل خير
فإتوصوا بيها يا ولاد…محدش يطلع عينيها ولا يتعبها
كفاية المجهود اللى بتبذله
و الله ألف شكر ليكو يا جماعة على المجهود اللي بتبذلوه ده
و دلوقتي اللي بقا يدينا الرياضة دكتورين كده و الدكتورة جيهان ماسكة السكاشن و الميد ترم و كل حاجة تانية
و اديني بتبهدل اهو في الميد ترم و ناقص الرسم و العمارة البحرية
و ان شاء الله بعد الميد ترم لينا قعدات و جولات و حنظبط اولادنا في اولى 
اللي باين عليهم مش عايشين اصلاً !!
السلام عليكم انا محمد عادل اولي بحريه هندسه الاسكندريه
بجد الافكار دي جامده و بجد لازم نبقي علي طول ايد واحده علشان ربنا يكرمنا