نجحت فى امتحان ال pmp


(system) #1

الحمد لله نجحت فى امتحان ال PMP , الحقيقة دي تاني مرة أدخل الامتحان أول مرة كانت من 3 شهور ومانجحتش, فأنا عاوز أشارك معاكم أسباب الفشل أهم من أسباب النجاح.
الحقيقة أنا فى المرة الأولى كنت واخد كورس فى شهر مايو 2015, كان كورس سريع حوالي 36 ساعة لكن كان مفيد جدا, بعد الكورس نمت مدة طويلة وصحيت كانت السنة خلصت , وابتديت أذاكر واقرا, لكن بصراحة استقليت بالموضوع وحسيت انه سهل جدا واني حدخل حنجح حنجح , لدرجة اني ليلة الامتحان خرجت مع واحد صاحبي, وماتوقعتش المتحان يكون كده.
الواقع بأة اللي صدمني فعلا, ان أسألة الامتحان كلها , وبكرر “كلها” عبارة عن مواقف, انسى بأة الأسألة المباشرة والمسائل.
لازم تكون فاهم كويس أوي عشان تحل.
المسائل اللي جت فى الامتحان 4 , اتنين على ال Earned Value وكانوا مباشرين وواحدة على P&I فى الريسك ومباشرة , وواحدة على ال network diagram وكان فيها تحوير بسيط
لو حافظ بس مش حتحل حاجة خااااااااااااااااالص
لازم تكون فاهم كل حاجة , وبرده لازم تكون حاافظ
الأسألة أغلبها كالتالي : موقف وكلام كتير وبعدين المفروض مدير المشروع يعمل اييييه ؟ والاختيارات بتكون تقريبا كلها صح بس هو عاوز أصح حاجة
السؤال لو انت حافظ بس, شبه مستحيل تعرف حتى هو فى انهو جزئية , لأن أغلب الأسألة واخدة من كذا حتة, scope على schedule على risk على communication مثلا
فى النهاية أنا لما دخلت الامتحان للمرة التانية كنت مذاكر 20 ضعف المذاكرة اللي انا كنت مذاكرها فى أول مرة , بس كنت قلقان جدا وماعرفتش انام كويس, فالقلق مش علامة انك ضايع ولاحاجة , بالعكس يمكن معناه انك مستعد فعلا
أنا قريت كتير أوي عن تجارب ناس قبل كده , كله بيأكد انك لازم تجيب 80% من أي مجموعة أسألة تحلها عشان تدخل الامتحان وانت متطمن, بس الحقيقة أنا عمر مال score بتاعي فى أي أسألة جاب أكتر من 77 ودي أقصى حاجة عرفت أجيبها
كمان الامتحان مش شبه أي حاجة أنا حلتها من برة ولا بأة fast track ولا بطيخ لدرجة اني حاليا معنديش فكرة أنصح الناس تحل منين, أنا حليت من مصادر كتير , لكن ولا مصدر شبه الامتحان
فى النهاية عاوز أشير معاكم الفيديو ده عشان محدش ييأس أو يحبط


(عمارة إسلامية) #2

بسم الله الرحمن الرحيم
السلام عليكم ورحمة الله وبركاته

ما شاء اللهُ!
بارك الله تعالى لكُم،
وجزاكم بمنّه خيرًا أخي.

يُسعدني كثيرًا إذا سجّلت في مادّة أو مساقٍ.
وأجِد من سبق أن درسه قبلي؛
فيُهديني تجربته فيه؛ لأستفيد.

تمامًا كما فعلتُم هنا!
فما أروعَ مُشاركة الخَير!

وإن شاء الله تعالى كلّ مَن له خبرة؛
يُفيد أيضًا هُنا، أو في موضوع مُستقلّ.

جميل أن يبقى لأحدنا أثرٌ.

ملحوظةٌ/
لو وَصل لإخوَتي هذا الرّدّ عبر رسالة؛ لبريدهم؛
أرجو العودةَ هُنا، وتعديل مُعرّفهم،
وذلك للمُشاركة ونفع إخوتهم بما علّمهم الله.
أسأل الله تعالى أن يكون لهُم شاهدًا.

وفّقكم اللهُ.