السلام عليكم ورحمه الله وبركاته
ميمي
فين رحتي؟؟؟؟؟؟؟؟؟؟؟؟؟
ميمي
وينك؟؟؟؟؟؟؟؟؟؟؟؟؟؟؟
انتى اكلت الايس كريم ونمت ولا اختفيت
لا والله كل القصة اني مشغولة شوي بالامتحانات
قبل ما اسألك
بدي اسأل المهندس محمود
ليش لغى الاستطلاع على الاعضاء الى عم يقعدواعلى كرسي الاعتراف
الكرسي شو الى صار اله؟؟؟؟؟
انا عطيته الك سليم100%
والله انا ما دخلني الحق على محمود
بعدين هلا رجعنا مع ميمي
بدي منك شئ كم اجابه بس ياريت تكتبيها فى موضوع تعبير
هادا لانك بتحبي الحكي الكتييييييييييييييييييييييييييييييييييير
ههههههههههههههههههههه ولا يهمك
نبدأ معك فى مراحل مختلفه
اول شئ ميمى البيبي؟
شو كنت عم بتساوي؟شقيه ام هادئه؟
هو يعني وانا طفلة ماما كانت تقول عني كتير هادية وكمان كانت تقول انها خايفة علي كتير ما اضيع بهالدنيا على اد ما انا هادية وعاقلة بس لما كبرت شوي على حسب كلام ماما من عمر 10 سنين وطالع صارت تخاف على الدنيا مني
…
بعدين انتى هلا كبرت شوي
ميمي فى المدرسه
قد ايش كان عدد اصحابك؟ وكنت على اي اساس بتختاري رفقاتك؟
بالمدرسة كنا جروب او بالمصري شلة خمس بنات وعلى فكرة انا ما كنت بتعمد اختيارهم يعني ايا بنت بتحكي معي بستلطفها ربنا بسهل وبنسير صحاب
وشو كان الشئ الى بتحبي تشريه وانتى لساتك صغيوره؟
من زمان وانا بحب اشتري ملابس
وهل كنت عم بتصارخي؟ ولا كنت عاقله؟
ابداااااااااااااااااااا ولا عمري صرخت بحدا وما بحب حدا يصرخ في واول ما حدا بصرخ في الرياكشن الوحيدة اللي بعملها بسير ابكي
وكمان شو الموقف الى بتتذكريه وانتى فى هالمرحله وما بيروح على بالك؟
حادث سيارة لزميلة من زميلاتي قدام عيوني يا حرام لهلا هي بتعاني منو
…
بعدين كبرتك كمان وصرت قبل الجامعه(البكالوريا)
مين من رفقاتك ضلوا معك منذ الطفوله؟
ولا وحدة كل سنة بغير جروب
شو الى النظره الى تغيرت بالنسبه الك فى هالمرحله؟
ما في شي محدد لكن بشكل عام صرت عندي حذر اكتر باختيار صاحباتي واني لو حبيت ما اعترف للحدا اللي بحبو لو شو ما كان لانو رح يعتبرو ضعف في وقوة في
وشوكمان الى بتتذكريه منيح وما بيروح عبالك؟شئ منيح واخر ما بتحبي تتذكريه؟
احلا موقف بحياتي لما نجحت بالثانوية العامة يومها بابا وصلني للمدرسة لاول مرة ولما دخلت المدرسة كانو كل صاحباتي بيستنوني عالبوابة وبقولولي مبرووووووووووووووك جبتي مجموع 91.8 %اول مرة بابا بحياتي بشوفو مبسوط من جواتو
اسوء موقف: لما اكتشفت ادي انا فاشلة باختيار صاحباتي وادي انا بوثق بالناس وهم ما بيستاهلو
…
مبروك
الله يبارك فيكي
هلا دخلت الجامعه
اكيد ميمي فيه اشياء كنت لاقيتيها وانتى ما توقعتيها؟
وبما انك هلا بالجامعه
شو رأيك بالصداقه او حتى اى علاقه بين البنت والولد؟:sm157:
يمكن ناس كتير ما يعجبهم رايي لكن انا ما بحكي الا الواقع يا ستي رايي كالتالي
طول ما الاتنين ما بيتعدو حدود الادب العام وما بيحكو بشي غلط وكلامهم ما بيتعدى كلام عادي بالدراسة او اي امور عادية ما في ايا مشكلة خصوصي انو انسان بتسير تشوفي لمدة خمس سنين اكتر ما بتشوفي اخواتك في البيت وعم تتعاملو معو اكيد حتحسي انو متل اخوكي وانا عم بحكي بالذات على تخصص الهندسة لانو مستحيل البنات يقدرو يكمولو خصوصي بالمختبرات بدون مساعدة الشباب يعني عم نضحك على حالنا ازا قلنا انو كل حدا بيقدر يكون منفصل عن التاني اما بالنسبة للكابلز اللي بيقعدو مع بعض لساعات بالجامعة ما في ايا مشكلة طول ما البنت امها او ابوها او اخوها او ايا حد من اهلها بيعرف مشان يضل موقفها منيح بالمجتمع بس ازا كانت الشغلة بيناتهم الاتنين وبس اكيد في شي غلط او ازا بدك نية مش سليمة
متل ما قلتلك انهم ما يتعدو حدود الادب والاخلاق والدين
كمان شو رأيك بمستوى الى عم تدرسيه ؟
ازا عم تقصدي مستوى التخصص بالجامعة كتير منيح بالنسبة لعمرو على اعتبارو ما بيتعدى الثلاث سنوات
شو رأيك بحال البنات والاولاد هاليومين بالملابس وتسريحات الشعر والى كل يوم عم بتضيف جديد؟
والله انا من النوع اللي ما بيعارض التجديد او ازا بدك التغيير في الستايل واللوك وبعتبرو شي كتير حلو وبحب الانسان اللي بيهتم بمظهرو بس يعني يكون شي ينقال عنو حلو يعني
[CENTER]بما انك قلتي انك بتحبي الشوبنج
عم بتابعي خطوط الموضه؟ وشو الى بيعجك وما بيعجبك؟
بحب بشكل عام الجينزات واللبس السبور على الاغلب والشي اللي ما بحبو اللبس الكلاسيكي باشكالو
شو اضاف الك الشوبنج وشو مااضاف؟
ما فهمت
مع مين بتحبى تروحى للسوق؟وليش؟
مع صاحباتي اكيد لانو ذوقهم حلو بالاختيار
…
انا طولت عليك [/center]
اكيد انتى سعيده فينى وكتير بتحبينى وبتموت فيني
انا عارفه
شو سعيدة انا سعيدة موووووووووووووت
بس برضوا لازم لاقوم بواجبى تجاهك وانتى في العصاره
اخر شئ
ميمي
مين اكتر حدا بتحبيه؟
بالحياة بابا وبالمنتدى ما بدي احكي بلاش اللي بحبهم يكبر راسهم
مين اكتر حدا بتكرهيه؟
بالحياة اليهود اللي معيشينا متل اللي عايش بقفص ببلدنا وبالمنتدى ما حدا
شو تخطيطك للمهندسه ميمي؟
اهم شي عندي اني اخلص بي آي عمارة والله يعطيني الف عافية
شو هى احلامك؟طموحاتك؟
متل ما قلتلك اخلص بي آي وافتح مكتب خاص في وعلى فكرة انا ما بفكر اكمل ماستر او دوكتورا ابدا
شو يعنيلك كل من
احمد الديب
شخصية قيادية ومسؤولة وبنفس الوقت حباب وقريب للناس
محمود صبحي
boss بمعنى الكلمة بس في شغلة وحدة ما بحبها في …محمود عندو مشكلة بالاوان يعني لما يعمل موضوع بيدخل في 100 لون وما بيسال الهم علاقة ببعض ولا لا (ازا بدك تعرفي شو قصدي اطلعي لفوق وعديلي كم لون عامل في الموضوع) صحيح هاد بدل على الجراة الواضحة بس مصيبة ازا هيك بعمل بلبسو
احمد عبده
اخ بمعنى الكلمة ولما تحكي معو بتحسي انك بتعرفي من زمان
م عبد المنعم
فرانكلي ما بقدر احكم لانو ما قرات كتير من موضيعو
ريمون
شخصية هادية ومتزنة بتخبي بجواتها انسان مرح وحباب
روان
بيتهيالي والله اعلم انها انسانة كتير هادية ولزيزة
رغد
لا رغد لحالها حكاية بقدر اقول بكل اختصار انها بنت شخصيتها قوية ولزيزة كتير وردودها اكتر من مميزة اول ما ادخل المنتدى اكتر شي بحب اقراو ردودها لانها دايما بتجذبني
سمسم انا
شو بدي احكي يعني لو حكيت للصبح ما رح اوفي رقيقة بريئة طيبة دمها خفيف بيعجبني اسلوبها كتير بحسها اكبر واوعى من سنها صحيح هي هادية وشخصيتها رزينة لكن هاد ما بينفي انها عنجد دمها خفيف ومرحة
وشو بتطلبى من كل واحد فينا
كمان
احمد الديب: قالب جاتو كبير
محمود:بونبون وسنكرز وجلاكسي وام اند امز وايا شي بيطلع معو من السوبر ماركت(هو وكرمو يعني)
احمد عبدا: انو يكون بعدي انا على كرسي الاعتراف مشان اجرب علي العصارة الجديدة
عبد المنعم: يكتر من مشاركاتو بالمنتدى العام او منتدى العمارة مشان اقدر اكون انطباع عنو
ريمون: عصير ليمون
روان: تزورني بمنتدى العمارة
رغد: ولا شي غير سلامتك بس المرة الجاية لما تيجي عالبارتي اللي رح اعملها ما تنسي تجيبي هدية
سمسم : بعد كل هالاسئلة ولا شي بس عجليلي بتراخيص العصارة مشان اعمل عليها جميع الحقوق محفوظة لميمي عمارة
ميمي انت قد ايش سعيده وقد ايش حزينه؟ لو سمحت الاجابه بالنسبه المئويه وبالتوضيح مع التعليل؟
سعيدة 100% لولا انو ارضي محتلة لكنت سعيدة مليون بالمية[/center]
ميمي انتى بتخافي؟:sm281:
من شو
شئ مادي وشئ معنوي؟
شي مادي: من النمل ازا شفتو بنجن وبهرب على طول( بس ما تضحكي علي متل صاحباتي)
شي معنوي: اني اخسر الناس اللي بحبها
(ماتقوليلي العفاريت )
…
انتى بتحبي الالوان
اي الوان احبها لقلبك؟؟
اكيد البينك
…
ميمي اى دوله عربيه بدك تزوريها واى دوله غير عربيه كمان بدك تزوريها وليش؟
عربية: مصر نفسي اشوف الاهرام على اد ما صرعنا فيها مدرس التاريخ
غير عربية: اميركا مشان اشوف بشو هم احسن منا مشان هيك احنا دايما اضعف منهم
:sm154:
,
ميمي بيكفى عليك اليوم
اذا اجى على بالى سؤال راح ارجعلك؟
اكيد انت فى انتظاري
ولووووووووووو اهلا وسهلا فيكي ايمتى ما كان
هلا روحي نامي
الراحه مهمه كتييير بعد الاعتراف