السلام عليكم ورحمة الله وبركاته
انا حاليا فى صدد اختيار رغبات الالتحاق بالتخصص ومحتار جدا فى الوقت الحالى
وبصراحة انا حابب اقولكم على اللى يدور بداخلى علشان تساعدونى
انا كميول شغلى فى الحاسب الالى واعرف برمجة وانظمة تشغيل وبحب الكودنج وفى نفس الوقت مش عاوز ادخل قسم حاسبات عشان شايف ان اى حد بيشتغل فيها من غير شهادة
بالاضافة الى ان ليا ميول برضو للالكترونيات والفك والتركيب والتصليح وكدا
وكان برضو بيدور داخلى انى ادخل طيران ولكن لبعد امكانية التحويل
بالاضافة الى ان معهد امبابة كمان اللى متاح للتحويل سمعتة مش اد كدا حاليا
واستفسرت ونصحونى بالابتعاد عنه اطلاقا
فكان قدامى صراع على الميكاترونكس والاتصالات مع المفاضلة لقسم اتصالات
وحابب استفر عن قسم الميكاترونكس اكتر من اللى فى المجال نفسة
يعنى الدراسة هتبقى عبارة عن ايه ؟
مجالات العمل فى مصر ؟
هحتاج كورسات ولا لاء علشان العمل ؟
كمية المجهود ونوعيه العقلية المطلوبة فى الدراسة ؟
اخيرا لو فيه نصيحة لاخوكم ياريت ما تبخلوش عليا بيها وادعولى بالتوفيق والنجاح بالله عليكم
اتمنى من اخواتى الكبار وابائى هنا اعطاء النصيحة والاجابة على استفسارى
وجزاكم الله كل خير يارب