شرح مفتاح الديفاتورى المستخدم فى انارة السلالام من اى مكان


#1

يستخدم مفتاح الديفاتورى divatory switch و يسمى ايضا مفتاح طرف سلم فى اضاءة او اطفاء مصباح او اى حمل من مكانين او ثلاث اماكن او اربعة اماكن

امتى بحتاج اتحكم فى مصباح من اكثر من مكان :

مثلا فى حالة الطرقات الطويلة يعنى اشغل الاضاءة و اطفيها لما اعدى الطرقة بمفتاح اخر او العكس

فى حالة السلم مثلا عندى بيت دورين و محتاج اشغل اضاءة السلم من مفتاح موجود فى مدخل المنزل عشان اقدر اطلع السلم و محتاج برده انى اطفى اضاءة السلم من الدور الثانى … و ممكن يكون البيت ثلاث ادوار يبقى محتاج ثلاث مفاتيح عشان اشغل و اطفى النور من اى دور … و ممكن كمان احتاج اربع مفاتيح عشان اشغل و اطفى من اربع ادوار و ده بيكون بديل عن ماكينة السلم

فى حالة وجود غرفة فى منزل و الغرفة ديه ليها اكثر من باب يعنى بتعمل كممر لغرفة اكبر … فى الحالة ديه محتاج مفتاحين بحيث يكون مفتاح عند كل باب و استطيع اشغل و اطفى النور من اى مفتاح منهم

او اى حالات اخرى انت محتاج تتحكم فى حمل من اكثر من مكان

ها يتم الشرح على حالتين … التحكم من مكانين و من ثلاث اماكن

كيفية اضاءة مصباح من مكانين مختلفين بأستخدام مفتاحين طرف سلم ( ديفاتورى )

نلاحظ ان مفتاح الديفاتورى له ثلاث اطراف توصيل لذلك يسمى ايضا بمفتاح ثلاث اطراف ( انظر الصورة )

نقاط توصيل مفتاح الديفيتورى

صورة لتوصيلة مفاتيح الديفاتورى

فى الصورة تم توصيل الخط المتعادل neutral مباشرتا بالمصباح الكهربى

و خط الكهرباء بنوصله بنقطة التوصيل الوسطى فى المفتاح الديفاتورى الاول
و النقطتين الثانيين بوصلهم بالنقطتين المقابلين فى المفتاح الديفاتورى الثانى
و بوصل اللمبة بالنقطة الوسطى من تانى مفتاح ديفاتورى

انظر فيديو شرح عملى لتوصيل المفاتيح بالتفصيل

كيفية اضاءة مصباح من ثلاث اماكن مختلفة بأستخدام مفتاحين طرف سلم ( ديفاتورى ) و مفتاح وسط سلم ( مفتاح اربع اطراف )

صور توضح طريقة التوصيل

نلاحظ ان مفتاح وسط سلم له اربع اطراف و بيتوصل بين مفتاحى الديفاتورى

انظر فيديو يشرح كيفية التوصيل بالتفصيل


(عمارة إسلامية) #2

بسم الله الرحمن الرحيم
السلام عليكم ورحمة لله وبركاته

ما شاء اللهُ!
شرح وتفصيلٌ طيّب!
أسأل الله تعالى أن ينفع به.
وجزاكم الله تعالى خيرًا أخي م. أحمد، وبارك فيكم.