مشروع تصنيع الفنيك المطهر من الألف إلى الياء كأنك تراه ؟؟؟؟؟؟؟؟؟؟؟

الهندسة الكيميائية والبترول
81
11_ بعد أما أضفت محلول الصودا كله بكده أصبح الخليط كله اللى فى البرميل متصبن ولهذا بنطلق عليه صابونة الفنيك وده يعتبر أول مرحلة فى تصنيع الفنيك
لإن أنا بصنع الفنيك على 3 مراحل :
أول مرحلة وهى عمل صابونة الفنيك
وهنلاحظ ان الخليط اصبح شبه عجين نتيجة للتصبن
12 _ هنوزن 10 كيلو كيروزوت زى ما هو موضح فى الصورة رقم ( 1) وبعدين نضعهم فى البرميل الصاج وبعدين نملى ماية فى البرميل لحد قبل حذ التلت التحتانى من البرميل تقريبا زى ما هو موضح فى الصورة رقم ( 2)
وطبعا الماية اللى انا بحطها دية علشان تفك الصابونة شوية بحيث انى اعرف اقلبها ولإنى كمان هغليها وهقعد أقلب فيها كل شوية
صورة رقم (1)

صورة رقم (2)

13 _ طبعا بعد اما هضيف الكيروزوت والماية هقلب كويس وبعدين هولع النار تحت البرميل ( نار وسط ) كما ذكرنا قبل ذلك وكل شوية هقلب مش شرط تقليب مستمر ولكن كل شوية هدى تقليبتين تلاتة لحد أما الصابونة تغلى او لو هقلب بالماتور يبقى اسهلى بدل ما كل شوية هقلب بإيدى كل ده حسب راحتك انتا
14 _ اول ما الصابونة تغلى وطبعا هى بتغلى عند 97 درجة مؤية _ 100 درجة مؤية أطفى النار وأخلى بالى برده لإنها لو عدت ال 100 درجة مؤية تبتدى تفور فأخلى بالى منها وأكون مراقبها كل شوية وعينى عليها وأقيس بالترمومتر كل شوية
والترمومتر ده ب 5 جنيه بيقيس لحد 100 درجة مؤية هتلاقيه عند أى شركة مستلزمات طبية ودية صورة ليه هو طبعا مش واضح قوى لإنه متعلق فى أوكرة الباب بس اللى يدقق النظر هيشوفه

وبكده يبقى انا عملت تانى مرحلة من مراحل تصنيع الفنيك وهى تسوية صابونة الفنيك فطالما الصابون استوت يبقى تقدر دلوقتى تقبل باقى الإضافات المتبقية
82

[COLOR=#000000][COLOR=#000000][B][SIZE=5][COLOR=blue]14_ يبقى كده فاضل لنا آخر مرحلة من مراحل الفنيك : ودية بتتم كلها على البارد [B][RIGHT]بعد أما الصابونة استوت وطفينا النار

[/b][/color][/size][/b][/color][/color]
وهى اننا هنبرد الصابونة بالماية فهنملى ماية فى البرميل لحد نصف البرميل تقريبا أو أقل بشوية ونقلب كويس وبعدين نقيس درجة الحرارة بالترمومتر فالشاهد اننا هنملى ماية فى البرميل لحد اما نقيس درجة الحرارة بالترمومتر نلاقيها أقل من 50 درجة مؤية فالدرجة اللى احنا عاوزينها فى التبريد ( ألا تقل عن 40 درجة مؤية وألا تزيد عن 50 درجة مؤية ) يعنى ( من 40 _ 50 درجة مؤية )
15 _ ثم نوزن 26 كيلو قطفة فينول ونضعهم فى البرميل ثم نقلب جيدا
16 _ ثم نوزن 2 كيلو فينول كريستال من اللى سيحناه ( اللى أصبح سائل ) ونضعهم فى البرميل ثم نقلب جيدا جيدا ( تقليب كويس جدا جدا )
[/right]

83
17 _ ثم نوزن 1.5 لتر من الجاز الأبيض ( يعنى 1.200 كيلو جاز بوزن الكيلو ) ثم نضعهم فى البرميل ثم نقلب جيدا جيدا ( تقليب كويس جدا ) وطبعا وقت التفصيل هبقى أقولكم أنا بحط جاز ليه وايه مقداره فى الشتاء وايه مقدار فى الصيف وامته مضعش جاز خالص كل ذلك سنتكلم عنه بالتفصيل
18 _ ثم نكمل باقى البرميل ماية لحد قبل ال 200 كيلو بشوية لإنى لسه هضع محلول البولى ولسه هسمر بالصودا
وهذه صورة لحد ملو الماية تقريبا فى البرميل وطبعا كل برميل بيختلف من آخر يعنى انا عندى البرميل الصاج لما بملاه لحد 200 كيلو بيبقى فيه حوالى 15 سنتى فى البرميل زى ما هو موضح فى الصورة
وانا هنا هملى ماية لحد قبل ال 200 كيلو بشوية بحوالى 2 سنتى قبل ال 200 كيلو لإنى لسه هضع محلول البولى ولسه هسمر بالصودا زى ما هو موضح بالصورة

84

19_ هنوزن 1 كيلو صودا فى جردل أو بستيلة بلاستيك صغيرة ثم نضع عليهم 9 كيلو ماية ثم نقلب جيدا حتى تمام ذوبان الصودا

85
ملحوظة :
فيه نقطة نسيت أذكرها وهى ان قبل ما أوزن ال 1 كيلو صودا اللى قلت عليهم انى اشوف الفنيك الأول لو لونه أسمر وده طبعا بعد ما اقلب البرميل كويس جدا لو لونه أسمر وفيه شفافية كويسة زى ما هو موضح فى الصورة يبقى كده خلاص مش هحتاج انى اضيفله من محلول الصودا
انما هضيفله من محلول البولى فقط هضيفله من 2 _ 3 ملو شفشق صغير اللى بيزن 1.5 لتر من الماء من محلول البولى ثم أقلب جيدا

والشفافية المطلوبة واللون الأسمر كما فى الصورة

86
20 _ انما لو اللون مش أسمر ( لون الشاى بلبن مثلا أو لونه لون الكاكاو أو لونه بنى غامق بسه لسه لم يقارب السمار)
يبقى هنضيف من محلول البولى الأول علشان نسمر بمحلول الصودا فى الآخر يبقى آخر مرحلة التسمير بمحلول الصودا
يبقى هنضيف زى ما قلنا من 2 _ 3 ملو شفشق صغير اللى بيزن 1.5 لتر من الماء من محلول البولى ثم أقلب جيدا
21 _ هنضيف من محلول الصودا اللى عملناه سنة بسنة مع التقليب جيدا لحظة ما تنزل الصودا فى الفنيك

وخلى بالك أنا مش هضيف محلول الصودا كله انما انا هملى ربع شفشق مثلا من محلول الصودا واصب فى البرميل سنة بسنة مع التقليب ( وطبعا أنا مش بقول سنة بسنة علشان الفوران لأ هنا مفيش اى تفاعلات خالص و انما بقول سنة بسنة ليه علشان لو الصودا زادت منى فى الفنيك ممكن يفتح لونه خالص بعد ما اسمر ويبقى من الصعب انى ارجعه الى اللون الأسمر تانى الا بطرق تانية وشغلانة تانية ولذلك انا بقول سنة بسنة علشان كده وطبعا لما اضيف ربع الشفشق لا أحكم على اللون من أول مرة انما اقلب كويس جدا واشوف اللون واشوف الشفافية لو لسه عاوز صودا تانى املى المرة دية اقل من ربع الشفشق من محلول الصودا وأصب سنة بسنة واقلب كويس جدا واشوف اللون تانى والشفافية وهكذا الى ان يسمر الفنيك ويكون له شفافية معقولة
تانى بقولها اخلى بالى من الصودا لو زادت فى الفنيك ممكن تفتحلى اللون تانى بعد اما انظبط واسمر وتعملى مشاكل فى الفنيك من حاجة اسمها تلميس لوش الفنيك وطبعا هنبقى نفصل فى الكلام ده وقت التفصيل فآخر مرحلة دية مهمة جدا جدا
يبقى هاخد من محلول الصودا على قد التسمير فقط واللى هيتبقى من محلول الصودا فى البستيلة أغطيه واخليه لتضريبات تانية

ودية صور لمراحل اسمرار الفنيك والشفافية






87

تقبل الله منا ومنكم شهرنا المبارك شهر رمضان الكريم أعاده الله على الأمة الإسلامية بالخير والبركات

وأعدكم بإذن الله بعد انتهاء شهر رمضان الكريم بتكملة الموضوع وتنزيل ما صور فديو من تصنيعات للفنيك

والسلام عليكم ورحمة الله وبركاته

88

[SIZE=5][COLOR=Blue]هنتكلم الأن على تصنيع قطفة الفينول

لقد اردت تقديم الكلام على القطفة المصنعة قبل الإنتهاء من باقى التركيبات لخلطات الفنيك اللتى لم انتهى من الكلام عليها وذلك تلبية لرغبة الكثير من الأعضاء فى منتديات أخرى بالكلام منى على بدائل لقطفة الشركة وذلك لعدم توافر القطفة بشركة النصر لصناعة الكوك والكيماويات الأساسية او توافرها ولكن بشكل متقطع وشبه معدوم وكذلك بسبب ايضا ارتفاع اسعارها ولذلك تنزيلا لرغبة الكثيرين فسوف اتكلم على البديل لقطفة الشركة وهى تصنيع قطفة قريبة من قطفة الشركة لكى تحل محلها فى تصنيع الفنيك

وسأتكلم عليها ان شاء الله بالتفصيل كما عودتكم

لكى نبدأ بتصنيع قطفة فينول تحل محل قطفة الشركة فى تصنيع الفنيك

يلزمنا اولا معرفة ما هى الخامات اللتى تدخل فيها

الخامات اللتى تدخل فى تصنيع القطفة هى :

1_ زيت نفتلين خام
2_ فينول كريستال
3 _ بينزول
4 _ زيت كيروزوت ان وجد بتاع الشركة او مستورد

[/color][/size]

89

جزاك الله خيرا عنا ياطيب

90

السلام عليكم/الرجاء تكملة عملية التصنيع وشكرا