السلام عليكم .!
انا في كليه هندسه منوف الالكترونيه
فتح هناك قسم biomedical اللي هو الطبيه الحيويه بنظام الساعات المعتمده الساعه بحوالي 250 يعني في حدود من 8000 ل 1000 في السنه
انا دلوقتي محتار اخشه ولا لا !!
اللي مخليني محتار ان القسم العام مجالاته اكتر وشغله اكتر وفي ناس بتقول ان طبيه شغلها قليل . بس في نفس الوقت بطلع منه مش فاهم حاجه في اي مجال
ميزه طبيه اني بحط ايدي علي مجال معين وامشي فيه وعيبه ان مش هيبقي ليا شغل غير فيه
ف انا عايز رايكو في كده وهل طبيه ليها شغل كتير وكويس بره ولا هتخرج وهدوخ … وهل تستاهل 10000 في السنه ولا لا ؟؟
إعجابَين (2)
في رأيي الهندسة الكهربية قسم عام وشامل ومجالاته كثيرة حتى الهندسة الطبية تعتبر احد تطبيقات الهندسة الكهربية وحتى ان كنت مهندس كهربائي يمكنك عمل بعض الدراسات فى الهندسة الطبية والعمل كمهندس أجهزة طبية اذا كانت لديك رغبة فى هذا المجال
ولكن عموما الهندسة الكهربية تعتبر الاساس ومجالاتها لا حصر لها ويمكنك ايجاد عمل بكل سهولة
3 إعجابات
هندسة طبية مجال ممتاز جدا و مربح لان المستشفيات و العيادات فى مصر كتيرة جدا و الطب الان يعتمد اعتماد كلى على الاجهزة المعقدة و الغالية من اجهزة اشعة و عمليات و غيرها…ولان الطب يربح جيد جدا فى مصر لان المريض مضطر يدفع ، فمجال الاجهزة الطبية مجال مربح ايضا …و هو لا يقتصر على الاجهزة فى المستشفيات فقط ، ولكنه يشمل ايضا الاجهزة المعملية ايضا الخاصة بكليات زراعة و علوم
ولكن …حضرتك يجب ان ترى المناهج اولا لتعلم هل تحبها ام لا؟؟
قسم الكهرباء مجاله ايضا واسع جدا جدا وفيه تخصصات كثيرة…اما اجهزة طبية فيعتمد اعتمادا كليا على دوائر الكنترول وهو اقرب لقسم التحكم الالكترونى منه لقسم كهرباء
رايى ان تسأل الاكبر منك سنا عن المناهج التى ستدرسها …وهل تحبها ام لا
ربنا يوفقك
3 إعجابات
المشكلة التى اراها في قسم الهندسة الطبية ان المهندس يعمل فقط في الصيانة حيث ان هذه الاجهزة يتم شراءها من الخارج وتكون معقدة جدا ولا يمكن الاطلاع عليها وانما فقط يقوم المهندس بتغيير بعض المكونات التي يتم شراءها من الشركة المصنعة
إعجابَين (2)
انا اصلا في هندسه اللكترونيه . فكدا كدا هدرس دوائر الكنترول والحاجات دي
وموجود مادتين طبيه جوه قسم تحكم عندنا . لكن الفرق بينهم وبين القسم نفسه ان القسم بيدرس طبيه علي اوسع شويه يعني بيدرس اناتومي وفيسيولجي وتحليل اشارات وكيميا حيويه وكدا .
انا لو مدخلتش طبيه هخش هندسه حاسب لاني بدور علي التميز
فهل فعلا اما اخش طبيه هبقي متميز ولا هيبقي اخري اشتغل صيانه او سيلز زي اللي شغالين في الطبيه من اي قسم تاني
وشكرا علي الرد
دا الرد الشائع فعلا … بس كده كده هختار مجال واحد وهشتغل فيه … فلو فعلا الطبيه شغلها كتير ونضيف ومرتباته عاليه ليه مختاروش من دلوقتي وابدا فيه
المفروض القسم ده بيميزني عن الباقي انه بيخليني ادرس مواد طب عشان اشتغل ديزاين مش صيانه او سيلز بس
رايى الشخصى …ادخل هندسة طبية …انا شخصيا باشتغل فى المجال الطبى و تخصصى كهرباء فمضطر اعتمد اعتماد كلى على شركات الاجهزة الطبية فى كل حاجة…وبشوف مهندسين شطار جدا بيفكو و يركبو الجهاز حتة حتة و بيخترعو فى اساليب اصلاحه لان الدولار عالى و بالتالى تكلفة استيراد قطع الغيار عالية جدا و بتاخد وقت كتير ، فلازم يبتكروا و يتصرفوا ويصلحوا الجهاز لانه متعلق بحياة مريض…والمكسب معقول…و فى بعض الاجهزة الطبية البسيطة بدأ المهنسين الشباب يعملوا بديل ليها بمكونات مصرية وده ارخص كتير من المستورد…ان شاء الله ابدأ اشتغل سيلز فى اى شركة و انت اسه بتدرس فى الكلية… وعلى ما تخلص كليتك تكون قادر انك تعدل و تصلح الاجهزة بكفاءة…و يا رب اسمع عنك انك اخترعت جهاز…ربنا يوفقك…لكن الحاسب …كتير دلوقتى بيشتغلوا فى الحاسب…هندسة و حاسبات ومعلومات و معاهد كتير تانية
ربنا يوفقك
إعجابَين (2)
انا فى الحقيقة غير مقتنع بالاقسام الهندسية المتخصصة فى مجال معين فلماذا نحصر انفسنا فى مجال معين طالما هناك فرصة لان ان نكون فى مجال اكبر ومع ذلك اذا اردنا ذلك لاحقا فيمكننا التخصص فى هذا المجال الدقيق.
الهندسة هي تطبيق العلم والاجهزة الطبية ليست علم وانما تطبيقات وتطبيق لاساسيات الكهرباء والالكترونيات والفيزياء والمغناطيسية فاذا كنت تريد معرفة كيفية علم هذه الاجهزة لابد ان تعرف هذه العلوم جيدا وهذا ما يتم دراسته فى الهندسة الكهربائية. بعدها يمكنك التعرف على الاجهزة الطبية اذا اردت او التعرف على المحركات او الروبوتات او الطائرات اوالستالايت فمهندس الكهرباء او الالكترونيات يمكنه العمل فى اى مكان ومع اى جهاز او تطبيق وغير مقبول ان اقوم بحصر نفسي مع نوع واحد فقط من الاجهزة.
المشكلة الاخرى فى مصر لا يوجد بحوث او تطوير او صناعة فمهندس الاجهزة الطبية لا يعمل الا فى مجال البيع او الصيانة وحتى ان استطاع فك الجهاز وتركيبه وصيانته على اكمل وجه فسيظل عاجز امام بعض الاومور فمثلا السوفت وير الذى يدير الجهاز والذى عادة يكون مشفر ولا يمكن التلاعب به وعادة مهندس الاجهزة الطبية دوره هو تطوير الاجهزة الطبية لتواكب التقدم العلمي الهندسي والطبي فيجب على مهندس الاجهزة الطبية ان يكون على دراية مثلا باشكال الاورام وخصائصة وكيف يظهر فى صور الاشعة حتي يمكن برمجة الجهاز ليقوم بتحديد هذا الورم ونوعه
ولذلك اذا كانت لديك نيه للسفر او استكمال الدراسة فى الخارج فلا بأس يمكنك دخول هذا القسم اما اذا اردت البقاء فى مصر فلا أنصحك.
إعجاب واحد (1)
هو اصلا المفروص ان مهندس الاجهزة الطبية ميشتغلش فى الصيانة او السيلز
السليز دا بيكون مهندس ومش شرط طبي لانه بتكون معرفته سطحية بالمنتح وممكن يبيع او احاجة سواء طيارات او ستالايت لكن عنده فقط الاساسيات
الصيانه احسن انه يكون الكترونيات لان بيكون ليه علم وتعمق اكثر فى الالكترونيات من مهندس الاجهزة الطبية وعموما الاجهزة الطبية فهي فى النهاية مجرد مجموعة من الدوائر الالكترونية او المحركات والحساسات الخ يعني مجموعة مكونات ممكن نعمل بيها اى جهاز
اهم شيئ هنا هو السوفت وير اللى يقدر يتعامل مع كل هذه المكونات ويعطينا صورة اشعة او نتيجة تحليل هو ده المطلوب يكون مهندس الاجهزة الطبية دور فيه
وللعلم فانا خريج ميكاترونكس واعمل فى مجال الروبوتات وبالمثل الروبوت هو ايضا مجموعة من المحركات الكهربية والمكونات الالكترونية وكذلك الاهم هو السوفت وير الذى يقوم بالحسابات والالجورثمات ليعطي فى النهاية الاوامر للمحركات بالحركة وهذا ما يجب على مهندس الروبوتات القيام به اما مهندس الكهرباء او الالكترونيات فهو لديه خبرة ومعرفة اكثر بالالكترونيات فيمكنه تولي امر الالكترونيات والمحركات الموجودة بالروبوت ومهندس الميكانيكا يمكنه العمل مع الميكانيزمات وكيفية نقل الحركة وتحليل الاجهادات والقوة والعزم والحرارة
إعجاب واحد (1)
شكراا جدا … انا قررت فعلا اكمل في الالكترونيات وانشاء الله هبقي اتخصص في شعبه علوم حاسب 
بالتوفيق ان شاء الله
يبدو أنني دخلت متأخراً على الحوار، ولكن أحب أن أشارك كونه قد يفيد القراء.
أولاً: تخصص أجهزة طبية شغال كويس جداً، وفكرة التخصص الدقيق لا تنطبق على القسم فهو لن يكون مهندس إشاعة ولا مهندس سونار، لأ هو مهندس أجهزة طبية.
زي عندنا في ميكانيكا في تخصص ميكانيكا آلات قوى وحرارية وفيه ميكانيكا تصميم وإنتاج، وفيه تخصص تالت كمان “هندسة صناعية” فهذه تخصصات حقيقية وليست تخصصات دقيقة.
ثانياً:
هذه عبارة مستنكرة عندي جداً جداً.
يرجى مراجعة
الملتقى الهندسي الخامس للحوار “عقلي طار ولازلت متردد في الاختيار (التخصص - مشروع التخرج - موضوع الماجيستير)”
فقد تم التفصيل فيه في هذا الموضوع.
التميز يا باشمهندس لي في قسم العدد فيه قليل، أو شكله حلو، التميز هو في ذات الإنسان. إذا كنت فعلاً تحب التميز فستتميز حتى ولو كنت بين آلاف البشر. اعلم أنه لا يوجد هناك خيار متميز وخيار غير متميز، هناك شخص متميز وشخص غير متميز. كلية تجارة القاهرة في 12 ألف طالب ومع ذلك هناك من يتميز منهم كل سنة ويصبح معيداً في الجامعة في حين أن 12 ألف إلا واحد خرجوا لسوق العامل متنافسين. حتى هؤلاء ال 12 ألف إلا واحد منهم متميزون أتت لهم خطابات توظيف على بيوتهم مباشرة وبقي الباقون يصارعون الحياة.
إعجاب واحد (1)