قسم هندسه الطيران من وجهه نظري(ودي حاجه شخصيه بحته) من أفضل الأقسام في كليه الهندسه, بس مش محتاج أي حد
الدراسه في هندسه الطيران قائمه علي أربع تخصصات وهي :
1- Aerodynamics
2-control
3-propulsion
4-structure
ال aerodynamics يبحث في القوه المؤثره علي الطائره اثناء الطيران زكيفيه توليد قوه الرفع علي الطائره, وماهي القوي المؤثره علي الطائره اثناء الطيران, ده مش بس كده ده كمان يبحسب القوه اللي بتأثر علي الطياره في كل حركه وكل مناوره( يعني بص من الآخر حيطلعلك قوي بتأثر علي الطياره عمرك ماسمعت عنها ولا اتخيلتها)
أما ال control فده بيبحث طرق التحكم في الطياره وازاي نوصل لأحسن مناوره وتحكم فيها في كل وضع (وده آخر معلوماتي عنه لأني لسه مدرستهوش)
أما ال propulsion فده علم مواد الدفع وازاي تحقق ال thrust اللازم علشان تطير الطياره وتديها السرعه المطلوبه وحاجات كتيره تانيه ربنا يعلم بيها, يعني من الآخر هو مش موتور فسبا
وأما آخر حاجه فده ال structure وبصراحه ده أحسن structure ممكن تاخده في حياتك بتاع هندسه طيران, وعلي فكره ده غير بتاع مدني خالص وأصعب منه بمراحل (علي حد ماالدكتور قالنا) ده حتي والله في أول محاضره في السنه ادانا وصله تريقه علي structure مدني
المهم ده علم بيبحث ازاي نختار ال materials المناسبه للطياره بحيث انها تستحمل القوي المؤثره علي الطياره في كل اوضاعها
ده كلام مختصر جدا عن مواد التخصص في هندسه الطيران وطبعا ان شاء الله الرؤيا حتتضح لما نشوف مشاركتكم
آخر حاجه هو ان ال design بتاع الطياره مش كل واحد شغال في حاله, لأ لكن بتحصل حاجه اسمها compromise أو توفيق بين التخصصات بمعني ان ممكن ماده معينه ممكن تخلي الطياره آمنه تحت تأثير القوي اللي بتأثر عليها بس مش مناسبه التصميم الأيروديناميكي , يقوم مهندس الطيران يظبطها بحيث انها تناسب بتوع ال structure و ال aerodynamics فييجي بتاع ال control مش عاجبه, وهكذا يعني من الآخر شغلانه بس في الآخر ممتعه
برضه يا جماعه اللي عايز يدخل هندسه طيران ده لازم يكون فيه حاجتين :
1- أنه بيحب العلم وعايز يتعلم
ده علشان القسم بصراحه صعب بس لو بتحبه حيكون علي قلبك زي العسل
2- أنه يخلص النيه للملك سبحانه وتعالي
وده علشان ربنا يجعلها في ميزان حسناته ويكون في نيته يخدم المسلمين
ياجماعه ياريت تدعولي بظهر الغيب